2 Samuel 7:27 - Qullan Arunaca

²⁷ Jumätaw take ch'amani Tatitojj, nayar yatiyista wawanacajjan apnakañap toketjja; ucatwa nayajj, juman sirvirimäctsa ucasa, aca mayïwi mayt'assma.

Aymar Bibliia 1986

²⁷ Jumätaw take ch'amani Tatitojj, nayar yatiyista wawanacajjan apnakañap toketjja; ucatwa nayajj, juman sirvirimäctsa ucasa, aca mayïwi mayt'assma.

Qullan Arunaka DC

²⁷ Taqi ch'aman Tatituxay, jumaw wawanakaxan marka apnaqañap tuqit nayar yatiyista; ukat nayax juman luqtirimäkasinsa, aka mayisïwimpi achikt'assma.

2 Samuel 7:27 Jak'a apnaqawi uñst'ayäwi

2 Samuel 7:11

cunapachatï jilïrinaca marcajjar apnakañapataqui utt'aycäyät ucapachasti. Nayaw take uñisirinacamatjja khespiyata uñjasiyäma. Yatiyaracsmawa jumanjja walja wawanacamaw utjani,

2 Samuel 7:13

Juparaquiw nayataquejj mä templo utacharapitani, nayasti reinopjja wiñayataquipuniw utt'ayaraquëjja.

1 Reyes 11:38

Jumatejj ist'itäta take cuntejj luram siscäma ucanaca, uqhamarac luratanacamas nayan nayrakatajjana chekapäni, ucatsti phokharaquïta leyinacajjsa, camachi arunacajjsa, cunjämatï David sirvirejjajj lurquejja uqhama, nayajja jumampïyäwa, uqhamaraqui familiamsa ch'aman sayt'ayäjja, cunjämatï Davidaru lurcta uqhama; ucatsti Israeljja jumaruwa catuyäma.

Salmos 10:17

Tatay, jumaw jan yäkat jakenacan mayisitap ist'asctajja, jumaw chuymachasctajja, ch'amañchascaractajja.

Salmos 40:6

Janiw jumajj wilañchanacampejj cusisctati, janiraquiw loktanacas cusisiyctamti, janiw juch pampachañataquejj wilañchanac mayctati, ucatsipan nayarojj jinchunacajj jist'arista;

Éxodo 1:21

Parteranacajja Diosar ajjsarapjjatanacap laycusti, Diosajj jupanacarojj qhuyapt'ayänwa, uqhamarac wawanacsa churaraquïnwa.

Rut 4:4

Nayasti acwa jumar yatiyañ munsma, jumatejj alasisin khespiyañ munasmajja, jichhpach alasim aca testigonac nayrakatana, uqhamarac aca jilïr jakenac nayrakatansa. Jumajj Elimelec chachan jac'a familiapätam laycojja, wact'tamwa orakepa khespiyañamajja. Jumatejj jan alasiña muncsta ucqhajja, nayar yatiyjjeta, jumjjarusti nayaruw wact'itu. Uca familiasti ucjjarojj arsünwa: —Nayasti alasïwa —sasa.

1 Samuel 2:35

Ucatsti nayajj mä suma sacerdote, chekapar uñjiri, uqhamarac nayan munañajj phokheri uscuraquï, ucan wawanacaparusti wiñayataquiw churaraquï, cawquïri reytejj nayajj ajllcä ucar sirviri tucuyaraquëjja.

1 Samuel 9:15

Saúl waynan puriniñapa nayräjja urusti, Tatitojj Samuelorojj mä uñacht'äwi churäna aqham sasa: