2 Samuel 24:14 - Qullan Arunaca

¹⁴ Davidasti Gad profetarojj saraquïnwa: —Janiw cun lurt'irjamäctsa. Jichhajj waliquïspaw Tatitun amparaparu catuyasjjañasajja, qhuyapayasiñapasti wali jach'awa, janiw waquisquiti jakenacan amparanacaparu jalt'añasajja —sasa.

Aymar Bibliia 1986

¹⁴ Davidasti Gad profetarojj saraquïnwa: —Janiw cun lurt'irjamäctsa. Jichhajj waliquïspaw Tatitun amparaparu catuyasjjañasajja, qhuyapayasiñapasti wali jach'awa, janiw waquisquiti jakenacan amparanacaparu jalt'añasajja —sasa.

Qullan Arunaka DC

¹⁴ Davidasti ukxaruw Gad profetar sarakïna: —¡Nayatakix wali ch'amaw uka kimsat may ajlliñaxa! Ukampis Tatitux khuyapayasiriwa, ukhamasti jupakiy kunjämarutix munki ukhamarjam mutuyitpan. Janiw uñisirinakaxan t'aqhisiyat uñjasiñ munkti —sasa.

2 Samuel 24:14 Jak'a apnaqawi uñst'ayäwi

2 Samuel 9:8

Mefi-bosetasti uca arunac ist'asinjja orakeruw p'ekep alt'asïna ucat saraquïnwa: —¿Cunatarac juma, juma jach'a reyisti, naya sirvirimat amtasista? Nayajj mä jiwat anumpi sastwa —sasa.

2 Reyes 6:15

Eliseon uywatapajj alwata sartasinjja ankaruw mistüna, ucatsti uñjänwa ejercitompi marcar muyuntata, caballeriampi, nuwasiñ carronacampi; ucat jupajj Eliseoru yatiyiriw saräna, aqham sasa: —¡Jichhasti yatichiri! ¿Cuns camachañäni? —sasa.

1 Crónicas 21:13

Davidajj ucjjarojj sänwa: —Jichhajj jan walt'añan jicjjatasta. Uqhamasti waliquiwa, asquïspawa Tatitun amparaparu catuyasjjañajja, jupan qhuyapayasiñapasti jach'awa, ucampis janiw jakenacan amparaparu puriñ muncti —sasa.

Salmos 119:156

Tatay, qhuyapayasiñamajj wali jach'awa, camächit arunacamarjamay jacañ churita.

Salmos 130:4

Ucampis jumaw juchanacat pampachapjjesta, uqhämat jumar wakaychañ yatichapjjesta.

Salmos 130:7

Israel marca, Tatituruy suyt'am, qhuyapayasiñajj Tatitut juti, khespiyäwipajj jilarquiriw jutaraqui.

Salmos 145:9

Tatitojj takenir munasiriwa, takpach luratanacaparojj munasiñampiw uñji.

Salmos 51:1

Diosajjay, munasiñam laycuy qhuyapt'ayasita, qhuyapayasirïtam laycuy juchanacajjat pampachita.

Salmos 86:15

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Salmos 86:5

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Proverbios 12:10

Asqui jakejj uywanacapatjja qhuyapayasiwa, ucampis ñankha lurir jakejja janiw qhuyapayasquiti.

Isaías 47:6

Marcajjampi nayajj coleratäscayät uqhajja, naya quipcaw marcajjarojj mä p'enka catuyta, ucatsti juman amparamaruraquiw antutta. Jumasti janiw qhuyapt'ayasctati, chuymani jakenacjjarusti uca jathi yugomwa apjjattajja.

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Jeremías 39:17

Ucampisa nayaw jumarojj imaraquïma jan uca ñankha jakenacaru jalt'añamataqui, cawquïrinacarutejj jumajj wali ajjsarcta ucanacaru. Naya Tatituw ucanacjja arsta.

Lamentaciones 3:22

Tatitun munasiñapasti, qhuyapayasiñapasa jan tucusquiriraquiwa.

Daniel (hebreo) 9:9

Ucampisa nanacan Diosajja, jumanquiwa qhuyapayasiñasa, juchat perdonañasa. Nanacasti juma nayrakatan jumataquiw sayt'asipjjta,

Jonás 4:2

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Miqueas 7:18

“Janiw yakha Diosajj jumjam utjquiti, jumasti pampachtawa ñankha luratanacapjja, juma contra sayt'asitanacapsa armaractawa, qhitinacatï marcamatjja jilt'apqui uca juc'aniru. Jumaw munasiñamjja uñacht'ayapjjesta, colerasiñamsti janiraquiw wiñayatac catjjäsctati.

Miqueas 7:19

Nanacatsti wasitatay qhuyapt'ayasipjjeta, ñankha luratanacajjsti jach'a kotar jakontjjam.

Zacarías 1:15

Ucatwa colerajjajj aktejja jan yäkasir marcanac contrajja, cunapachatï juc'a coleratäscäyäta ucqhasti yanapt'apjjänwa ñankjja wali sartayaña.

Juan 12:27

“Jichhajj wali llact'atätwa; ¿camsäsa? ¿‘Awqui, khespiyita cunatejj jichhajj pasquitani ucat’ säti? Uqhamäñapataquipuniw nayajj jutta.

Filipenses 1:23

Nayataquejj wali ch'amawa aca payat cawquïri ajllisiñasa, mä toketjja jiwañ munirista ucat Cristompi chicäjjañataqui, ucasti nayataquejj juc'amp sumäspawa.

1 Samuel 13:6

Israelitanacasti wali mayjt'ataw jicjjatasipjjaraquïna, filisteonacan jupanacar nuwantjjatapata, ucat israelitanacajj, putunacaru, orake p'ujrunacaru, karka taypinacaru, k'awanacaru, phujunacaruw imantasjjapjjäna.