Apocalipsis 13:16 - Qullan Arunaca

¹⁶ Uqhamarus acampwa luraraquïnjja: jisc'arus jach'arusa, pobrerus kamirirusa, libre sarnakasirirusa jan ucajj esclavo jakerusa, cupi amparapatsa, jan ucajj parapatsa mä chimpumpiw chimpt'äna.

Aymar Bibliia 1986

¹⁶ Uqhamarus acampwa luraraquïnjja: jisc'arus jach'arusa, pobrerus kamirirusa, libre sarnakasirirusa jan ucajj esclavo jakerusa, cupi amparapatsa, jan ucajj parapatsa mä chimpumpiw chimpt'äna.

Qullan Arunaka DC

¹⁶ Ukhamarus taqinin kupi amparapampiru, jan ukax, parapampiruw mä chimpu chimpt'ayäna, jisk'a jaqirusa, jach'a jaqirusa, pist'añan jakasir jaqirusa, qamirirusa, antutat sarnaqasirirusa, uywat jaqirusa.

Apocalipsis 13:16 Jak'a apnaqawi uñst'ayäwi

2 Crónicas 15:13

Ucatsti arsupjjaraquïnwa qhititejja Israelan Tatit Diosaparu jan thaktañ muncani ucajja jiwayatäñampi juchañchatäñapa, jach'äpansa, jisc'äpansa, chachäpansa, warmïpansa.

Job 34:19

Jupajj janiw marca apnakerinacata arjjatasquiti, janiraquiw kamirinacarusa juc'ampi pobrenacat sipansa munasquiti, jupajjaya take jakerusa uscusiracchejja.

Salmos 115:13

Tatitur iyawsirinacarojj asquinac churani, jisc'arusa, jach'arusa.

Salmos 49:2

jan yäkat jakenaca, aytat jakenaca, kamir jakenaca, jan cunan jakenaca.

Éxodo 13:9

‘Jumanacasti amparanacamaru, uqhamarac para patanacamaruw mä unancha apapjjäta, ucawa amtayapjjätam Tatitun camachipat parlapjjañamataqui, jupawa jach'a ch'amapampi Egipto marcatjja apsunipjjtamjja.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

Zacarías 13:6

Qhititejj jisct'anejja: ‘¿Cuna chhojjrinacas janchiman apcta ucajja?’ sasajja, jupasti saraquiniwa: ‘Amigonacajjan utapanwa uqham lurapjjetu’ ” sasa.

Hechos 26:22

Ucampis Diosan yanapapampejj jichhacamaw juparojj jan pächasisa arcascta. Diosan arunacap takenir yatiyasa, jisc'arus jach'arusa. Janiw cunapachas yakha arunacjja parlcti, cuntejj profetanacajj uqhamarac Moisesas arsupcäna, uqhamarac cunatï khepa urunacan phokhasiñapäcäna ucanacatjja:

1 Corintios 12:13

Take jiwasanacasti, judiosa, griegosa, esclavosa, libresa, Kollan Ajayun bautisasjjasinjja mä sapa cuerpoquiw tucjjtan; takenisa uca pachpa Ajayutaracwa catoktanjja.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Gálatas 6:17

Acat kheparojj janiw qhitis nayar jan walt'ayañapjja muncti, walja chhojjrinacaraquiw janchejjan utji, ucanacaw Tatit Jesusar sirvirïtajj uñacht'ayi.

Efesios 6:8

Sapa maynis yatjjapjjtawa, esclavosa, khespitasa, asqui luratanacapatjamwa Tatitutjja catokapjjani.

Deuteronomio 11:18

“Ucatsti aca arunacajja chuymanacamaru, p'ekenacamaru uchapjjam, uqhamaraqui amparamarusa, paramarusa, mä chimpur uñtata uchasipjjam.

Deuteronomio 6:8

Uqhamaraquiwa uca camachi arunacjja amparamaru ñach'antata aparaquïta, paramansti mä chimpur uñtata.

