2 Samuel 6:22 - Qullan Arunaca

²² Ucampisa jichhajj juc'ampi alt'at chuymanïyäwa, uqhamaraqui nayapachaw jisc'achasiraquï, juman amuyatamatjja, ucampisa uca pachpa cawquïri esclavanacattejj parlctasa ucanacan suma uñjatäyäwa —sasa.

Aymar Bibliia 1986

²² Ucampisa jichhajj juc'ampi alt'at chuymanïyäwa, uqhamaraqui nayapachaw jisc'achasiraquï, juman amuyatamatjja, ucampisa uca pachpa cawquïri esclavanacattejj parlctasa ucanacan suma uñjatäyäwa —sasa.

Qullan Arunaka DC

²² Ukat juk'ampi nayax, nayramatak jisk'ar tukuskakïwa, ukampisa, khiti uywat warminakattix jumax parlkta, ukanakax jach'aruw aptapxitani —sasa.

2 Samuel 6:22 Jak'a apnaqawi uñst'ayäwi

Génesis 32:10

Janiw cuna asquïctsa juman nayar qhuyapayasiñamampi, uqhamarac cheka cancañamampi uñjatäñataquejja. Nayajj aca Jordán jawira pasayäta, thujru ayt'ata mayaqui, jichhasti pä tama yänacaniw jicjjatasta.

2 Samuel 6:21

Davidasti saraquïnwa: —Jïsa ucajj chekawa, thokt'asiscapuntwa, ucampisa Tatitun nayrakatapanwa thokt'astjja, juparaquiw nayarojj awquim lanti ajllisitu, uqhamaraqui take familiama lanti, nayajj Israel marcapan jach'a jilïrïñajjataqui. Ucatwa jupa nayrakatan thokt'astjja.

2 Samuel 6:23

Mical warmisti take jacañapanjja janiw mä sapa wawanïcänsa.

Job 42:6

Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”

Salmos 131:1

Tatay chuymajjajj janiw inampst'irïquiti, janiraquiw nayranacajjas jach'a jach'a tucurïquiti, janiw muspharcañ jach'a yänacan khepap sarcti, ucanacan jan nayatacjamätap laycu.

Isaías 50:6

Jiqhanejj churta nayar jawk'añapataqui, sunqhanacajjsa jiq'irayasiractwa. Qhitinacatejj nayar jisc'achapjjetäna, uqhamaraqui thuscatapjjetäna ucanacatsa janiw maysaru uñtcaractti.

Isaías 51:7

“Ist'apjjeta jumanaca, qhitinacatejj yatipcta cunatejj chekäqui uca, nayan yatichäwinacajj sum catoker marca. Jan ajjsarapjjamti jaken jan wali parlatanacapjja, janiraqui jaken jisc'achäwi arunacapampis sustjasipjjamti,

Marcos 14:66

Pedrojj uta ankäjjancascänwa. Ucaruw mä uywat tawakojj purini, ucasti jilïr sacerdoten uywatapänwa.

1 Timoteo 1:15

Acajj chekawa, takeniw acjj iyawsapjjañapa: Cristo Jesusajj aca orakerojj juchararanacar khespiyiriw juti, ucanacatsti nayaw nayrïrïtjja.

Hebreos 12:2

Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi.

1 Pedro 4:14

Tatit laycutejj jumanacar jan wali arunacampi tokepjjätam ucajja, cusisiñanïpjjtawa, Diosan Ajayupasti jumanacjjaruw utt'asi. [Jupanacasti uca Ajayu contraw jan wali parlapjje, ucampis jumanacajj uca Ajayurojj jach'añchapjjaractawa.]

1 Pedro 5:6

Jisc'aruy tucupjjam Diosataquejja, uqhamat jupajj jumanacar horasaparu jach'ar aptañapataqui.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’