2 Timoteo 2:15 - Qullan Arunaca

¹⁵ Cunäquipansa, mä suma irnakerjama Diosan nayrakataparu uñstam, jan cunatsa p'enkasiñani, chekaparu Tatitun arunacap parlasinaraqui.

Aymar Bibliia 1986

¹⁵ Cunäquipansa, mä suma irnakerjama Diosan nayrakataparu uñstam, jan cunatsa p'enkasiñani, chekaparu Tatitun arunacap parlasinaraqui.

Qullan Arunaka DC

¹⁵ Kunäkipansa, Diosan nayraqatapan suma irnaqirjam uñstañatak ch'amachasim, jan kunat p'inqa tukur irnaqir jaqjama, Tatitun chiqa arunakap yatichirjama.

2 Timoteo 2:15 Jak'a apnaqawi uñst'ayäwi

Mateo 13:52

Jesusasti ucjjarojj saraquïnwa: —Cunapachatejj mä ley yatichirejj Diosan reinopata sum yatjje ucajja utan jakjamawa. Jupasti suma imat yänacapatjja yatiwa machak yänacsa, merk'e yänacsa apsuniñjja —sasa.

Marcos 4:33

Uqhamwa Jesusajj Diosan arunacapatjja yatichäna, walja yakha amuyt'äwinacampi, cawqhacamatejj jakejj amuyt'irjamäcän ucqhacama.

Lucas 12:42

Tatitusti sänwa: —¿Qhitirac suma phokheri amuyt'an mayordomosti, qhitirutï utanipajj utapanquirinacar horasapar mank'ayañatac jaytisti?

Hechos 2:22

“Ist'apjjam Israelanquir chachanaca, cuntejj sapcäma uca: Diosajj jumanac taypinjja Nazaretanquir Jesusampejj cunayman muspharcaña uñacht'äwinacwa luri. Uca tokeraquiw Jesusajj Diosan asquit uñt'atäna. Uca luratanacsti jumanacajj sumwa yatipjjta.

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.

Romanos 14:18

Qhititejj Cristor uqham sirvchejja ucajj Diosataquejj sumawa, jakenac nayrakatansti sumat uñt'ataraquiwa.

Romanos 16:10

Apeles jilatarus aruntapjjaraquim, jupasti uñacht'ayaraquiwa cawquicamatejj jupan iyawsañapajj Cristotaqui utjqui ucsa, uca quipcaraqui Aristóbulo satan familiaparusa.

Romanos 6:13

Janchinacamjja jan jucharojj catuyasipjjamti mä cunäcaspas uqhama juch lurañataqui, jan ucasti Diosar catuyasipjjam, cunjämtejj jucharu jiwjjasina jacjjapjjtajja uqhama. Jichhasti Diosar catuyasipjjam take cuerppacha, cunatejj asquïqui uc lurañataqui.

1 Corintios 2:6

Yatiñ cancañatjja parlaractwa qhitinacatejj iyawsäwinacapanjja suma jiltatäjjapjje ucanacaru, ucampis uca yatiñ cancañajja janiw acapachanquirïquiti ni acapachan munañan jakenacancquisa, ucanacasti tucusiriquiwa.

2 Corintios 10:18

Qhititejj jupapachpat jach'achasqui ucajj janiw asqui jaket uñt'atäquiti, jan ucasti qhitirutejj Tatitojj jach'achqui ucaw asqui jakejja.

2 Corintios 3:6

Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

2 Corintios 5:9

Ucataracwa Diosataquejj sum sarnakañ muntanjja, janchisan jaccasinsa jan ucajj jiwjjasinsa.

Gálatas 1:10

Cunapachatejj ac siscta ucqhajja, ¿nayajj jakempit waliquiw sayasiñ muntjja, jan ucajj Diosampich waliquiw sayasiñ muntjja? Jan ucajj ¿jakeruch cusisiyañ muntjja? Nayatejj jaker cusisiyañ munasquirista ucajja, janiw Criston sirviripäquiristti.

Efesios 1:13

Cunapachatejj jumanacajj Tatitun khespiyasiñ arunacap ist'apjjta ucqhajja, Cristorojj iyawsapjjtawa, juparuw mayachasjjapjjaractajja uqhamarac Diosanquirinacjamajj Kollan Ajayumpi sellatäjjapjjaractawa cawquïrtejj jupajj qhitaniñatac arsuwaycäna ucampi.

1 Tesalonicenses 2:4

Jan ucasti, Diosajj asquit uñt'apjjetu, pachpa khespiyasiñ arunac parliriw qhitapjjetu, uqhamarjamaw parlasipcaractjja. Janiw jaker cusisiyañ munapcti, jan ucasti chuymanacas uñt'ir Diosaruw cusisiyañ munapjjta.

1 Tesalonicenses 5:14

Sapjjaracsmawa, jilatanaca, jan irnakañ munirinacarojja ewjjt'apjjam, mayjt'atanacarojj ch'amañcht'apjjam, t'uqhanacarusti yanapt'apjjaraquim, takenimpis llamp'u chuymanïpjjaraquim.

1 Timoteo 4:6

Actejj yatichäta jilatanacarojja, Jesucriston mä suma sirviripäyätawa, ch'amañchasïtawa iyawsäwi arunacampi, suma yatichäwinac arcatamampi.

Hebreos 4:11

Uca samarañar mantañataquejj waquisipï wal ch'amañcht'asiñasajja, jan qhitis qhä jan iyawsirinacjama sarnakpati.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.

2 Pedro 1:10

Ucatpï jilatanaca, Diosajj jumanacar jawsapctam, uqhamarac ajllipctam ucanjja sum sayt'apjjañamajja; jumanacatejj take acanaca lurapjjäta ucqhajja janipuniw aynacht'apcätati.

2 Pedro 1:15

Ucampis cunjämatsa waquisiyäwa, jumanacajj jiwatajjat khepatsa aca arunacatjja amtasisipcañamataquipuni.

2 Pedro 3:14

Ucatpï munat jilatanaca, acanac suyt'casajja take cunsa ascpun lurapjjam, uqhamata Diosajj jumanacar sumana jicjjatañapataqui, jan juchani ni cuna k'añunsa.