Apocalipsis 18:4 - Qullan Arunaca

⁴ Ucatsti yakha aru ist'aracta alajjpachat art'asiniri: “Nayanquir jakenaca, mistjjapjjam uca marcata, jan jupamp chica jucha lurapjjañamataqui, uqhamarac cuna t'akhesïwitejj jutcani ucasa jan jumanacjjaru puriñapataqui.

Aymar Bibliia 1986

⁴ Ucatsti yakha aru ist'aracta alajjpachat art'asiniri: “Nayanquir jakenaca, mistjjapjjam uca marcata, jan jupamp chica jucha lurapjjañamataqui, uqhamarac cuna t'akhesïwitejj jutcani ucasa jan jumanacjjaru puriñapataqui.

Qullan Arunaka DC

⁴ Ukatsti yaqha aru ist'arakta, alaxpachat art'asiniri: “Uka markat mistupxam, jumanakax markaxankirïpxtawa, jan jupamp chika jucha lurasipkañamataki, jupanakxar jutkani uka t'aqhisiñanakas jumanakxar jan purisinkañapataki.

Apocalipsis 18:4 Jak'a apnaqawi uñst'ayäwi

Génesis 19:14

Lot chachasti tollkanacapan ucaruw saräna, ucanacasti phuchanacapampi casarasiñataqui parlatäpjjänwa, ucatsti jupanacarojj saraquïnwa: —¡Sartasipjjam, ucatsti aca marcat jayar sarjjapjjam, Tatitu Diosaw aca marcjja t'unjani! —sasa. Ucampisa tollkanacapajj janiw Lot chachan aruparojj yäkapcänti,

Salmos 50:18

Lunthatarojj khomantasaw catoktajja, wachokan sarnakerinacampiw chicachastajja;

Isaías 48:20

Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.

Isaías 52:11

¡Mistunjjapjjam, mistunjjapjjam Babiloniatjja, jan cuna k'añurus llamct'apjjamti, mistunjjapjjam Babiloniatjja! ¡Jan cunampis k'añucht'asipjjamti qhitinacatejj Tatitun yänacapa apanipcta ucanacajja!

Jeremías 50:8

“¡Caldeo jakenacan Babilonia marcapatjja jaltjjapjjam! ¡Cunjämatejj irpanacajj taman nayrapa sarejj uqham mistunjjapjjam!

Jeremías 51:45

Nayan marcajja, uca taypit mistunjjam, sapa maynis jacañapa khespiyaspan, nayan akquiri colerasiñajjatjja!

Jeremías 51:50

Jumanacasti, qhitinacatejj jiwatäñat khespinipjjta ucanacasti jan sayt'asa jaltjjapjjam, jayanccasasa Tatitutjja amtasipjjapunim, Jerusalén marcatsa amtasipjjaraquim.

Jeremías 51:6

“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Jeremías 51:9

Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.

Mateo 23:30

Ucatsti sapjjtawa: ‘Jiwasanacatejj awquinacasan urunacapan jacapjjasän ucajja, janiw uca profetanacaru jiwayañjja yanapcasänti’ sasa.

2 Corintios 6:17

Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

1 Timoteo 5:22

Jan qhitirus janc'aqui jilïrit utt'ayamti, jan mayninacampi chic juchanïscañamataqui; amuyasipunim take jan walitjja.

2 Juan 1:11

Qhititejj aruntani uquïrejja, jan wali luräwinacaparu mayachascaspas uqhamawa.