2 Samuel 3:12 - Qullan Arunaca

¹² Abnerasti mayni qhitanacwa Davidan ucaru qhitäna aqham sañapataqui: “¿Qhitinquis aca marcajja? Mä arust'äwi lurañäni, nayasti kawkhtejj puedcä ucwa lurä take Israel marcajj jumampi sayt'asiñapataqui” sasa.

Aymar Bibliia 1986

¹² Abnerasti mayni qhitanacwa Davidan ucaru qhitäna aqham sañapataqui: “¿Qhitinquis aca marcajja? Mä arust'äwi lurañäni, nayasti kawkhtejj puedcä ucwa lurä take Israel marcajj jumampi sayt'asiñapataqui” sasa.

Qullan Arunaka DC

¹² Ukat Abnerax jaqinak Hebrón markar khithäna Davidar akham sañataki: “¿Khitinkis aka markaxa? Mä arust'äwi lurañäni, nayaw yanapt'äma taqpach Israel markax jumampïñapataki” sasa.

2 Samuel 3:12 Jak'a apnaqawi uñst'ayäwi

2 Samuel 19:14

Uqhamaw Judá marcanquir jakenacarojj amuyt'ayäna, take jupanacajj mä sapa jakequïcaspasa uqhamaw mayaqui Davidarojj palacioparu uqhamaraqui jilïrinacaparusa cuttayanjjapjjäna.

2 Samuel 19:41

Ucatsti take israelita jakenacaraquiw reyir uñjirejj sarapjjäna; sapjjaraquïnwa: —¿Cunatsa Judá orakenquiri jilanacajjaqui reyjja catuntasjjapjjanejja, uqhamaraqui reyirusa, familiaparusa jupanacaqui compañapjjaraquinejja, uca pachparaqui ejercitoparusa jupanacaquiraqui Jordán jawirsa maqhatayanipjjanejja? —sasa.

2 Samuel 19:6

Juma jach'a reyisti jichhürojj uñacht'ayaractawa, nanaca jach'a jilïri oficialanacamajj janiw jumataquejj cunäpctsa; jumasti qhitinacatejj uñisipctam ucanacarusti munaractawa, qhitinacatejj munapctam ucanacarusti uñisiractawa. Jichhüruw nayajj amuyta, juma jach'a reyitaquejj Absalonan jacascañapaw asquïspajja, take nanacajj jiwaratäpquirista ucasa.

2 Samuel 3:11

Is-boset jakesti ucjjarojj janiw juc'ampi arscjjänti ni mä arumpsa, ajjsararaquïnwa.

2 Samuel 3:13

Davidasti ucjjarojj saraquïnwa: “Jumampi mä arust'äwir mantañataquejj iyawsaquïmawa, ucampisa mä amtäwimpi: Cunapachatejj nayar uñstiri jutcät ucapachajja, Saúl reyin Mical phuchapjja irpanipunim, jan irpancäta ucapachasti antesas jan uñstcjjestati” —sasa.

2 Samuel 3:21

Abnerasti Davidarojj saraquïnwa: —Jichhajj sarjjañajjawa take Israel jakenacaru tantacht'añataqui, ucat juma jach'a reyimpi mä arust'äwi lurañapataqui, uqhamat juma jach'a reyejj cunjämarutejj muncta uqhamaru apnakañamataqui —sasa. Davidasti Abnerarojj mä sumwa qhitanuct'jjäna, ucat Abnerajj c'uchiquiraquiw sarjjäna.

2 Samuel 3:27

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

2 Samuel 3:38

Ucat reyejj janc'aquiw jilïrinacaparojj saraquïna: “Cunjämatejj jumanacajj jichhajj yatipjjta, jichhürojj Israel marcan mä jach'a jilïri jakew jiwi.

Salmos 62:9

Jakejj mä samsump sasiquiwa, kamirisa, jan cunanisa; jupanacarutejj balanzamp waytasispajja, mä samsut sipan phisnaquïspawa.