Amós 2:10 - Qullan Arunaca

¹⁰ Ucatsti, nayajj jumanacarojja Egipto marcatwa apsunipjjsma, pusi tunca mararaquiw wasarana irpnakapjjsma jupanacan orakepa jumanacaru churañataqui.

Aymar Bibliia 1986

¹⁰ Ucatsti, nayajj jumanacarojja Egipto marcatwa apsunipjjsma, pusi tunca mararaquiw wasarana irpnakapjjsma jupanacan orakepa jumanacaru churañataqui.

Qullan Arunaka DC

¹⁰ Nayaw jumanakarux Egipto markat irpsunipxsma, pusi tunka maraw wasaran irpnaqapxsma amorreonakan uraqipsa jumanakaruw churapxsma.

Amós 2:10 Jak'a apnaqawi uñst'ayäwi

Nehemías 9:21

Wasaranjja pusi tunca marawa mank'añjja churäyätajja, uqhamarac ucatjja janipuniw cunsa jupanacataquejja pist'aycäyätati; janiraquiw isinacapas thanthascänti, ni cayunacapas p'usuntcaraquïnti.

Salmos 95:10

Pusi tunc maraw qhä jakenacataquejj k'apisïyäta, ucat säyäta: Aca marcajj wali pantjataw sarnake; ¡janiw arsutanacajjar jaysapquiti!, sasa.

Éxodo 12:51

Uca urpachawa Tatitojj Egipto marcata israelitanacarojj apsunïna mä ejercitöcaspas uqhama.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Jeremías 2:6

Nayar thaktañatsti janiw llaquisipcaraquiti, nayaw jupanacarojj Egiptot apsunta, wasaranjam irparacta, sinti waña orakenjama, uqhamarac jach'a jakhe jakhe taypnama, jan umani orakenjama, uca orakesti cunayman jan walt'añanacansa phokhantataraqui, cawqhantejj jan qhitis jacquiti uqhamaraqui, jan qhitis sarnakqui uca orakenjama.

Ezequiel 20:10

Nayaw jupanacarojj Egiptot irpsunta, wasara tokeruw irparacta,

Amós 3:1

Israelitanaca, ist'apjjam cuntejj Tatitojj Egipto marcat irpsunqui uca familianacar sisqui uca arunaca:

Amós 9:7

Aqham siw Tatitojja israelitanacarojja: “Nayataquejja jumanacasa, etiopenacasa mayaquïpjjtawa. Cunjämtï jumanacaru Egipto marcat apsunipjjsmajja, uqhamaraquiw filisteonacarojj Creta islat apsuntjja, uqhamarac arameonacarus Kir sat marcata apsuniractjja.”

Miqueas 6:4

Nayaw jumarojj Egipto marcat apsunsma, t'akhesiñat khespiyanisa; nayawa Moisés, Aarón, uqhamarac María jupanacaru qhitanta, jumar irpañapataqui.

Números 13:32

Ucatsti israelitanacarojj sapjjänwa, cawquïri oraktejj uñjanipcatayna ucajj jan walïtapa, aqham sasa: —Cawquïri oraktejj uñjiri sarapcta ucajj, ucan jaquir jakenacarojj jiwarayiwa, uqhamaraquiw ucan jakenaca uñjanipcta ucanacajj wali jach'anacäpjjewa.

Números 21:25

Uqhamaw israelitanacajj take amorreonacan marcanacap catuntasipjjäna, uqhamarac Hesbón marca takpach marcanacapampi, ucatsti ucaruw jacañataqui kheparapjjäna.

Números 32:13

Tatitusti israelitanacataquejj colerasïnwa, ucatsti pusi tunca maranacaw wasaran sarnakayäna, uqhamarac janiw maynisa kheparcjjänti, cawquïrinacatejj Tatiturojj jan wali luräwinacapampi ñankhachapcatayna ucanacatjja.

Hechos 13:18

Diosasti wasaranjja pusi tunca maraw apjjasïna jupanacan take casta jan wali luräwinacapatjja.

Hechos 7:42

Ucatpï Diosajj jupanacarojj jaytanucjjänjja, jupanacasti warawaranacaruquiw yupaychapjjäna, cunjämtï profetanacajj kellkapcäna uqhamarjama: ‘Israelit jakenaca, ¿pusi tunca mara wasaranccasinjja animalanac qharsusina sacrificionac loktapjjestati?

Deuteronomio 1:39

Jumanacasti sapjjayätawa: Uñisirinacasajj inas warminacassa, uqhamarac wawanacassa aparchistani sasa, ucampis uca wawanacaw, cawquïrinacatï jan amuyanïpqui uca wawanacaw uca orakenacarojj mantapjjani, nayaw uca orakenac jupanacar churä.

Deuteronomio 2:7

Jumanacan Tatitu Diosamaw bendicipjjaractam take cuntï lurapcta ucanacansa; juparaquiw aca pusi tunca maranacas yanapapjjtam, imapjjaractamwa aca wasaran sarnakapcta ucansa, jan cun pist'ayasa.

Josué 13:4

Aynacha tokerusti cananeonacan takpach orakepa, uqhamaraqui sidonios sat marcana Mehara orakepsa, Afec sat orakcama, amorreonacampi korpäqui ucatpacha.

Josué 24:8

Nayaraquiw amorreonacan orakeparojj irpanipjjsma, Jordán jawirat inti jalsu tokeru. Jupanacasti jumanacampiw nuwantasipjjäna, ucampis nayawa ch'am churapjjsma jumanacan atipjapjjañamataqui, uqhamaraqui orakenacapsa catuntasipjjañamataqui.