2 Samuel 23:8 - Qullan Arunaca

⁸ Acanacaw Davidan suma soldadonacapajja: Is-boset, hacmonita sat jake, jupasti quimsanitjja juc'ampi suma soldadopuniwa, mä cutisti lanzapampejj quimsakallko pataca jakenac jiwarayaraquïna.

Aymar Bibliia 1986

⁸ Acanacaw Davidan suma soldadonacapajja: Is-boset, hacmonita sat jake, jupasti quimsanitjja juc'ampi suma soldadopuniwa, mä cutisti lanzapampejj quimsakallko pataca jakenac jiwarayaraquïna.

Qullan Arunaka DC

⁸ Davidan ejercitopan jan axsarir soldadonakax kimsanïnwa. Jupanakat nayrïrix Joseb-basébet sat hacmonita jaqïnwa, jupasti uka kimsanin jilïripänwa, mä kutisti, lanzapampix kimsaqallq pataka jaqinak jiwarayäna.

2 Samuel 23:8 Jak'a apnaqawi uñst'ayäwi

2 Samuel 10:7

Ucampis Davidajj ucjja yatïnwa, ucatwa Joab jach'a jilïrirojj qhitaraquïna ejercitopan takpach soldadonacapampi.

1 Reyes 1:8

Ucampis janiw Sadoc sacerdotejja yanapcänti, ni Joiada ucan Benaía yokapasa, ni Natán profetasa, ni reyin wali uñt'ata Simei sat chachasa, ni Davidan suma soldadonacapasa Adoniasarojj yanapapcänti.

1 Crónicas 11:10

Acanacawa Davidan wali aytata soldadonacapajja, qhitinacatejj jupar reyi cancañapana yanapapcäna ucanacajja, uqhamarac take israelitanacajj mayacht'asisajja reyiru tucuyapcäna, cunjämatï Tatitojj Israelaru yatiycäna uqhamaru.

1 Crónicas 27:1

Ucjjarusti israelitanacana listapajj jaqhuta uchatäcäna ucanacasti acanacänwa, familianacana jilïrinacapata, uqhamarac batallones, compañías, oficialanacatsa qhitinacatejj reyiru sirvipcäna ucanaca. Jupanacan oficialanacapajj cunjäm jaljatäñapasa marpachana sapa phajjsi wact'cäna ucanac uñjapjjäna. Sapa tamansti pä tunca pusini waranka jakenacaw utjäna.

1 Crónicas 27:2

Kallta tamasti, kallta phajjsinwa guardia luräna: jilïripasti Zabdiel chachan Jasobeam yokapänwa,

1 Crónicas 27:32

Davidan Jonatán tiopasti, wali yatiñani, uqhamarac suma yatichata chachänwa, jupasti ewjjanac churirïnwa, uqhamarac Hacmoni chachan Jehiel yokapasa, juparaquiw reyin wawanacapampisa chicänjja.

Jueces 15:15

Ucjjarusti mä chhuyu asno quijada ch'aqha catusinsti, ucampiw waranka filisteonaca jiwarayäna.