3 Juan 1:7 - Qullan Arunaca

⁷ Jupanacajj Tatit Jesucristor sirviñataquiw sarañjja kalltapjjejja, janiraquiw cuna yanapsa catokañ munapcänti Diosar jan uñt'irinacatjja.

Aymar Bibliia 1986

⁷ Jupanacajj Tatit Jesucristor sirviñataquiw sarañjja kalltapjjejja, janiraquiw cuna yanapsa catokañ munapcänti Diosar jan uñt'irinacatjja.

Qullan Arunaka DC

⁷ Jupanakasti Jesucriston sutipxar sarañatakiw mistupxi, ukatsti janirakiw Diosar jan uñt'ir jaqinakat kuna yanap katuqañsa munapkiti.

3 Juan 1:7 Jak'a apnaqawi uñst'ayäwi

Juan 15:21

Take acanacjja lurapjjätamwa nayan sutejj laycu, jupanacajj qhitanquitu ucarojj jan uñt'apjjatap laycuraqui.

Hechos 20:33

Janiw nayajj munapaycäyätti qhitin kollkepsa ni qhitin isipsa.

Hechos 20:35

Uca quicparacwa jumanacarus yatichawayapjjsma: Waquisipuniw uqham irnakañajja, uqhamat jan utjirininacarus yanapt'añataqui, cuntï Tatit Jesusajj sawayqui uca arunacat amtasisa: ‘Catokerit sipansa juc'amp cusisiñaniw qhititï churqui ucajja’ ” sasa.

Hechos 5:41

Apostolonacasti jilïrinacan nayrakatapatjja cusisitaw mistuwayjjapjje: —Diosajj jiwasanacarojj walicwa ajllisistojja aqham Tatitun sutip laycu t'akhesiñasataquejja —sasa.

Hechos 8:4

Ucampis Jerusalenat alisnucutäpcän ucanacajja, take tokeruw sarapjjäna, Diosan arunacap yatiyasa.

Hechos 9:16

Nayaraquiw juparojj uñachayä kawkha t'akhesiñapatejj naya laycu jupan utjqui uca —sasa.

1 Corintios 9:18

Nayataquejj uca wajjt'asiñajj acawa: Chuymajjanjja cusisiñaw utji jan qhititsa cun mayis khespiyasiñ arunac parlatajjata. Janiraquiw cunatejj wact'quitu ucanacsa mayiscti.

2 Corintios 12:13

Jumanacarojj janiw yakha iglesianacat menosäpcasmas uqham lurapcsmati, jan ucasti jumanacat jan cun mayitajjaquiw utjejja. ¡Perdonapjjet uqham jan mayitajjatjja!

2 Corintios 4:5

Cunapachatï nanacajj parlapcta ucqhajj janiw nanacatti parlasipctjja, jan ucasti Jesucriston Tatitütapatwa parlapjjtjja. Nanacasti jumanacan sirvirimaquiw tucupjjtjja, Jesucristor munapjjatajj laycu.

Filipenses 2:9

Ucatwa Diosajj juparojj wali jach'aru apti, mä suti churaraqui, uca sutisti take sutit sipans wali jach'araquiwa.

Colosenses 1:24

Jichhajj jumanac laycu t'akhesisajj cusistwa, uqhamatwa pachpa janchejjan phokhascta, cunatejj Criston cuerpopan t'akhesiñajj jan phokhatäcän ucjja, uca cuerposti iglesiawa.

3 Juan 1:8

Ucatpï jiwasanacajj jupanacar uñjañasajja jupanacar yanapt'añataqui, Diosan cheka arunacap parläwina.

Apocalipsis 2:3

Wali llamp'usiña take cunataquis usctajja. Naya laycusti waliraqui ch'am tuctajja, jan karjasisaw t'akhisiractajja.