Apocalipsis 16:11 - Qullan Arunaca

¹¹ ucampis janiraquiw uqhamatsa arrepientisipcänti jan wali luratanacapatjja, jan ucasti jan wali k'añu arunacacwa alajjpach Dios toke parlapjjäna, t'akhesitanacapatsa uqhamarac llejjti usunacapatsa.

Aymar Bibliia 1986

¹¹ ucampis janiraquiw uqhamatsa arrepientisipcänti jan wali luratanacapatjja, jan ucasti jan wali k'añu arunacacwa alajjpach Dios toke parlapjjäna, t'akhesitanacapatsa uqhamarac llejjti usunacapatsa.

Qullan Arunaka DC

¹¹ ukampis janiw ukhamäkasinsa jan wali luräwinakap apanukupkänti, jan ukasti, jan wali q'añu arunakampiw alaxpachankir Diosar ñanqhachapxäna, llixti usumpi mutupxatap layku.

Apocalipsis 16:11 Jak'a apnaqawi uñst'ayäwi

2 Crónicas 28:22

Acaz reyejj uqham jan walt'añanccasasa, Tatitutaquejj sayt'asiscaquïnwa. ¡Uqhamänwa Acaz reyejja!

2 Crónicas 36:23

“Persianquiri Ciro reyejj aca arunacwa arsu: Alajjpachanquir Tatit Diosawa amparajjaru catuyitu, aca orakenquir take marcanaca, uqhamaraquiwa parlitu Jerusalenana mä templo lurayañataqui, ucasti Judá orakenwa jicjjatasi. Uqhamasti qhitinacatejj jumanacata Tatitun marcapancapjjerïcta ucanacarojja, Tatit Dios yanappan, uqhamarac ucar sarjjaracpan” sasa.

Esdras 1:2

“Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Esdras 6:10

Uqhamata, alajjpachanquir Diosaru suma sacrificionaca loktapjjañapataqui, uqhamarac reyitaquisa, wawanacapataquisa mayipjjañapataquiraqui.

Esdras 7:12

“Artajerjes jach'a reyejj Esdras chacharuwa arunti, qhititejj sacerdotëqui, uqhamarac alajjpachanquiri Diosan leyipanjama suma yatichatäqui ucaru.

Esdras 7:21

Naya Artajerjes reyisti arstwa Eufrates jawirata inti jalanta tokenquir kollke caturinacarojja jan armasisa churapjjañapataqui cuntï maycani ucanaca Esdras sacerdoteru, qhititejj alajjpachanquir Diosan leyiparu suma yatichata yatichirïcaraqui.

Esdras 7:23

“Take cuntï alajjpachanquir Diosajj templopataqui mayqui ucanacjja mäqhiwa churatäñapa, jan cuna mutuyäwisa reyjjaru, wawanacapjjaru, uqhamarac marcapjjarusa jutañapataqui.

Nehemías 1:4

Aca arunac ist'asinjja kont'asisinwa jachta, ucatsti mä kawkha urunacaraquiw wali llaquita jicjjatasta, uqhamaraqui ayuno oración luraracta alajjpachanquir Diosaru.

Nehemías 2:4

Reyisti jisct'ituwa —¿Cuns jumatac luriristjja? —sasa. Ucapachasti alajjpachanquir Diosaruw mayista,

Salmos 136:26

Alajjpachanquir Diosar yuspagarapjjam, qhuyapayasiñapajj wiñayawa.

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Jonás 1:9

Jonasasti saraquïnwa: —Nayajj hebreötwa, kotanacsa, oraksa luriri alajjpachanquir Tatit Diosaru yupaychirïtwa —sasa.

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

Apocalipsis 11:13

Uca horasasti uca marcanjja mä jach'a orak qhathatiw utjäna. Uca marcata tunquïri partesti chhaktänwa, pakallko waranka jakenacaraquiw uca orake qhathatimpejj jiwarapjjäna. Chicat jakesti ajjsarañatsa alajjpachanquir Diosaruw yupaychapjjäna.

Apocalipsis 16:2

Nayrïri angelasti sarasinjja copapjja orakjjaruw wart'anïna. Take qhitinacatejj uca jach'a ajjsarcañ animalan chimpt'atäqui, uqhamarac uñtasitanacaparus yupaychapcäna ucanacarojj mä jan wali llejjti usuw mistüna wali usuyasa.

Apocalipsis 16:21

Alajjpachatsti jach'a chhijchhiraquiw jakenacjjarojj purinitayna, uca chhijchhinacasti yakhepanacajj pusi tunca kilow pesapjjäna. Jakenacasti walpun Dios tokejj arusipjjäna jan wali arunaca arsusa uca t'akhesïwin jutatapata.

Apocalipsis 16:9

Takeniraquiw sintcaña naqhantatäpjjäna, ucampis janiw arrepientisipcänti ni Diosarus yupaychapcaraquïnti, jan ucasti qhititï aca mutuñanacjjaru munañanïqui ucataquiquiw contra jan wali arunacampi arusisipcäna.

Apocalipsis 2:21

Nayajj uca warmirojj tiempo churta arrepientisiñapataqui, uqhamarac wachoka juchan sarnakañapsa apanucuñapataqui, ucampis jupajj janiw arrepientisiñ munquiti ni juchapsa apanucuñ muncaraquiti.