Amós 3:6 - Qullan Arunaca

⁶ Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Aymar Bibliia 1986

⁶ Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Qullan Arunaka DC

⁶ trompetan phust'asitap markan ist'aski ukkhaw jaqix wal sustjasi; Tatitux kuns apayanki ukkhaw jan walinakax markan utji.

Amós 3:6 Jak'a apnaqawi uñst'ayäwi

Génesis 50:20

Jumanacajj nayarojj jan walinac lurañ munapjjäyätajja, ucampis Diosaw uca jan waljja asquiru tucuyjje, cuntejj jichhajj uñjctan uca lurañataqui: walja jakenacan jacañanacapa khespiyañataqui.

2 Reyes 6:33

Jupanacampi uqham parlquipanwa qhitatajj purinïna jupan ucaru; ucatsti Eliseorojj sänwa: —Chekpachansa Tatitojjaya aca jan walt'añjja apayanchistojja, ¿cunsa nayajj jupat juc'ampi suyiristjja?

Isaías 45:7

Nayaw khansa ch'amacsa uscta, sumancañsa, chijinacsa nayaw apayanta. Naya, Tatituw take ucanac lurta.

Jeremías 10:7

Marcanacan reyipa, ¿qhitis janejj ajjsartamjja? Juma sapaquiw ajjsaratäñajj waquistajja. Aca oraken yatiñani jakenacat sipansa, reyinacat sipansa janiw jumjamajj qhitis utjquiti.

Jeremías 4:19

¡Usutuw ucat k'ewinaktta! ¡Chuymajjas walpun putuquiraqui! ¡Janiw inact'irjamäcti, janiraquiw amuct'irjamäctsa! Mä trompetan phust'asitapwa ist'ta, guerran arnakasiñanacampi cuna.

Jeremías 4:5

“Aca arunacsti Jerusalenana, uqhamaraqui Judá oraken yatiyapjjam; trompetanacampi phust'asa take marcpacharu yatiyapjjam, wali jach'at art'apjjam: ‘¡Jina! ¡Tantacht'asipjjañäni! ¡Jach'a perkani marcanacaru!’ sasa.

Jeremías 5:22

Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Jeremías 6:1

¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Ezequiel 33:3

Ucatsti cunapachatejj uca uñch'uquirejj uñisirinacaru jutantasquiri uñji ucapachasti trompetapwa toct'i uqhamat marcanquiri jakenacajj amuyasipjjañapataqui.

Oseas 5:8

¡Gabaa chekanjja guerra pututu phust'apjjam, Ramá chekansti trompetraqui phust'apjjam! ¡Bet-avén chekansti p'arjjtayapjjaraquim! ¡Benjamín casta jakenacarusti: Amuyasipjjam, sapjjaraquim!

Amós 3:5

Cuna sipitarus jalt'i ucqhaw jamach'ejj orakeru jalaktanejja. Cuns catji ucqhaw sipitajj oraket thoktejja.

Sofonías 1:16

Uca urojj trompetaw phust'asini, wararipjjaraquiniwa. Uca jach'a suma lurat utanacas, uqhamaraqui jach'a altocam lurata torrenacapas t'unjatäcani ucqhajja.

Zacarías 8:10

Jichhürcamawa jan utjcänti pagañajj jakenacataquisa ni uywanacataquisa. Uñisirinacap laycu, janiraquiw utjcänti sumancañas jakenacataquejja; nayaw uchawayaractjja mayninacajj mayninac contra sartañapjja.

Hechos 2:23

Ucampisa, cunapachatï Jesusajj jumanacar catuyatäcän ucqhajja, phokhasiscänwa cunjämtï Diosajj nayratpach amtcatayna uqhamarjama. Jumanacasti jucharar jakenacan amparanacap tokew catuntapjjtajja. Ucatsti jiwayapjjaractawa, mä cruzar ch'accatasina.

Hechos 4:28

Uqham lurasajj jupanacajj phokhasipquiwa, take cuntejj jumajj nayratpach amtcäyäta lurasiñapataqui uqhamarjama.

2 Corintios 5:11

Ucatpï, nanacajj Tatitur ajjsartirinacjamajja, jakenacarojj amuyt'ayañ munapjjtjja. Ucampis Diosajj yatjjewa cunäpctï nanacajj ucjja, uqhamaraqui jumanacas yatipjjaraquismaw cunäpctejj nanacajj ucjja.