2 Samuel 6:19 - Qullan Arunaca

¹⁹ Ucana take israelitanacajj tantacht'atäpcän ucanacaru, chacharu, warmiru, t'ant'a churaraquïna, dátiles sata ucat lurat tortampi, maynïri tortasti waña uvanacat lurataraquïnwa. Take ucanaca pasatatsti utanacaparuw cuttawayjjapjjäna.

Aymar Bibliia 1986

¹⁹ Ucana take israelitanacajj tantacht'atäpcän ucanacaru, chacharu, warmiru, t'ant'a churaraquïna, dátiles sata ucat lurat tortampi, maynïri tortasti waña uvanacat lurataraquïnwa. Take ucanaca pasatatsti utanacaparuw cuttawayjjapjjäna.

Qullan Arunaka DC

¹⁹ ukatsti ukan tantachat israelit jaqinakarux, sapa mayni chacharu, warmiru, mä t'ant'kam lakiräna, dátiles achunakat lurat tortampi, waña uvanakat lurat tortampi. Uka qhipatsti taqiniw utanakaparkam kuttawayxapxäna.

2 Samuel 6:19 Jak'a apnaqawi uñst'ayäwi

2 Samuel 6:18

Uca sacrificionaca loktañ tucuyjjasinsti take marcpacharuw, take ch'amani Tatitun sutipjjaru bendiciraquïna.

2 Samuel 6:20

Uqhamaraquiw Davidas utaparu cuttanjjaraquïna familiaparu bendiciñataqui, ucampisa Saúl reyin phuchapa Mical warmejja, catokeriw mistunïna, ucatsti saraquïnwa: —¡Israel marcan reyipajj jichhürojj ucqha sumsa lurejjä, uywatanacapan esclavanacap nayrakatanjja, mä jan p'enkan jaker uñtatas tucujjä! —sasa.

1 Reyes 8:66

Quimsakallko ururusti reyejj Israel marcarojj qhitjjänwa, ucatsti jupanacajj reyir bendiciwayasaw utanacapar wali cusisita sarjjapjjäna, Tatitojj take asqui luratapata David sirviriparu, uqhamarac Israel take marcaparusa.

1 Crónicas 16:3

uqhamarac take israelita chachanacarusa, warminacarusa churänwa mä t'ant'a, mä jisc'a aychanacan torta, uqhamarac pasasat lurat tortsa.

1 Crónicas 16:43

Ucatsti takeniw utanacapar cutt'jjapjjäna, uqhamaraquiw David reyejj utapar cutt'jjäna familiaparu bendiciñataqui.

2 Crónicas 30:24

Ezequías Judá oraken reyipajj tantachata jakenacarojja churänwa waranka vaca kallunaca, uqhamarac pakallk waranka ovejanaca, ucatsti jilïrinacajja chuymapatjamwa jakenacarojj churapjjaraquïna waranka vaca kallunaca, tunca waranka ovejanaca. Walja sacerdotenacawa k'omachasipjjäna.

2 Crónicas 7:10

Pakallkür phajjsina pä tunca quimsani urunaca sarakataruwa reyejja jakenacarojja qhitanucjjäna utanacapar cusisita sarjjapjjañapataqui, uqhamarac Davidaru, Salomonaru, Israel marcaparusa Tatitojj asqui luratapata.

Nehemías 8:10

Ucjjarojj Esdras chachajj sänwa: “Sarjjapjjam, mank'asinipjjam sumïri mank'anaca, umapjjaraquim mojjsa vinonaca, ucatsti churapjjaraquim qhitinacantejj jan mank'añapajj utjqui ucanacaru, jichhürusti Tatitusaru loktatätap laycu. Janiraqui llaquisipjjamti, Tatitusti cusisiñapampiw jiwasar ch'amañchistani” sasa.

Cantar de los cantares 2:5

¡Pasasat lurat tortanac churapjjeta, uqhamarac manzananacampi ch'amañchapjjeta, munasiñat jiwirjamätwa uca laycu!

Ezequiel 45:17

uca marca apnakeriw uca uywanacjja sacrificiot loktjjani, uqhamaraqui cunatejj granonacata, vinotsa ofrenda churañajj waquisqui ucanacsa loktjjaraquini, cunapachatejj wawa phajjsejj uñstanjjani ucapacha, samaraña urunacansa, uqhamaraqui Israel marcan take fiestanacapansa. Uca quipcaraquiw jucha luratanacatsa sacrificionac loktani, granonacatsa ofrenda loktaraquini uca quipcaraquiw naqhantayata loktäwinacsa loktaraquini, sumancthapiña sacrificionacsa, uqhamat Israel marcan juchanacapajj perdonatäñapataqui.

Oseas 3:1

Tatitojj wasitatwa saraquitu: “Saram ucatsti maynin munat warmiru munaraquim wachoka jucha lurirïcchi ucasa; uqhamaracwa Tatitojj israelit jakenacarojj muni, jupanacajj yakha jan uñt'at diosanacar cuttapcchi ucasa, ucatsti cuna waña uvat lurat tortanactejj loktapqui uc mank'apcchi ucasa.”

Hechos 20:35

Uca quicparacwa jumanacarus yatichawayapjjsma: Waquisipuniw uqham irnakañajja, uqhamat jan utjirininacarus yanapt'añataqui, cuntï Tatit Jesusajj sawayqui uca arunacat amtasisa: ‘Catokerit sipansa juc'amp cusisiñaniw qhititï churqui ucajja’ ” sasa.

Efesios 4:8

Ucatpï kellkatanjj sejja: “Alajjpacharuw maqhati, presonac irpt'ata, ucatsti churäwinacracwa jakenacarojj churi” sasa.

Josué 22:6

Ucanac arsusajj Josué chachajj jupanacarojj bendizjjänwa, uqhamaraquiw qhitanucjjäna, ucatsti jupanacajj utanacaparuw cutjjapjjäna.