2 Samuel 15:11 - Qullan Arunaca

¹¹ Jerusalén marcatsti pä pataca jakenacaruw jawsayaraquitayna, uca jakenacasti take chuymaw Absalonampi chicajj sarasipcatayna. Janiraquiw Absalonan uca amtatanacapjja yatipcataynati.

Aymar Bibliia 1986

¹¹ Jerusalén marcatsti pä pataca jakenacaruw jawsayaraquitayna, uca jakenacasti take chuymaw Absalonampi chicajj sarasipcatayna. Janiraquiw Absalonan uca amtatanacapjja yatipcataynati.

Qullan Arunaka DC

¹¹ Ukhamarus Jerusalén markat pä patak jaqinakaruw jawsayatayna, uka jaqinakasti taqi chuymaw Absalonampi chikax sarasipkatayna, janiw Absalonan amtatanakap amuyapkataynati.

2 Samuel 15:11 Jak'a apnaqawi uñst'ayäwi

Génesis 20:5

Abraham quipcaw nayarojj situ: ‘Cullacajjaw’ sasa, jupasa Abrahamajj ‘Jilajjaw’ saraquiwa. Uqhamasti nayajj take cunsa walic lurasctjja, janiraquiw cunsa jan wali amtañampejj lurcti” sasa.

Proverbios 14:15

Jan amuyt'asiri jakejj take cuntejj sapqui ucarojja iyawsaquiwa, ucampis ch'iqhi jakejja amuyt'asiwa cawquinjamas sarasqui uca.

Proverbios 22:3

Ch'iqhi jakejj jan walt'aña uñjasinjja jaltjjewa, ucampis jan amuyt'asir jakejja mantascaquiwa, ucatsti ñankha luräwinac jicjjati.

Mateo 10:16

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

1 Samuel 22:15

¿Jichhaquiti nayajj Diosaru Davidjjatsti jisct'aststi? Janiw cunas uca toketjja utjquiti. Uca laycu jach'a munañan reyejja jan cunsa aca sirvirip contrajj lurpati, ni familianacapa contrasa, sirvirimajj janiw cunsa aca tokenacatjja ni juc'sa, ni waljsa yatquiti uca laycu.

1 Samuel 9:13

Marcaru purisinsti janc'aquiw juparojj thaktapjjäta, janïra santuarior mank'eri sarquipana. Jakenacasti janïraw mank'apcaniti jupan puriniñapcamajja, juparaquiw sacrificio loktatarojj bendiciñapa, uca khepatwa jawsayata jakenacajj mank'asipcani. Ucatpï jichhajj janc'aqui sarapjjam, anchhitajj jicjjatasipcätawa —sasaw tawakonacajj sapjjäna.