Amós 1:3 - Qullan Arunaca

³ Aqham siw Tatitojja: “Damasco marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Galaad marcanquirinacarojj fierro jawc'añampi jawc'supjjatapata.

Aymar Bibliia 1986

³ Aqham siw Tatitojja: “Damasco marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Galaad marcanquirinacarojj fierro jawc'añampi jawc'supjjatapata.

Qullan Arunaka DC

³ Tatitux akham siwa: “Damasco markankirinakax wali ñanqhanakpun lurapxi, ukat jupanakax mutuyatäpxani, Galaad markankirinakarux trigo jawq'añampiw jawq'supxi.

Amós 1:3 Jak'a apnaqawi uñst'ayäwi

1 Reyes 19:17

Uqhamatwa qhititejj Hazaelan espadapata jaltcani ucarojja, Jehú chachawa jiwayani, uqhamarac qhititejj Jehú chachan espadapata jaltcani ucarojja, Eliseo chachaw jiwayaraquini.

2 Reyes 13:3

Uca laycuw Tatitojj Israel marcataqui colerasïnjja, ucatjja walja maranacawa Siria marcanquiri Hazael reyin amparaparu catuyäna, uqhamarac Ben-adad sat yokapan amparaparusa.

2 Reyes 13:7

Joacaz reyin ejercitopajja janiw waljäcjjänti, jan ucasti pheska tunca caballería soldadonacaquiw utj-jjäna, tunca nuwasiñ carronacampi, uqhamarac tunca waranka infantería soldadonacampiquiraqui, Siria marcanquir reyiw k'al tucjatayna, lak'ar tucuyañcama tucjasina.

2 Reyes 16:9

Ucatsti Asirianquir reyejj mayitaparojj ist'änwa, wact'ayasïnwa Damasco marcar nuwir sarañataqui, ucatjja catuntänwa. Uca pasatatjja jakenacaparojj Kir sat chekaruw apanucuyäna, ucatsti Rezín reyerojj jiwayaraquïnwa.

2 Reyes 8:12

Ucat Hazael chachajj juparojj jisct'änwa: —¿Cunatsa, tata, jachtajja? —sasa. Eliseosti ucjjarojj sänwa: —Nayajj yattwa, jumajj jan walwa israelitanacaru lurätajja uca, nuwasiñataqui lurat utanacapjja ninampiwa naqhantayäta, ucanquir waynanacarojj espadampcamaw jiwarayäta, jisc'a wawanacarusti jiwayaraquiquïtawa, uqhamarac usur jake warminacarusti puracanacapwa jist'jaraquïtajja ucanac yatisaw jachta —sasa.

Job 19:3

Mayampi mayampwa nayarojj jisc'achjapjjestajja. ¿Janit uqham nayaru lurapjjatamatsti p'enkasipcta?

Job 5:19

Mayampsa, mayampsa jan walt'añatjja khespiyascaquïtamwa, janiraquiw ñankhan jumjjaru jutañapsa muncaniti.

Proverbios 6:16

“Tatitojj sojjta jan walinacaruw uñisi; ucat juc'ampisa pakallkcama:

Eclesiastés 11:2

Cawqhacamatejj utjctam uqhacama, utjirinacam mayninacampi jaljasim, cuna jan walitejj marcar jutcani uc jan yatitam laycu.

Isaías 28:27

Eneldojj janiw jawc'susquiti, cominjjarusti janiraquiw mä carretampis katatquipasquiti; jan ucasti eneldojj mä lawampiquiw thalsusi, cominosti mä jisc'a varampiquiraqui.

Isaías 41:15

Nayaw jumarojj trigo yawthapiñar uñtat tucuyascäma, machaka, uqhamaraqui suma ari lacanacani; montenac yawthapïta, lak'aruraquiw tucuyaraquïta, jisc'a kollunacsti jichhuruw tucuyaraquïta.

Isaías 7:16

Ucampis uca wawajj janïra suma amuyt'asirïcani ucapachaw cawquïri pani reyinacan marcanacapatejj jumaru ajjsarayctam uca marcanacajj apanucutäjjani.

Isaías 7:8

Damascosti Siria marcan capitalapawa, Rezín sat reyisti uca Damasco marcan reyiparaqui. Samariasti Efrainan capitalapawa, Remaliasan yokapasti Samarian reyiparaquiwa. Ucampisa acat sojjta tunca pheskani mararojja Efraín marcajj janiw juc'ampi utjjaniti; uqhamaraqui jumanacatejj jan suma iyawsañanïpcsta ucapachajja janiraquiw suma ch'amani sayt'asipcätati.’

Isaías 8:4

Janïra uca wawajj: ‘Tata, mama’ sañ yatcani ucapachaw Damasco, uqhamaraqui Samaria marcanacarusa k'al k'epsuwayapjjani uca laycu, kamir cancañanacapsti Asiria marcanquir reyir churañataquiw apasjjapjjaraquini.”

Amós 1:11

Aqham siw Tatitojja: “Edom marcanquir jakenacajj wali ñankhanacpuni lurapjje, ucatsti janiw jan mutuyatäpcaspati, Israelita jilanacaparu jan qhuyapt'ayasisa espada ayt'ata arcnakapjjatap laycu. Jach'a colerasiñapasa, uñisiñapasa jilapataquejj jan tucusquirïnwa.

Amós 1:13

Aqham siw Tatitojja: “Amón marcanquir jakenacajj wali ñankhanacpun lurapjje, ucatsti janiw jan mutuyatäpcaspati, orakepa jach'a tucuyasiña laycojja Galaad marcanquir usur jake warminacan puracanacapsa qharipjjatapata.

Amós 1:6

Aqham siw Tatitojja: “Gaza marcanquir jakenacajj wali ñankhanacpuni lurapjje, ucasti janiw jan mutuyatajj kheparapcaniti, mä marcpacharu catuntasina Edom marcana esclavonacapat aljarapjjatapata.

Amós 1:9

Aqham siw Tatitojja: “Tiro marcanquir jakenacajj wali ñankhanacpuni lurapjje, ucasti janiw jan mutuyatäpcaspati; mä marcpacharu esclavot Edom marcaru aljantapjjatapata, cawquïr marcanacampitejj jilapurjam jacañatac arust'äwejj utjcäna ucaru jan phokhasa.

Amós 2:1

Aqham siw Tatitojja: “Moab marcanquir jakenacajj walja ñankhanacpuni lurapjje, ucatsti janiw jan mutuyatäpcaspati, Edom marcan reyipan ch'aqhanacap khellar tucuyañcam phichhantapjjatapata.

Amós 2:4

Aqham siw Tatitojja: “Judá marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Tatitun yatichäwinacapjja janiw catokapquiti, ni leyinacaps phokhapcaraquiti, jan ucasti cawquïr yakha diosanacarutejj awquinacapajj yupaychapcäna uca pachparuquiraquiw yupaychasipqui.

Amós 2:6

Aqham siw Tatitojja: “Israel marcanquir jakenacajj walja ñankhanacpuni lurapjje, ucasti janiw jan mutuyatäpcaspati; jan cuna juchanirusti kollkeruw aljapjje, pobrerusti mä paris wisqhururaqui.

Zacarías 9:1

Aca arunacsti Tatituw yatiyawayi Hadrac marcampi, Damasco marcampi contra: “Sirianquir marcanacajj Tatituncapjjewa, take Israelanquir tribunacjamaraqui.

Zacarías 9:2

Uqhamaraqui jupancaraquiwa Hamat marcasa, uca jac'anquir marcanacasa, Tiro, Sidón uca marcanacasa take yatiñanacapamppacha.