Apocalipsis 17:15 - Qullan Arunaca

¹⁵ Angelasti saraquituwa: “Uñjctas uca kotanaca, cunjjarutï uca k'añu warmejj kont'atäqui ucanacasti acapacha marcanaca, jakenaca, uqhamarac take casta parlani marcanacawa.

Aymar Bibliia 1986

¹⁵ Angelasti saraquituwa: “Uñjctas uca kotanaca, cunjjarutï uca k'añu warmejj kont'atäqui ucanacasti acapacha marcanaca, jakenaca, uqhamarac take casta parlani marcanacawa.

Qullan Arunaka DC

¹⁵ Angelasti sarakituwa: “Uñjktas uka jawiranaka, kunxarutix q'añusir warmix qunt'atäki ukanakasti, akapacha markanaka, jaqinaka, kunayman parlani markanakawa.

Apocalipsis 17:15 Jak'a apnaqawi uñst'ayäwi

Salmos 18:4

Jiwajj sipitanacapampiw simpantitu, ajjsarcay t'unjirin nayrakatapan ajjsarta.

Salmos 65:7

Jumaw lamar kot mathapinacarojj t'acuraytajja, jumaw marcanacan ch'ajjwatap amuct'aytajja.

Jeremías 47:2

“Aqham siw Tatitojja: Amsta toketwa walja umanacajj mantani, jawirat jilarir umanacjama, aca marcarusti k'alwa chhaktayi, take cunanacatejj jupan utjqui ucanacamppacha, marcanacsa, uca marcan jaquirinacsa. Take jakenacaw arnakasipjje, jakenacasti walpun aykopjjaraqui.

Jeremías 51:13

Jumasti Babilonia, jach'a jawiranac thiyanctawa, kamir cancañamas waliraquiwa, ¡Tucusiñamajj purinjjesä, sarnakäwimas tucuyjjaraquiwa!

Jeremías 51:42

Jach'a kotasti Babiloniarojj k'alwa chhaktayi, jach'a mathapinacapampiw chhaktayaraqui.

Jeremías 51:55

Tatituw Babiloniaru t'unjasqui, ch'ajjwataparusti amuct'ayjjaraquiwa. Uñisirinacasti jach'a kota mathapinacjamaw wali ch'amampi jupanacjjarojj puriraquini.

Ezequiel 31:4

Jallumpi, orakenquir umanacampiw suma jiltayapjjtamjja; cawqharutejj ayruntatäcayät uca chekanacanjja jawiranacaw uñstaraqui, uca jawiranacan umanacapasti take ucsa tokenquir kokanacaruw karparaquïna.

Apocalipsis 10:11

Ucatsti sapjjaraquitänwa: “Jichhajj wastat parlañamawa cuntejj Diosajj sisqui take marcanacata, take casta parlani jakenacata, uqhamarac jach'a reyinacatsa uca” sasa.

Apocalipsis 11:9

Quimsa uru chicaniraquiwa take casta jakenaca, cunaymani parlani jakenaca, take marcanacata ucanacaw uca jiwatanacjja uñjapjjani, janiraquiw imantayapcaniti.

Apocalipsis 17:1

Ucatsti uca pakallko angelanacata, cawquïritï pakallko copanïcäna ucanacata mayniw nayan ucar juti, ucat saraquitu: “Jutam, uñacht'ayämaw cawquïr warmitï k'añu lurañanacan sarnakqui, uqhamarac kotanacjjaru kont'atäqui ucan mutuyäwipa.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.