2 Samuel 13:4 - Qullan Arunaca

⁴ Ucatwa Jonadab jakejj jisct'äna Amnón jakerojja: —¿Cunas camachtam, jach'a jilïri? ¿Cunatsa uqham urut ururu juc'ampi aynacht'ata uñjasta? ¿Janit nayar yatiyquitasma? —sasa. Amnón jakesti saraquïnwa: —Absalón jilajjan Tamar cullacaparuw walipun munta —sasa.

Aymar Bibliia 1986

⁴ Ucatwa Jonadab jakejj jisct'äna Amnón jakerojja: —¿Cunas camachtam, jach'a jilïri? ¿Cunatsa uqham urut ururu juc'ampi aynacht'ata uñjasta? ¿Janit nayar yatiyquitasma? —sasa. Amnón jakesti saraquïnwa: —Absalón jilajjan Tamar cullacaparuw walipun munta —sasa.

Qullan Arunaka DC

⁴ Mä urusti, Jonadabax Amnón jaqiruw jiskt'äna: —Reyin yuqapa, ¿kunas kamachtam? ¿Kunatarak urut urutjam t'ukhantasktasti? ¿Janit nayar yatiykitasma? —sasa. Amnón jaqisti ukxaruw sarakïna: —Absalón jilaxan Tamar kullakaparuw walpun munta —sasa.

2 Samuel 13:4 Jak'a apnaqawi uñst'ayäwi

2 Samuel 13:3

Ucampisa uca Amnón jakejj mä amigonïnwa, ucasti sinti sallka jakeraquïnwa; uca amigopasti Jonadab satänwa, Simea jaken yokaparaquïnwa, uca Simeasti Davidan jilaparaqui.

2 Samuel 13:5

Ucatsti Jonadab jakejj saraquïnwa: —Uqhamajj iquiñar mantam, ucatsti usuta tucuraquim. Cunapachatejj awquimajj jumar uñjir jutani ucapachajja, awquimarojj saraquïtawa: ‘Tamar cullacajjaru nayar uñjañapataqui qhitanita, aca pachpanaraqui phayarapitpan nayan uñjcata, uqhamat nayajj cuntejj jupajj churquitani uca mank'asiñajjataqui’ sasaw säta.

1 Reyes 21:5

Ucatjja Jezabel warmipawa jupar jac'achasisina jisct'äna: —¿Cunatsa wali llaquitäta, mank'añsa janiraquis munctatejja? —sasa.

1 Reyes 21:7

Ucatsti Jezabel warmipajj sänwa: —¡Israel marcanjja jumajjaya munañanïstajja! Jichhasti saram mank'eri, uqhamarac chuymachasim. ¡Nayawa Nabot chachan uva yapupa jicjjatayäma! —sasa.

Isaías 3:9

Juparusti pachpa uñnakatapaw juchañchasqui. Juchanacapsti janiraquiw imt'asipquiti, Sodoma marcjamaraquiw takeniru yatiyapjje. ¡Ay jupanacataqui, jupanacpacharaquiw mutuyäwi waquichasisipqui!

Jeremías 8:12

¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Levítico 18:9

“Janipuni cullacamarojj warmisimti; ucajja awqui toketsa cullacamäscpan jan ucajj tayca toketsa cullacamäscpan; utamana nacirïpasa jan ucajj yakha chekana nacirïpasa, janipuniw jupampejj jucha lurañamajj waquisquiti.

Levítico 20:17

“Maynitejj cullacaparu warmt'asini, ucajj awqui toketa jan ucajj tayca toketsa cullacapäscpan, ucat jupanacajj jucha lurasa sarnakapjjaraquini ucanacasti marca masinacapan uñjcata jiwarayatäpjjañapawa, uqhamana pachpa cullacaru warmisiñajj mä p'enka luräwïtap laycu, qhititejj uca casta jucha lurcani ucasti juchañchatäñapawa.

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Lucas 12:32

“Jan ajjsarapjjamti, jisc'a tama ovejanacajja, ucampis alajjpach Awquimajj qhuyapayasiñapana reinop churaña munapjjtam.