Amós 1:9 - Qullan Arunaca

⁹ Aqham siw Tatitojja: “Tiro marcanquir jakenacajj wali ñankhanacpuni lurapjje, ucasti janiw jan mutuyatäpcaspati; mä marcpacharu esclavot Edom marcaru aljantapjjatapata, cawquïr marcanacampitejj jilapurjam jacañatac arust'äwejj utjcäna ucaru jan phokhasa.

Aymar Bibliia 1986

⁹ Aqham siw Tatitojja: “Tiro marcanquir jakenacajj wali ñankhanacpuni lurapjje, ucasti janiw jan mutuyatäpcaspati; mä marcpacharu esclavot Edom marcaru aljantapjjatapata, cawquïr marcanacampitejj jilapurjam jacañatac arust'äwejj utjcäna ucaru jan phokhasa.

Qullan Arunaka DC

⁹ Tatitux akham siwa: “Tiro markankir jaqinakax wali ñanqhanakpun lurawayapxi, ukat jupanakarux mutuyarakï; mä markpachar t'aqhisiyat luqtiritak Edom markar aljantapxatapata, kawkïr markanakampitix jilapurjam jakasiñatak arust'äwix utjkäna ukar jan phuqhapxatapata.

Amós 1:9 Jak'a apnaqawi uñst'ayäwi

2 Samuel 5:11

Ucatwa Tiro marcan Hiram reyipajj, Davidan ucarojj mayni qhitanacwa qhitaniraquïna; carpinteronacampi, kala ch'iyiri jakenacampi, ucanacasti cedro maderanac apt'ataw jutapjjaraquïna, jupanacasti David reyin palaciopwa utachapjjaraquïna.

Salmos 83:7

Gebal, Amón, Amalec jakenaca, Tiro oraken jaquir filisteonaca,

Jeremías 25:22

Tiro, Sidón sisqui uca marcanacan take reyinacaparusa; Mediterráneo sisqui uca jach'a kota tokenquir reyinacarusa;

Jeremías 47:4

Filisteonacaru tucjañ urusti puriniwa, Tiro, Sidón marcanacaru cuna yanapatejj jupanacataqui utjasqui uca apnakaña horasas puriniraquiwa. Jïsa, Tatitojj filisteo jakenacarojj k'al tucjani, qhitinacatejj Creta sat islaru sarjjapjje ucanacarusa.

Ezequiel 27:1

Tatitusti nayan ucaru jutasinjja, saraquituwa:

Ezequiel 27:27

Kamir cancañamasa, aljasiñanacamasa, achunacamasa, marineronacamasa, barconaca apnakeri jakenacamasa, barconacam asquichiri jakenacasa, alaquipa lurir jakenacamasa, nuwasiri jakenacamasa, ucan sariri take jakenacamasa, jach'a kota mankharu jakontatäpjjaniwa cunürutejj jumajj umaru jalantcäta ucapachajja.

Ezequiel 28:1

Tatitusti nayan ucaru jutasinjja, saraquituwa:

Ezequiel 28:18

Walja juchanacpunwa lurtajja, alaquipa luratamampisti walpun k'añuchsusiractajja, templonacamsa taquisiractawa. Ucatpï nayajj juma taypinjja mä nina nactaytjja, uca ninaw naqhantaraquïtamjja; jichhasti takeniw jumarojj uñjapjjaraquïtam, oraker waranucuta, khellar tucuta.

Amós 1:11

Aqham siw Tatitojja: “Edom marcanquir jakenacajj wali ñankhanacpuni lurapjje, ucatsti janiw jan mutuyatäpcaspati, Israelita jilanacaparu jan qhuyapt'ayasisa espada ayt'ata arcnakapjjatap laycu. Jach'a colerasiñapasa, uñisiñapasa jilapataquejj jan tucusquirïnwa.

Amós 1:6

Aqham siw Tatitojja: “Gaza marcanquir jakenacajj wali ñankhanacpuni lurapjje, ucasti janiw jan mutuyatajj kheparapcaniti, mä marcpacharu catuntasina Edom marcana esclavonacapat aljarapjjatapata.

Abdías 1:11

Cunapachatejj uñisirinacapajj marcatjja kamir cancañap saqueyjapcän ucqhajj, uqhamaraqui yakha marcanquir soldadonacas Jerusalén marcan puncunacap t'unjapcäna, jilt'irinacapsa aljasipcäna, uqhamaraqui take imasitanacapsa apasipcäna, ucapachajj jumajj jan cun yatiriw tuctajja, jupanacjamaraquiw tuctajja.

Zacarías 9:1

Aca arunacsti Tatituw yatiyawayi Hadrac marcampi, Damasco marcampi contra: “Sirianquir marcanacajj Tatituncapjjewa, take Israelanquir tribunacjamaraqui.

Mateo 11:21

“¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

Mateo 11:22

Ucampis nayajj sapjjsmawa, taripäwi urunjja jumanacaw Tironquirit sipansa, Sidonanquirit sipansa jach'a mutuña catokapjjätajja.

Lucas 10:13

“¡Ay, cunaquïcani, Corazín marca! ¡Ay, cunaquïcaraquini jumataquejj, Betsaida marca! Tiro Sidón marcanacana, cuna milagronacatejj jumanac taypin lurasqui ucajj lurasisapänjja, cawquipachaw jupanacajj Diosarojj juchanacapat arrepientisisa cutiquipstapjjasapäna, uqhamarac luto isimp ist'ata, khellampis williquipasipjjaraquisapäna llaquisiñata.

Lucas 10:14

Ucampis jumanacajj taripäwi urunjja juc'amp mutuña catokapjjäta Tiro, Sidón marcanacat sipansa.