Abdías 1:3 - Qullan Arunaca

³ Jach'a jach'a tucutamaw sallkjtamjja. Karka p'iyanacanwa jactajja, alto kollunacanwa utjaractajja, ucatwa amuyasiractajja: ‘Janiw qhitis liwekquitaspati’ sasa.

Aymar Bibliia 1986

³ Jach'a jach'a tucutamaw sallkjtamjja. Karka p'iyanacanwa jactajja, alto kollunacanwa utjaractajja, ucatwa amuyasiractajja: ‘Janiw qhitis liwekquitaspati’ sasa.

Qullan Arunaka DC

³ Jach'a jach'a tukutamaw sallqjtamxa. ‘Janiw khitis liwiqkitaspati sistawa: Nayax qarqa p'iyanakan jakasta, alay qullunakan utjasirakta’ sasa.

Abdías 1:3 Jak'a apnaqawi uñst'ayäwi

Génesis 36:8

Ucatwa, Esaú chachajj cawquïritejj Edom satäcaraqui ucajj Seir kollu tokenacar jaquiri sarjjäna.

2 Reyes 14:7

Amasías reyiw tunca waranka edomita jakenacaru jiwarayäna Jayu Valle chekana, ucatsti catuntänwa Sela sat orake, ucatjja sutiñchänwa Jocteel sasa, ucasti jichhürcamawa uqham sutinïsqui.

2 Crónicas 25:11

Amasiasasti ch'amachasisinjja ejercitopjja Sal sat valleruwa apäna, ucatjja Seir chekanjja tunca waranka chachanacaruwa jiwarayäna.

2 Crónicas 25:12

Ucjjarusti Judá orakenquiri jakenacajj yakha tunca waranka jakenacampi preso catuntanipjjäna, ucatsti mä karka kollu pataruw apapjjäna, ucatcamwa jupanacar jakontanipjjäna, uqhamatwa takeni jisc'a jisc'a tucusipjjäna.

Job 20:6

Uca cusisiñapajj alajjpachjama jach'äscpasa, p'ekepasa kenayanaccamasa puriscpan,

Proverbios 16:18

Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.

Proverbios 18:12

Jach'a jach'a tucuñanjja, aynacht'añawa utji; llamp'u chuyma tucuñansti, jach'ar aptatäñawa utjaraqui.

Proverbios 29:23

Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.

Isaías 16:6

Moab marcan jach'a jach'a tucur chuymapsti uñt'tanwa, jach'a jach'a tucuñapsa, sajjrätapsa, jan cunatac inamaya arunacapsa yatiractanwa.

Jeremías 21:13

“Valle uñjjatata marca, pampanjja mä karkaru uñtataraquïtawa, naya Tatitusti, jumataquiw jichhajj sayt'ta. Jumanacasti sapjjtawa: ‘¿Qhitis nuwistaspa? ¿Qhitiraquisa imantasiñascamajja purt'anispa?’ sasa.

Jeremías 37:9

Jichhasti naya Tatituw sapjjsma: Jan chuymanacamanjja cusisipjjamti, janiraqui sapjjamsa: ‘Caldeonacajj sarjjaniwa’ sasa, ucasti janiw uqhamäcaniti.

Jeremías 48:28

Moab orakenquiri jakenaca, marcanacat mistuwayjjapjjam; karkanac taypiru jaquiri sarjjapjjam, palomanacjama, karka pata lacanacaruraqui tapachasipjjam.

Jeremías 49:16

Jach'a jach'a tucutam laycuw sallkjayastajja, ajjsarcañaraquïyätawa. Karka p'iyanac taypinwa jacaractajja, kollu patanacata waythapisisaraqui. Ucampisa allkamarinacar uñtatasay wali alto chekanacaru tapachasiscam, ucatpachwa nayajj jumaru apakanïma. Naya Tatituw ucjja arsta.

Jeremías 49:4

¿Cunatsa jumajj ch'amamat wali jach'achasta? Nayataqui sayt'asir marca, ch'amamajj tucusjjewa, cuna kamir cancañamtejj apthapcta ucaruw alcatastajja, ucatsti saractawa: ‘¿Qhitis nayarojj nuwantitaspa?’ sasa.

Ezequiel 28:16

Walja jach'a alaquipa luratanacamampisti, juchanacampi, ch'ajjwañanacampiw phokhantasiractajja. Ucapachaw nayrakatajjat jakonucsma; Diosan kollupatsa jakonucuracsma, cawquïri angelatejj uñjcäyätam ucasti warawaranac taypitjja apsunjjaractamwa.

Malaquías 1:4

Esaú chachana wawanacapa Edomita jakenacatejj sapjjaspajja: ‘Jiwasasti t'unjataw uñjastan, ucampisa wasitatwa marcasjja sayt'ayañäni’ sasa. Take ch'amani Diosasti aqham saraquispawa: “Jupanacasti wastat marcanacap sayt'ayasipcpan, ucampis nayajj wasitatwa t'unjaraquëjja. Ucatsti marcapajj: ‘Juchan phokt'at marca’ satäniwa; orakenacapasti ‘Diosan wiñayataqui colerasitapa orake’ sataraqui.”