2 Timoteo 2:16 - Qullan Arunaca

¹⁶ Amuyasim aca oraken jan cunataqui sirvir ch'usa arunacatjja. Qhitinacatejj aca arunac parlapqui ucanacajj sapürutjamaw jan walinacar jalantapjje,

Aymar Bibliia 1986

¹⁶ Amuyasim aca oraken jan cunataqui sirvir ch'usa arunacatjja. Qhitinacatejj aca arunac parlapqui ucanacajj sapürutjamaw jan walinacar jalantapjje,

Qullan Arunaka DC

¹⁶ Ñanqha arunak arsuñanak apanukum, uka parlirinakax jan wali luräwinakaruw jalantapxi,

2 Timoteo 2:16 Jak'a apnaqawi uñst'ayäwi

Esdras 10:10

Ucatsti Esdras sacerdotejj sayt'asisinjja sänwa: —Jumanacasti jaya marcanquir warminacampi casarasisajja juchwa lurapjjta, uqhamata Israelan juchapa jiljjatayasa.

Oseas 12:1

“Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

1 Corintios 15:33

Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.

1 Corintios 5:6

Jumanacasti janiw uca luratanacamatjja jach'a jach'a tucupjjañamäquiti. ¿Janit aca säwsti yatipcta: “Mä juc'a levadurajj takpach t'ant'a maswa poktayejja” sasa?

1 Timoteo 1:9

Janiw cuna leyisa asqui luririnacataquejj uscutäquiti. Leyejja Dios contra sayt'irinacataqui uscutawa, jan ist'irinacataqui, jan wali luririnacataqui, juchaninacataqui, Diosarus ni arsutanacaparus jan jaysirinacataqui, awquiparu taycaparu jiwayirinacataqui, uqhamarac jake jiwayirinacataqui,

1 Timoteo 4:7

Ucampis jan yäkamti aca oraken lokhe arunacaparojja. Sapürus Dios chuymaqui jacam.

1 Timoteo 6:20

Timoteo, cunatejj jumaru catuyatäqui ucjja imam. Jan ist'amti ch'usa jan cunataqui asquïqui uca arunacjja, ni uca c'ari yatiñ cancañ sutinïqui ucarusa.

2 Timoteo 2:14

Ac amtayam uqhamarac ewjjt'am Tatitun nayrakatapana: Jan arunacjjatjja ch'ajjwapjjpati. Aca ch'ajjwañanacajj janiw cunataquis asquïquiti, jan ucasti yakhanacaru mayjt'ayiriquiwa ucanacac ist'irinacataquejja.

2 Timoteo 2:21

Jach'a urun apnakatäñataquejja, uqhamarac Tatitur sirviñataquisa, catuyatäñataquisa, take jan walitjja k'omäñapapuniwa; ucqhawa cuna asqui lurañataquis sirvinejja.

2 Timoteo 3:13

Ucampis jan wali jakenacajj uqhamarac sallkjerinacasa jan walit juc'amp jan waliruw sarapjjani, sallkjasina, uqhamarac sallkjayasisina.

Tito 1:11

Ucanacarojj amuct'ayañaw waquisi. Familiapachanacwa mayjt'ayapjje, cunatejj jan walïqui ucanac yatichasina, jan wali chuymampi kollke jicjjatasiñ laycuqui.

Tito 1:14

Janiraqui yäkapcpasa judionacan nayra parlanacaparu, ni chekapat saraker jaken arunacaparus ist'apjjpanti.

Tito 3:9

Ucampis jan munamti jan wali jisct'anaca, nayra arunaca, ch'ajjwanaca, uqhamarac Moisesan leyipjjata ch'ajjwañanaca. Ucanacajj inamayawa, jan cunatac asquiraquiwa.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.

2 Pedro 2:18

Jupanacasti jan wali arunacwa parlapjje. Ucatsti vicionacapampi jan wali lurañanacapampejja, uca jan walinacat jaltanirinacarojj wasitatwa uca jan walinacaru irpapjje.

2 Pedro 2:2

Waljaniraquiwa uca k'añu luräwinacaparojj arcapjjani, jupanac laycuraquiw chekpach asqui thaquitjja jan walinacajj parlasini.

Apocalipsis 13:14

Nayrïri jach'a ajjsarcañ animal nayrakatana uca uñacht'äwi lurañapatac munañanïña churatätap tokesti, take aca oraken jaquirinacaruw sallkjäna. Ucatsti jakenacarojj mä c'ari diosa lurayaraquïna nayrïri jach'a ajjsarcañ animalar uñtata, cawquïritejj espadampi chhojjriñchjatäsina jacayascjjataynas ucar uñtata.

Apocalipsis 13:3

Uca animalan maynïri p'ekepasti wali chhojjriñchjatjamaquïnwa, ucampis uca chojjripajj kollatäjjänwa. Aca orakpacharaquiw uc uñjasajj wal muspharapjjäna, ucatsti uca animalaruraquiw arcapjjäna.