2 Samuel 4:11 - Qullan Arunaca

¹¹ ¡Jichhajj ucat sipansa juc'ampwa jumanacampejj luraraquëjja, jan wali jakenaca, jumanacajj mä jan juchan jakeruw jiwayapjjtajja, jupan utapan iquisquiriruw jiwayapjjtajja! Uca laycu, jichhajj nayaw jumanacarojj uca jucham uñt'asiyapjjäma. ¡Jumanacarojj k'alwa aca oraket chhactayapjjäma! —sasa.

Aymar Bibliia 1986

¹¹ ¡Jichhajj ucat sipansa juc'ampwa jumanacampejj luraraquëjja, jan wali jakenaca, jumanacajj mä jan juchan jakeruw jiwayapjjtajja, jupan utapan iquisquiriruw jiwayapjjtajja! Uca laycu, jichhajj nayaw jumanacarojj uca jucham uñt'asiyapjjäma. ¡Jumanacarojj k'alwa aca oraket chhactayapjjäma! —sasa.

Qullan Arunaka DC

¹¹ ¡Jichhax ukat sipan juk'ampi juma ñanqha lurir jaqinakarux mutuyapxäma, mä jan juchan jaqir pachpa ikiñapan ikiskirir jiwayapxatamata! Ukhamasti, ¡jichhax nayaw uka jaqin jiwatapat jumanakarux jucham uñt'asiyapxäma! ¡Aka uraqit jan mayan chhaqtayapxarakïma! —sasa.

2 Samuel 4:11 Jak'a apnaqawi uñst'ayäwi

Génesis 4:11

Ucat jichhajj jumajj maldicitäyätawa, jilaman wilapas wartasqui uca oraketsa jakonucutaraquïyätawa, jumaw jilamarojj jiwaytajja.

Génesis 6:13

Noerojj sänwa: “Take jakenac tucjañwa amtta. Jupanacan jucha luratanacap laycusti aca orakenjja jan walt'añanacaquiw utj-jje, uqhamasti take jupanacaru, uqhamarac take acapacharuw tucjä.

Génesis 7:23

Noempi, qhitinacatejj jupampi chica arcancapcän ucanacaquiw khespipjjäna, ucat ucsarusti k'ala tucjatänwa, jakesa, animalanacasa, jamach'inacasa, orakenjam katatnaktir animalanacasa.

2 Samuel 16:8

Tatituw jumarojj mutuytam jakenac jiwarayatamata, Saulon familiapana, jupa lanti apnakaña munasina. ¡Jichhajj Tatitojj Absalón wawamaruw reyïñjja catuyjje, acajj jichhajj juman pachpa ñankha luratanacam laycu t'akhesiscaractajja, jumasti mä jake jiwayiritawa!” sasa.

2 Samuel 3:27

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

2 Samuel 3:39

Ucatwa nayajj Diosan ajllita reyïcasinsa, wali ajjsarañajjaw utjitu uqham sinti jan wali Sarvia jaken yokanacapan luratanacapatjja. ¡Jichhajj Tatitojj churpan cunatejj waquisqui uca, qhititejj aca jan wali lurqui ucarojja!” sasa.

1 Reyes 2:32

Tatituwa jupana jiwatapatjja juchañchascani, Joab chachasti jan awquejjaru yatiyasawa, jupat sipansa juc'ampi pä asqui suma chachanacaru cuchillompi chhokhontasina jiwayäna: Ner jaken Abner yokaparu, jupasti Israelan ejercitopan jilïripänwa, Jeter ucan Amasa yokaparuraqui, jupasti Judá ejerciton jilïriparaquïnwa.

Salmos 109:15

Tatitojj ucanac amjjäsiscacpan, sutipasti oraket chhaktayatäpan.

Salmos 9:12

Diosajj t'akhesirinacat amtasipuniwa, janiw jachatanacapat armasquiti, jupanacar t'akhesiyirinacarojj mutuyiwa.

Éxodo 21:12

“Qhititejj masiparu chhojjriñchasa jiwaycani ucajja, jiwayataraquïniwa.

Éxodo 9:15

Nayatejj ch'amajj uñacht'ayasina mutuyirismäna jumaru, uqhamarac take jakenacamarusa, ucajja niya jiwatäjjasamänwa.

Proverbios 2:22

Ucampis jan wali sarnaker jakenacasa, jan sum phokhasa sarnakerinacasa, aca oraketjja apanucuta tucjatäpjjaniwa.

Proverbios 25:26

Cunjämatï jalsur umajj jani konchüquisa, ni k'añuchatäcaraquisa, uqhamaw asqui jakejja, jucharar jaken nayrakatapanjja qhathati.

Jeremías 10:11

(Jumanacasti, israelitanaca, Diosar jan uñt'ir jakenacarojj sapjjam: “Cawquïri diosanacatejj jani alajjpachsa, ni acapachsa lurquiti ucanacajj aca oraketjja tucusipjjaniwa; janiraquiw maynis jupanacatjja aca oraken kheparcaniti”).

Habacuc 1:12

“Dios Tatay, ¿janit jumasti wiñayataqui jacctasti, kollan jan jiwiri Diosajja? Tatay, nayan imantasiñajja, jumaw caldeonacarojj ch'ama churtajja castigañapataqui uqhamata juman cheka uñjäwima uñacht'ayapjjañapataqui.

Habacuc 1:4

Leyinacajj janiw phokhascjjeti, cheka uñjäwisti taquichasitaraquiwa, jan wali lurir jakesti, asqui jakerojj arcnakaraquiwa, cheka uñjañasti maysar uñtayatawa.

1 Juan 3:12

Janiw Cainjamäñasäquiti, jupajj Supayanquirïnwa ucatwa jilaparu jiwayi. ¿Cunats jiwayänjja? Cainan luratapajj janiw walïcänti, jilapan luratapasti asquiraquïnwa.