2 Samuel 16:12 - Qullan Arunaca

¹² Inas Tatitojj cunapachatejj nayarojj llact'ata, t'akhisiri uñjitani ucapacha nayarojj bendicionanaca apayanchitani, maldicionanacat sipansa, cuntejj jichhajj ist'ascta ucanacat sipansa.

Aymar Bibliia 1986

¹² Inas Tatitojj cunapachatejj nayarojj llact'ata, t'akhisiri uñjitani ucapacha nayarojj bendicionanaca apayanchitani, maldicionanacat sipansa, cuntejj jichhajj ist'ascta ucanacat sipansa.

Qullan Arunaka DC

¹² Inas Tatitux nayaru llakt'ata, t'aqhisiri uñjitani ukapachax, jichhür ñanqhachäwinak katuqataxat, askinak apayanchitani —sasa.

2 Samuel 16:12 Jak'a apnaqawi uñst'ayäwi

2 Samuel 16:13

Uqhamasti Davidampi, jakenacapampisti thaquipanjamwa sarasipcäna, ucampisa Simei jakejj maysa tokenjamaracwa kollu tokeru sarawayjjäna, Davidajj maysaraqui, Simei jakejj ñankhachasa, kalanacampi c'uphasisaw saräna, lak'sa polvtayasaraqui.

2 Reyes 19:4

Inasa Tatit Diosamajj ist'chi Asirianquiri reyin qhitanita oficialapan arunacapjja, jacquir Diosaru jisc'achatapata, inachay mutuyaraquispa Tatit Diosam pachpa ist'qui ucanacatjja. Jichhasti oracionan mayim jilt'apqui ucanac laycojja” sasa.

Salmos 10:14

Juma pachpaw ñankha k'apisiyir luratanacap uñjtajja, jumaw uñjasctajja, jupanacarusti juchap uñt'ayätawa. Jumaruw jan arjjatirin jakenacajj maqhatjjapjjtam, jumaw wajchanacan yanapiripätajja.

Salmos 109:28

Jupanacajj ñankhachapjjetpasa, jumajj asquimay churita. Timanacajjajj aynacht'apjjpan, uywatamasti ucchañcamajj cusispan.

Salmos 132:1

Tatay, Jacobon ch'aman Tatitupa, Davidat amtasiquimaya, llaquinacapat amtasiraquim; takpach chuymamp juramento luratapat amtasiquimaya:

Salmos 25:18

Llaquinacajjaru, ch'ama tucutanacajjar uñtanim, take juchanacajjat pampacharaquita;

Proverbios 25:22

uqham lurasinsti llacthapisiyätawa, p'enkasiyaraquïtawa, ucatsti Tatituw jumarojj cutiyjjätam.

Proverbios 26:2

Cunjämatejj chhakat jamach'isa, jan ucajj golondrina sat jamach'isa laka tokena maysar maysar jan tapani jalnakasquejja, uqhamawa maldicionajj ina ch'usatjja janiw wact'caraquispati.

Isaías 27:7

Diosajj Israelarojj janiw mutuyquiti, jupar mutuyirinacarjamajja, janiraquiw Israelarojj jiwayquiti, jupar jiwayirinacarjamajja.

Joel 2:14

Inas amtasjjaracchini jumanacar jan mutuyaña, ucatsipana bendicionanac apayanipjjchïtam, trigo uqhamarac vino Tatit Diosar ofrendanaca churañataqui.

Romanos 8:28

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

2 Corintios 4:17

Cuntejj aca oraken t'akhesipctan ucanacajj janiw cunäquisa, tucusiriquiwa. Ucat sipan mä jach'a asqui jilarquirir wiñay cusisiñwa apaniraquejja.

Deuteronomio 23:5

Ucampis jumanacan Tatitu Diosamajj janiw Balaam chacharojj ist'cänti, jan ucasti uca ñankhachawjja jumanacataquejj mä bendicionaruw tucuyänjja, jumanacaru munatap laycu.

Deuteronomio 23:6

Jan jumanacajj jupanacampi sumancañsa ni asquipsa thakhapjjamti, take jacañ urunacamanjja.

2 Tesalonicenses 1:7

Ucatsti chekaraquiw jumanac t'akhesirinacar samarañ churañataqui, uqhamarac nanacarusa, cunürutejj Tatit Jesusajj uñstancani alajjpachat nina taypina ch'amani angelanacapampi jutcani ucapachajja.

Hebreos 12:10

Janchi awquinacasajj juc'a tiempotaquiquiw chekachawayistu cunjämtejj amuyupanjj walïquejj uqhamaru, ucampis Diosajj jiwasan asquisataqui, kollan tucuñasataqui, cunjämatejj jupajj kollanäqui uqhamaruw chekachistu.

1 Samuel 1:11

aqham sasa: “Take ch'aman Tatitu, jumatejj aca sirviriman t'akhesitap uñtanïtajja, ucat nayat amtasiraquitätajja, mä wawsa apayaraquïtätajja, nayajj uca wawa jumar sirviritaquiw uywä, uca arsüwiru phokhañataquisti, señälajj acäniwa: Janiw ñic'utapajj mururascaniti” sasa.