Colosenses 3:11

Janiw jichhajj utjcjjeti judiöñas, griegöñasa; circuncidatäñasa, jan circuncidatäñasa; jaya jakëñasa, jan amuyt'anïñasa, esclavöñasa, jan ucajj khespiyatäñasa; jan ucasti Cristow take cunajja, jupajj take cunancaraquiwa.

2 Timoteo 3:8

Cunjämatejj Janes, uqhamarac Jambres jan wali jakenacajj Moisés contra sayt'apjjäna, uca pachparaquiw uca jakenacajj Tatitun arunacapataqui sayt'apjje. Aca jakenacajj chuymatpach jan wali amtani jakenacäpjjewa, iyawsäwi toketjja apanucutäpjjewa.

Apocalipsis 11:18

Marcanacajj wal colerasipjje, juman mutuyañ urusti puriniraquiwa, jiwatanacar taripañ horasamasa. Jumjjat parliri sirvirinacamarusti mä wajjt'äwi churaraquïtajja, uqhamarac jumar catuyasitäqui ucanacarusa, sutim jach'achirinacarusa, jisc'arusa, jach'arusa. Aca orake t'unjirinacarusa, jumajj t'unjaraquïtawa” sasa.

Apocalipsis 15:2

Ucatsti uñjaractwa mä jach'a kotar uñtata, ucasti vidriompit ninampit luratjamänwa. Qhitinacatejj jach'a ajjsarcañ animalarusa, uñtasitaparusa, uqhamarac uca animalan sutipäquis uca numeroparus atipjapcäna ucanacajja, uca kota thiyan sayt'atäpjjänwa, cuntejj Diosajj jupanacar churcataynas uca arpa apt'atcamaqui.

Apocalipsis 19:18

Ucatsti mank'apjjam reyinacan, comandantenacan aychapa, caballonacan aychapa, caballonacan lat'jjatatäcän uca jakenacan aychapa, take jaken aychapsa, jisc'äpasa, jach'äpasa, librëpasa, esclavöpasa!” sasa.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.

Apocalipsis 19:5

Ucatsti mä aruraquiw tronotpacha ist'asïna: “Yupaychapjjam Diosasaru, take qhitinacatejj jupar sirvipjjta ucanaca, uqhamarac jupar ajjsaririnacasa, jisc'as jach'asa” sasa.

Apocalipsis 20:12

Jiwatanacarusti jisc'arus jach'arus jupan nayrakatapan sayt'ata uñjta. Libronacasti jist'aratänwa, uqhamarac yakha librosa. Uca librosti jacañ libro satawa. Jiwatanacasti luräwinacaparjam uñjatäpjjänwa, cunjämtï uca libronacan kellkatäcänsa uqhamaru.

Apocalipsis 20:4

Ucatsti trononacwa uñjaracta, ucanacansti qhitinacatejj taripañataqui munañanïña catokapcataynas ucanacaw kont'atäpjjäna. Uñjaractwa qhitinacatejj p'eke apakata jiwapjjäna Jesusan testigopäpjjatapata, uqhamarac Diosan arunacap parlapjjatap laycu. Uqhamaraquiw qhitinacatejj jan uca jach'a ajjsarcañ animalaru, diosaparus yupaychapcataynati ni chimpupsa p'ekenacaparu ni amparanacaparu uchayasipcataynasa ucanacajj ucancapjjaraquïnwa. Ucanacasti jactapjjataynawa ucatsti Cristompiw waranka mara reinapjjäna.

Apocalipsis 6:15

Acapach reyinacasti, take munañani jakenacasa, kamirinacasa, jilïr militaranacasa karka p'iyanacaruw imantasjjapjjäna, take esclavonacampi, uqhamarac libre sarnakasiri jakenacamp chica.

Apocalipsis 7:3

aqham sasa: “¡Jan cuna ñankhsa lurapjjamti aca orakeru, ni kotarusa, ni kokanacarusa, janïr Tatit Diosan sirvirinacaparu paranacapat sellonacampi chimpt'casina!” sasa.