2 Timoteo 2:21 - Qullan Arunaca

²¹ Jach'a urun apnakatäñataquejja, uqhamarac Tatitur sirviñataquisa, catuyatäñataquisa, take jan walitjja k'omäñapapuniwa; ucqhawa cuna asqui lurañataquis sirvinejja.

Aymar Bibliia 1986

²¹ Jach'a urun apnakatäñataquejja, uqhamarac Tatitur sirviñataquisa, catuyatäñataquisa, take jan walitjja k'omäñapapuniwa; ucqhawa cuna asqui lurañataquis sirvinejja.

Qullan Arunaka DC

²¹ Khititix jan wali lurañanak apanukunixa, jach'a urun apnaqañ yänakar uñtatäniwa; Tatitutak qullanaptayat aski lurir jaqïniwa, aski lurañatakis jasakirakïniwa.

2 Timoteo 2:21 Jak'a apnaqawi uñst'ayäwi

Salmos 119:9

¿Cunjämatarac mä waynast k'oma jacañanïspasti? Arunacamarjam sarnakasa.

Isaías 1:25

Wasitat jumataquejj amparajj aytä, uca k'añu t'una luratanacamsti ninampiw k'ala nacsuyä, k'oma tucuyäma, take k'añu luratanacama.

Isaías 52:11

¡Mistunjjapjjam, mistunjjapjjam Babiloniatjja, jan cuna k'añurus llamct'apjjamti, mistunjjapjjam Babiloniatjja! ¡Jan cunampis k'añucht'asipjjamti qhitinacatejj Tatitun yänacapa apanipcta ucanacajja!

Jeremías 15:19

Uqhamasti Tatitojj saraquituwa: “Nayan ucarutejj cuttanjjäta, ucapachasti catokjjaraquïmawa, sirviraquitätawa. Alekaquiw parlañ yattajja, uctejj apanucüta, cunatejj parlañajj waquisqui ucaqui parlaraquïta ucapachasti, jumajj nayat parläta. Jupanacaw juman ucarojj cuttanjjapjjañapajja, janiw jumati jupanacan ucarojj cuttañamäqui.

Malaquías 3:3

Ucatsti jupajj Leví tribur k'omachañataquiw kont'asini, cunjämatï maynejj kollksa, korsa ninampi k'omachqui uqhama. Ucatsti jupanacajj ofrendanacapjja Diosarojj loktapjjaraquiniwa cunjämtï jupanacajj loktapjjerïqui uqhama.

Hechos 9:15

Ucampis Tatitojj Ananiasarojj sänwa: —Sarascaquim, nayaw juparojj ajllista nayjjat parlañapataqui yakha marcanquirinacaru, reyinacaru, israelit jakenacampiru.

1 Corintios 5:7

Cawquiritï juchar apapctam uca nayra levaduratjja k'omachasipjjam, uqhamata jumanacajj Pascuan mank'añäquis uca t'ant'jam tucupjjañamataqui. Uca t'ant'asti janiw levaduranïquiti, machak suma jac'ut lurataraquiwa, jumanacasti chekpachansa uqhamäpjjaractawa. Cristoraquiwa jiwas laycu sacrificion jiwawayi, juparaquiwa Pascua Corderosajja.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

2 Corintios 9:8

Diosajj jumanacarojj take casta bendicionanacwa jilarquir churapjjeristamjja, uqhamat jumanacajj take cunampis phokt'atäpjjañamataqui, ucat take asqui luräwinacan yanapt'asipjjañamataqui.

Efesios 2:10

Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

1 Timoteo 6:11

Ucampis jumajja, Diosanquir chachjamajja, take acanacatjja jaltam, k'oma jacäwini saram, Dios chuyma, iyawsañani, munasiñani, jan pisi chuymt'añani, llamp'u chuymanïñanraqui.

2 Timoteo 2:16

Amuyasim aca oraken jan cunataqui sirvir ch'usa arunacatjja. Qhitinacatejj aca arunac parlapqui ucanacajj sapürutjamaw jan walinacar jalantapjje,

2 Timoteo 2:20

Mä jach'a utanjja janiw korit kollket lurat yänacaquit utjqui, jan ucasti utjaraquiwa lawata, uqhamarac ñek'et lurat yänacajja; mayanacajja jach'a urunacan apnakañataqui, mayanacasti inürunacan apnakañataquiraqui.

2 Timoteo 3:17

uqhamat Diosanquirinacajj wali yatiñanïpjjañapataqui, take casta suma luräwinacatac suma waquichatäpjjañapataqui.

2 Timoteo 4:11

Lucasaquiw nayampïsqui. Marcosaru thaktam ucatsti jumamp chica irpanim, irnakäwejjanjja nayarojj yanapitaniwa.

Tito 3:1

Iyawsirinacarojj amtayaraquim, marca apnakerinacaru, jilïr autoridadanacarus ist'apjjañapataqui, uqhamarac cunatejj sumäqui uc lurañataquis janc'aquïpjjañapataqui.

Tito 3:14

Uqhamaraqui jiwasanquirinacajj yatekapjjpan asqui luraña, yanapt'añansa pist'ayasiñ horasanacajja, jacäwinacapan asquïñapataqui.

Tito 3:8

Aca arunacasti chekawa, nayajj juman ch'aman sayt'asiñam munta, qhitinacatejj Diosar iyawsapjje ucanacajj asqui lurañanacaru uchasipjjañapataqui. Ucanacajj asquiwa sumaraquiwa taketaquisa.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.

1 Juan 3:3

Take qhititejj acanac Jesucristotjja suyt'qui ucajja, jupa pachpawa k'omachasi cunjämatejj Tatit Jesucristojj k'omäqui uqhama.