2 Samuel 18:9 - Qullan Arunaca

⁹ Absalonasti mä mular lat'jjatataw sarascaraquïna, ucatsti acatjamatwa Davidan soldadonacapampi jiquintasïna. Ucat uca mulajj mä jach'a encina sat kokaruw jalantäna, Absalonasti uca kokan ramanacaparuraquiw ñic'utapajj q'ithuntasïna, ucat uca kokan ramanacapan warccatat uñjasïna, uccañcamasti mulajj jalascaquïnwa.

Aymar Bibliia 1986

⁹ Absalonasti mä mular lat'jjatataw sarascaraquïna, ucatsti acatjamatwa Davidan soldadonacapampi jiquintasïna. Ucat uca mulajj mä jach'a encina sat kokaruw jalantäna, Absalonasti uca kokan ramanacaparuraquiw ñic'utapajj q'ithuntasïna, ucat uca kokan ramanacapan warccatat uñjasïna, uccañcamasti mulajj jalascaquïnwa.

Qullan Arunaka DC

⁹ Absalonasti mä mular lat'xatataw sarantaskäna, ukatsti akatjamat Davidan arkirinakapampi jikintasïna. Uka mulasti mä jach'a encina quqan layminakap taypi jalantawayäna, ukatsti Absalonan p'iqipax quqan layminakap taypin achuranttäna, ukchañkamasti mulax jalaskakïnwa, Absalonasti uka quqan warkutaw uñjasïna.

2 Samuel 18:9 Jak'a apnaqawi uñst'ayäwi

2 Samuel 13:29

Uqhamasti, Absalonan arunacaparu phokhasinsti, uywatanacapajj Amnonarojj jiwayapjjänwa. Uqhamasti ucanac uñjasajj reyin take wawanacapasti sartasinjja mulanacapar lat'jjatasinwa jaltjjapjjäna.

2 Samuel 14:26

Cunapachatejj ñic'utanacapa mururasïna ucapachasti, uca ñic'utanacapajj pä kilo jilaw pesaraquirïna palacion pesoparjamajja, uqhamsti sapa mara tucuyaw mururasiraquirïna uca ñic'utanacajj jan jathïñapataqui.

2 Samuel 17:23

Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.

2 Samuel 18:10

Uqham Absalonaru warcusisquirsti mayniw uñjaraquitayna, ucat Joab chachar yatiyiriw sararaquïna: —Absalonarojj mä kokat warcusisquir uñjta —sasa.

2 Samuel 18:14

—Janiw jumampi tiempo pasañajjajj waquisquiti —sasaw Joab chachajj saraquïna; ucatsti quimsa flechanac aptasisinjja, jupapachpaw Absalonan chuymapat quimsa flechanacampi chhokhontäna, jacasquiriru, cunapachatejj uca encina kokat warcusisincäna ucapacha.

2 Samuel 18:8

Guerrasti take marcpacharuw mantaraquitayna, uca urusti uca ch'umi laycuw jilpach jakenacajj jiwarapjjaraquitayna espadampi jiwarayatäñat sipansa.

Job 31:3

¿T'akhesiñasti janit ñankha jucharar jakeru wact'qui?

Proverbios 20:20

Qhititejj awquiparu, taycaparu ñankhachqui ucajja, wali ajjsarcaña ch'amacanwa jiwani.

Proverbios 30:17

Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.

Jeremías 48:44

Jiwayirinacat jaltirejja p'iyaruw jalantapjjani, uca p'iyat misturinacasti sipitaruw jalt'apjjaraquini, nayaraquiw Moab marcjjarojja mutuyäwipan urupjja apaniraquï.

Mateo 27:5

Ucatwa Judasajj uca quimsa tunca kollkjja templor willintawayasin sarawayjjäna. Jupasti jaychcatasiraquitaynawa.

Marcos 7:10

Moisesasti sänwa: ‘Awquimaru taycamaru jach'añcham.’ ‘Qhititejj awquipar taycapar maldicinejja, jiwayatäpan’ sasa.

Gálatas 3:13

Cristojj leyin maldicionapatwa khespiyistu, jupajj juchanacas laycu maldicitaraquïnwa, Kellkatanjja aqham siwa: “Maldicitäpan take qhititejj mä lawaru warccatatäqui ucajja” sasa.

Deuteronomio 21:23

ucatsti janchipajj janiw uca arumajj ucan warcusiñapäquiti, jan ucasti uca quipca urpachaw imantjjapjjañama; Diosansti maldicitaw cawquïri jaketejj kokar warccatata jiwqui ucajja, jumanacasti janiw ñankhachapjjañamäquiti cawquïri oraktejj Tatitu Diosamajj jumanacaru churapctam ucjja.

Deuteronomio 27:16

‘Maldicitäpan cawquïritejj awquiparus taycaparus jan munasiñampi uñjcan ucajja.’ Ucatsti takpach marcaraquiw saraquini: ‘Uqhamäpan’ sasa.

Deuteronomio 27:20

‘Maldicitäpan awquipan warmipampi iquintirejja, uqham luratapampejj awquiparu p'enkachayatap laycu.’ Ucatsti takpach marcaw sani: ‘Uqhamäpan’ sasa.