2 Samuel 18:28 - Qullan Arunaca

²⁸ Ahimaasasti niya jac'achasinjjaraquïnwa, reyi nayräjjan orakcama alt'asisinsti, reyirojj aruntänwa, saraquïnwa: —Bendicitäpan Tatitojja, juma jach'a reyin Diosapajja, jichhasti jupajj, qhitinacatejj juma, jach'a rey, contra sayt'asipcän ucanacarojj apakjjewa —sasa.

Aymar Bibliia 1986

²⁸ Ahimaasasti niya jac'achasinjjaraquïnwa, reyi nayräjjan orakcama alt'asisinsti, reyirojj aruntänwa, saraquïnwa: —Bendicitäpan Tatitojja, juma jach'a reyin Diosapajja, jichhasti jupajj, qhitinacatejj juma, jach'a rey, contra sayt'asipcän ucanacarojj apakjjewa —sasa.

Qullan Arunaka DC

²⁸ Ukapachaw Ahimaasax purinisin reyir aruntäna, nayraqatapan uraqkam alt'asisin jupar sarakïna: —Juma reyin Tatit Diosapax jach'añchatäpan, jichhasti jupax juma reyitak sayt'asirinakarux tukjiwa —sasa.

2 Samuel 18:28 Jak'a apnaqawi uñst'ayäwi

Génesis 14:20

Alajjpachanquir Diosasti yupaychataraquïpan, jupaw enemigonacamarojj atipjaytam” sasa. Ucatsti Abramajj cuntejj aparancän ucanacatjja sapa tuncat maywa Melquisedecarojj churäna.

Génesis 24:27

saraquïnwa: “¡Kollanäpan Abraham uywirejjan Diosapajja, jupajj chekapapuniwa, qhuyapayasiriraquiwa Abraham uywirejjataquejja, thaquinsa juparaquiw irpasinquitu, uywirejjan familianacapan utapar puriñajjcama!” sasa.

2 Samuel 1:2

Ucampis quimsa uru pasatatsti, Saúl reyin campamentopatjja mä jakew puriniraquïna, isinacapas ch'iyanokata, p'ekepas lak'ampi jach'jjatata, llaquipa uñacht'ayañataqui. Cunapachatejj purinïna ucapachasti, Davidan nayrakataparuw alt'asiraqui take ajjsartañ chuymampi.

2 Samuel 14:4

uca Tecoanquiri warmejj reyin ucaruw saräna, p'ekepa orakcama alt'asisinsti reyirojj saraquïnwa: —¡Jach'a reyisti nayaru yanapt'añjja munaracpanaya!

2 Samuel 22:27

khana chuymanitaquejj khana chuymaniraquïtawa, sallka chuymanitaquisti ch'iqhi chuymanïtawa.

2 Crónicas 20:26

Pusïri urunsti Beraca sat vallena tantachasisinwa Tatitur bendicipjjäna. Ucatwa uca chekajj Beraca valle sat sutichatäna, uca sutimpïsquiwa jichhürcama.

Salmos 115:1

Tatay, khapak sutimarojj jach'añchasimaya, janis nanacarojj jach'añchapquita; munasiñam laycu, chekapätam laycuy jach'añchasim.

Salmos 124:6

Tatitojj jach'añchatäpan, janiw jupajj apanucquistuti, janiraquiw laca ch'aqhanacapampis t'uruntayquistuti.

Salmos 31:8

janiw uñisirejjan amparapar catuyquistati, suma thaquiruw cayunacajj tact'ayistajja.

Éxodo 18:10

Ucat Jetrojj sänwa: —Bendicitäpan Tatitojj, jupawa juma israelitanacarojj khespiyapjjtamjja faraonana, uqhamarac egipcionacan ch'amapampi t'akhesiyatäñatjja.

1 Samuel 17:46

Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.

1 Samuel 24:18

Jichhajj jumajj uñacht'ayistawa, chekpachapuni nayan asquejja munascatama. Tatitojj juman amparamaru nayarojj catuycchitu ucasa, janiw jiwayquistati.

1 Samuel 25:23

Abigail warmisti Davidar uñjasajj asnopat sarakasinjja, Davidan nayrakataparuw ajjsartañ chuymampi orakcama alt'asïna.

1 Samuel 26:8

Ucatwa Abisai jakejj Davidarojj saraquïna: —Diosaw jichhajj uñisirimarojj amparamaru catuytam. Jichhajj nayar jaytt'ita, nayaw jichhpacha pachpa lanzapampi chhokhontasin jiwt'ayanï. Mä sapa jawk'antäwejj jiläniwa —sasa.