2 Timoteo 3:10 - Qullan Arunaca

¹⁰ Ucampis jumajj sumwa arcawayta nayan yatichäwinacajjaru, sarnakatajjaru, amtäwejjaru, iyawsäwejjaru, llamp'u chuymanïtajjaru, munasiñajjarusa,

Aymar Bibliia 1986

¹⁰ Ucampis jumajj sumwa arcawayta nayan yatichäwinacajjaru, sarnakatajjaru, amtäwejjaru, iyawsäwejjaru, llamp'u chuymanïtajjaru, munasiñajjarusa,

Qullan Arunaka DC

¹⁰ Ukampis jumax yatichäwixar arkapuntawa, ukhamarak sarnaqataxaru, amtäwixaru, iyawsäwixaru, llamp'u chuymanïtaxaru, munasiñaxaru, ch'amampi sayt'asiñaxaru,

2 Timoteo 3:10 Jak'a apnaqawi uñst'ayäwi

Daniel (hebreo) 1:8

Ucampisa Danielajj chuymapanjja amtasiraquïnwa jan uca reyin mank'apampi ni vinopampisa k'añuchasiscaña, ucatsti reyin palaciopan sirvirinacapan jilïriparuwa mayiraquïna, jani uca mank'anacampi k'añuchasiñataqui.

Lucas 1:3

Nayasa uqhamaraquiw wali amuyumpi take ucanacatjja kalltatpacha suma yatjjatta. Ucat nayataquejj walicjamaquiw amuyasi, acanac saraparjama jumar kellkaniñajja, munat Teófilo,

Hechos 11:23

Antioquiar purisinjja, Bernabeajj wal cusisïna, cunjämtï Diosajj jupanacar bendiscatayna uc uñjasajja. Jupanacarusti ewjjt'awayiwa: “Take chuymamp Tatitur arcapjjam” sasa.

Hechos 2:42

Takeniw sum arcapjjäna cunjämtejj apostolonacajj yatichcäna uqhamarjama, maynit maynicama suman jacasisa. Uqhamaraquiw tantachasipjjäna Diosat mayisiñataqui, t'ant'a pachjañataquisa.

Hechos 20:18

Purinipjjëpansti jupanacarojj sänwa: —Jumanacajj yatipjjtawa cunjämtejj nayajj jumanacampejj sarnakawaycta ucjja, cunürutejj aca Asia toker purincta ucürutpacha.

Hechos 26:4

“Take judionacajj asquiw yatipjje, cunjämtejj nayajj jupanac taypin jaccäyäta marcajjana, uqhamarac Jerusalenana, wawatpacha ucjja.

Romanos 16:17

Jilatanaca, achict'apjjsmawa, sum amuyasipjjam qhitinacatï iglesianjja jan wali lurqui ucanacatjja. Jupanacajj jaljtañanacaru uqhamarac jan walt'añanacaruw apapjjeristam, take acanacasti cuntejj jumanacajj yatekapctas uca contrawa. Jupanacatjja jithektapjjam.

2 Corintios 1:17

¿Janiquiy sum amtcchïyätti acanac lup'cäyät ucqhajja? ¿Jumanacasti amuyapjjtati nayajj acapach jakenacjamaraqui parlquirista: “Jïsa, janiwa” sasa cunapachatejj nayajj tumpañataqui amtcta ucqhasti?

Efesios 4:14

Janiw wawanacjamäcjjañäniti, cawcsarus janc'aqui irpataqui, cawquïri machak yatichäwin thayapampis apataqui, uqhamarac sallka jakenacan luräwinacapar jalantasa, jupanacasti jan wali sarnakäwinacaparuw irpañ munistu.

Filipenses 2:20

Nayataquisti janiw qhitis jupjam amtanejj utjquiti, uqhamarac jumanacatsa wal llaquisiraqui, jumanacajj sumancapjjañamataqui.

Filipenses 2:22

Ucampis jumanacajj yatipjjtawa cunjämtejj Timoteojj nayampi sarnakcasinjja take chuyma Diosaru catuyasitapa uñacht'ayquitus ucjja. Tatitun arunacap parlañanjja cunjämtï mä wawajj awquiparojj yanapqui uqhamwa yanapitu.

1 Tesalonicenses 1:5

Cunapachatejj nanacajj khespiyasiñ arunac parlapcäyäsma ucqhajja janiw nanacan arunacajjaquïcänti, jan ucasti Kollan Ajayun ch'amapampiw parlatäna, uqhamarac aca arunacajj chekätap yatisinaraqui. Jumanacajj yatipjjtawa cunjäms jumanac taypin sarnakapjjtjja, jumanacan asquinacamataqui ucjja.

1 Timoteo 1:3

Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

1 Timoteo 4:6

Actejj yatichäta jilatanacarojja, Jesucriston mä suma sirviripäyätawa, ch'amañchasïtawa iyawsäwi arunacampi, suma yatichäwinac arcatamampi.

1 Timoteo 6:11

Ucampis jumajja, Diosanquir chachjamajja, take acanacatjja jaltam, k'oma jacäwini saram, Dios chuyma, iyawsañani, munasiñani, jan pisi chuymt'añani, llamp'u chuymanïñanraqui.

2 Timoteo 2:22

Waynanacan jan wali luräwinacapatjja jithektam, k'oma jacañan sarnakam, uqhamarac iyawsañana, munasiñana, sumancañana, qhitinacatejj Tatitur k'oma chuymampi mayipqui ucanacamp chica.

2 Timoteo 4:2

Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

2 Timoteo 4:7

Nayajj suma nuwasïwjja nuwastwa, tucuyäwcamaw jalaracta, iyawsañsti janiraquiw chhakaycti.

Tito 2:7

Juma pachparaqui mä suma uñtäwi uñacht'ayam take cunansa. Yatichañansti cheka cancañampi yaticham, phokhasaraqui,

Hebreos 13:9

Janiy yakha jan uñt'cay yatichäwinacampejj apayasipjjamti. Waquisiwa chuymanacasaru munasir Diosan ch'amap catokañasajja, mank'añataquejj cunayman leyinacas utjchi ucasa. Take aca leyinacajja janipuniw cuna ascsa lurcänti arquirinacaparojja.

2 Pedro 3:11

Take cunas uqham tucjaschini ucajja, jumanacajj ¡cunja Tatit chuymas jupar wali catuyasita jacapjjañamajja!