2 Samuel 18:19 - Qullan Arunaca

¹⁹ Ucjjarusti Ahimaasajj, qhititejj Sadoc jaken yokapäcän ucajj Joab chacharojj saraquïnwa: —Nayajj achict'assmawa, reyin ucar aca suma yatiyäwi yatiyir sarañajjataqui, Tatitusti chekaparuw uñji, uñisirinacapatsa khespiyaraquiwa —sasa.

Aymar Bibliia 1986

¹⁹ Ucjjarusti Ahimaasajj, qhititejj Sadoc jaken yokapäcän ucajj Joab chacharojj saraquïnwa: —Nayajj achict'assmawa, reyin ucar aca suma yatiyäwi yatiyir sarañajjataqui, Tatitusti chekaparuw uñji, uñisirinacapatsa khespiyaraquiwa —sasa.

Qullan Arunaka DC

¹⁹ Ukatsti, Sadoc jaqin Ahimaas yuqapax Joab chachar sänwa: —Jichhpach reyin ukar aka suma yatiyäwi yatiyanï, Tatitux chiqaparuw jupar uñji, uñisirinakapatsa qhispiyarakiwa —sasa.

2 Samuel 18:19 Jak'a apnaqawi uñst'ayäwi

2 Samuel 15:27

Reyejj Sadoc sacerdoterojj sascaquïnwa: —Ist'ita, jumampi, Abiatarampejj uqhamaraqui pani yokanacapampi, marcaru jan cuna llaquini cuttjjapjjam. Jumajj Ahimaas yokamampi Abiatarasti Jonatán yokapampiraqui.

2 Samuel 15:36

Uca sacerdotenacan yokanacapasa, Ahimaas uqhamaraqui Jonatán ucanacas ucancascapuniwa, uqhamasti jupanacampi yatiyanita cuntejj yatcäta uqhamaraqui ist'caraquïta take ucanacjja —sasa.

2 Samuel 17:17

Cunjämatejj Jonatanampi uqhamaraqui Ahimaasampejj En-rogel chekancasipcänjja, janiw jupanacajj marcanjja uñjayasiñ munapcänti, mä uywataraquiw jupanacar yatiyirejj saräna, ucatsti jupanacajj janc'aquiw rey Davidar yatiyir sarapjjaraquïna.

2 Samuel 18:20

Ucampisa Joab chachajj saraquïnwa: —Janiw munascapuniti jichhpacha reyir uca yatiyäwi yatiyañamajja, khepürojj yatiyaquïtawa. Ucampisa jichhajj jan cunsa siscamti, yokapan jiwatap laycu.

2 Samuel 18:23

—Janiw ucajj waquisquiti, jalaquëjjaya —sasaw Ahimaas jaquejj saraquïna. —¡Uqhamajj saramaya! —sasaw Joab chachajj saraquïna. Uqhamasti Ahimaasa jakejj uca vallenjam jalawayäna, etiope soldadorusti nayrt'awayaraquïnwa.

2 Samuel 18:31

Ucapachaw etiopejj puriniraqui, ucat saraquïna: —Aca suma yatiyäwinac catokam, jach'a rey. Jichhüruw Tatitojj juma jach'a reyirojj chekaparu uñjtam, qhitinacatejj juma contra sayt'asipcän ucanacatjja khespiytamwa.

Salmos 10:14

Juma pachpaw ñankha k'apisiyir luratanacap uñjtajja, jumaw uñjasctajja, jupanacarusti juchap uñt'ayätawa. Jumaruw jan arjjatirin jakenacajj maqhatjjapjjtam, jumaw wajchanacan yanapiripätajja.

Salmos 10:18

Wajcharus t'akhesiyatarus chekaparuy uñjam: ¡lak'at lurat jiwir jakejj jan wasitat ajjsarayañ utjaypati!

Salmos 7:6

Tatay, k'apisiñampiy sartasim, timanacajjan k'apisiñaparojj jumay saycatam, chekapar uñjañatac arsurjamajj nayar arjjatirejj jutaquimaya.

Salmos 9:16

Tatitojj chekapar uñjañataquiw uñachayasi: ñankha lurir jakesti pachpa luräwinacapampiw pejjtuntayasi.

Salmos 9:4

Jumätaw chekap taripirejja: nayar chekapar uñjañataquejj reyi konuñamaruw kont'astajja, llaquejjampir arsusiñajjampiruw arjjattajja.

Jeremías 51:31

Yatiyirinacasti mayni mayniwa Babilonianquiri reyiru yatiyirejj sarapjje, marcapajj k'ala catuntatätapata.

Romanos 12:19

Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.”