Abdías 1:12 - Qullan Arunaca

¹² Jilamajj chijir purcän uca urojj janiw cusisiñamäcänti, Judá marcajj aynacht'cän uca urusti janiraquiw cusisiñamäcänti, llaquisiña urupansti janiw jupanacatjja sawcasiñamäcänti.

Aymar Bibliia 1986

¹² Jilamajj chijir purcän uca urojj janiw cusisiñamäcänti, Judá marcajj aynacht'cän uca urusti janiraquiw cusisiñamäcänti, llaquisiña urupansti janiw jupanacatjja sawcasiñamäcänti.

Qullan Arunaka DC

¹² Jilamax chijir purkän uka urux janiw kusisiñamäkänti, Judá markax aynacht'kän uka urusti janirakiw kusisiñamäkänti, llakisiña urupansti janiw jupanakat sawkasiñamäkänti.

Abdías 1:12 Jak'a apnaqawi uñst'ayäwi

Job 18:20

Cunapachatejj uqhama pasatapatjja inti jalsu tokensa, inti jalanta tokensa yatipjjani ucapachasti, ajjsarañat qhathatisaw uñjasipjjaraquini.

Job 31:29

“Janipuniw uñisirejjan aynacht'atapatjja cusiscäyätti, mä jan walt'añan juparu puritapatsa cusiscäyätti.

Salmos 22:17

ch'aqhanacajjas jaqhuñjamäjjewa. Timanacajjasti atipjasajj jan phisayaw uñch'uquipjjetu,

Salmos 31:18

C'arisir lajjranacajj amutur tucupjjpan, asqui jakenacar chuym usuyapjjatapata, jach'achasiñampi, jisc'achasiñamp uñjapjjatapata.

Salmos 35:15

Nayar lanctasir uñjasasti cusisipjjewa, janis uñt'atäquirist uqham uñjapjjetu, jan karjasisaw nuwjapjjetu.

Salmos 37:13

Tatitusti jupat larusiwa, tucusiñ urup purinitap yati.

Salmos 54:7

jumaw take llaquinacat waysusta, uñisirinacajjan aynacht'atap uñjayaraquista.

Salmos 59:10

Nayar munasir Diosajj jicjjatitaniwa; uñisirejjan aynacht'atap uñjayitani.

Salmos 92:11

Nayranacajjajj timanacajjar aynacht'ir uñjani, jinchunacajjasti aynacht'atap ist'apjjani.

Proverbios 17:5

Qhititejj pobre jaketa sawcasqui ucajja, jupan luririp Tatituruw jan wal lurasqui; qhititejj jake masipan aynacht'atapata larusqui ucajja, mutuyataw uñjasini.

Isaías 37:24

Juman yanapirinacamampiraquiw Tatiturojj jisc'achtajja, saractawa: ‘Guerrar sarir walja carronacajjampiraquiw wali alto kollunacaru maqhatjjä, Líbano jach'a kollu ilaymiparus maqhataractwa, ucansti cedro maderanacapsa suma pinonacapsa, qhuchhuraractwa. Wali alto kollunacapcamapuniwa purtjja, pankar yapur uñtat ch'uminacaparusa.

Lamentaciones 2:16

Take uñisirinacamaraquiw jumataqui jichhajj arsupjje qhuyusisa, ajjsaraña arunaca arsusaraqui, sapjje: “K'alpuni t'unjtanjja, acpunwa suyascäyätanjja, jichhasti cunjämtejj uñjañ muncäyätan uqhamwa uñjtanjja” sasa.

Lamentaciones 4:21

¡Edom marca, jichhajj larusim, cusisiraquim; Uz sat oraken apnakeri! ¡Jumarojj t'akhesiña umañajj wact'araquïtamwa, ucatsti k'alala, machjataw uñjasiraquïta!

Ezequiel 35:12

Ucapachaw jumajj uñjäta, cuna jan wali arunactejj jumajj Israelan kollunacap toke arscäyäta uca arunaca ist'atajja. Jumasti saractawa: ‘Uca kollunacajj ch'usa wasaraquiwa, jichhajj tucj-jjaracsnawa,’ sasa.

Ezequiel 35:15

Jumasti, cunapachatejj Israelan catokata orakepa t'unjatäcän ucapachajj cusisiyätwa, jichhasti jumajj uqham t'unjataw uñjasiraquïta. Seir kollu, mä wasararu tucuyataw uñjasiraquïta, Edom tokenquir marca. Ucapachaw yatipjjani nayan Tatitütajja.’

Ezequiel 36:5

Aqham siw Tatitojja: Arunacajjajj colerasiñampi aktayatawa uca marcanacataquejja, ucat juc'ampisa Edom marcataqui jupanacajj wali cusisiñampi nayan orakenacajj catuntasipjje uqhamaraqui wali jisc'achjañampiw orakenacajjsa lunthatjapjje’ sasa.

Miqueas 4:11

“Jichhasti walja marcanacaraquiw juma contrajj mayacht'asipjjejja, aqham sasa: “Jichhajj Jerusalén marcaru taquisitwa uñjañäni, ucatsti cusisiraquiñäniwa” sasa.

Lucas 19:41

Jerusalén marca jac'ar purisinsti, Jesusajj marca uñjasinjja jachänwa,

Santiago 3:5

Uqhamaraquiw lajjrasampejj lurasi. Lajjrasajj jisc'aquiwa janchisanjja, ucampis walja jach'anacwa luraspajja. Mä jisc'a ninajj mä jach'a monte naqhantaspajja.

2 Pedro 2:18

Jupanacasti jan wali arunacwa parlapjje. Ucatsti vicionacapampi jan wali lurañanacapampejja, uca jan walinacat jaltanirinacarojj wasitatwa uca jan walinacaru irpapjje.

Judas 1:16

Ucanacajj quejasiri uqhamarac c'umirinacäpjjewa jupanacan quicpa amtäwinacap phokhañac thakapjje. Jach'a jach'a tucusaw parlapjje, ucasti jakenacatjja sum parlapjje, uqhamat jupanacataqui asqui apsuñataqui.

Apocalipsis 13:5

Uca jach'a ajjsarcañ animalarusti Diosjjat jan wali arunac parlañapataquejj munañanïñaw churataraquïna. Pusi tunca payani phajjsiraquiw jupajj wali munañani tucüna.

1 Samuel 2:3

Jan qhitis jichhajj jach'achasiñampi parlpati, janirac qhitis sinti yatiñan tucpati, Tatitu Diosaw jichhajj take cunsa yati, juparaquiw jaken luräwinacapsa uñjaraqui.