2 Timoteo 3:9 - Qullan Arunaca

⁹ Ucampis janiw juc'amp nayrar sarapcaniti, takeniraquiw amuyasipjjani aca jakenacajj lokhenacätapa, cunjämatejj uca paninejj Moisés contra sayt'atapata pascäna, uqhamaraquiw pasani acanacampejja.

Aymar Bibliia 1986

⁹ Ucampis janiw juc'amp nayrar sarapcaniti, takeniraquiw amuyasipjjani aca jakenacajj lokhenacätapa, cunjämatejj uca paninejj Moisés contra sayt'atapata pascäna, uqhamaraquiw pasani acanacampejja.

Qullan Arunaka DC

⁹ Ukampis janiw nayrar juk'amp sarantapkaniti, taqi jaqiw jupanakan pisi amuyun jaqinakätap amuyapxani, kamisatix Moisesar saykatapkän uka jaqinakan pisi amuyupax qhanstkän ukhama.

2 Timoteo 3:9 Jak'a apnaqawi uñst'ayäwi

1 Reyes 22:25

Ucatsti Micaías profetajj sänwa: —Yatïtawa cunürutejj jumajj utat uta jalnakcäta imantasiñataqui ucüru —sasa.

Salmos 76:10

Jaken tipusiñapajj jumar jach'añchañaruw tucu, juc'a k'apisiñapas jumaruw jach'añchi.

Éxodo 7:11

Uca uñjasinsti faraonajj wali amuyt'an jakenacaru, uqhamarac jupanacan wali yatiri jakenacaruw jawsayanïna, ucatsti uca jakenacajj yatiñanacapampejja quipcaracwa lurapjjaraquïna;

Éxodo 7:12

jupanacajj sapa mayniw varanacap oraker liwnokapjjäna, ucatsti uca varanacapajj catarinacaruraquiw tucuraquïna. Ucampis Aaronan jach'a thujrupasti wali amuyt'ani jakenacampina, uqhamarac yatiri jakenacan varanacaparojj mank'antänwa.

Éxodo 9:11

Jichhäqui ucansti Egiptonquir jach'a yatirinacajj janiw Moisesampi jiquisir saraña puedipcänti, karachi usojja jupanacar catuntatap laycu, mayni egipcio jakenacarjama.

Jeremías 37:19

¿Cawquincaraqui jichhasti uca profetanacasti, qhitinacatejj parlapcäna ‘Babilonianquir reyejj janiw jumanacarusa ni aca marcarusa nuwiri jutcaniti sapcäna ucanacasti?’

Lucas 6:11

Jakenacasti wal colerasipjjäna, ucat jupanaccamaw jisct'asipjjäna: ¿Camachsnas aca Jesusarojja?, sasa.

Hechos 13:11

Ucatpï jichhajj Tatitojj jumar mutuyätamjja. Juyqhuptätawa, janiraquiw intin khanaps uñjcätati mä kawkha urunaccama —sasa. Ucspachaw jupajj jan cuns uñjcjjänti, ina lajja ch'amacaquëjjänwa jupataquejja, ucatwa mayni amparat irpir thakäna.

2 Timoteo 3:8

Cunjämatejj Janes, uqhamarac Jambres jan wali jakenacajj Moisés contra sayt'apjjäna, uca pachparaquiw uca jakenacajj Tatitun arunacapataqui sayt'apjje. Aca jakenacajj chuymatpach jan wali amtani jakenacäpjjewa, iyawsäwi toketjja apanucutäpjjewa.