2 Samuel 12:20 - Qullan Arunaca

²⁰ Ucapachaw Davidajj oraket sartjjäna, jarekasisinsti, suma k'apquiri kollanacampiw jawsusïna, isinacapsa trocasiraquïna, ucatsti temploruw mantawayi Tatituru yupaychañataqui. Ucatsti utaparuw sarjjäna, mank'a mayisisin mank'asiraquïnwa.

Aymar Bibliia 1986

²⁰ Ucapachaw Davidajj oraket sartjjäna, jarekasisinsti, suma k'apquiri kollanacampiw jawsusïna, isinacapsa trocasiraquïna, ucatsti temploruw mantawayi Tatituru yupaychañataqui. Ucatsti utaparuw sarjjäna, mank'a mayisisin mank'asiraquïnwa.

Qullan Arunaka DC

²⁰ Ukspachaw Davidax uraqit sartäna, jariqasisinsti, suma q'apkir qullampiw jawsusïna, yaqha isimpiw uchasirakïna. Ukatsti Tatitun utapar mantasin jupat mayisïna. Utapar kuttasinsti manq'a mayïna ukat manq'arakïna.

2 Samuel 12:20 Jak'a apnaqawi uñst'ayäwi

2 Samuel 12:19

Ucampisa Davidajj jakenacapan jupanaccama parlasipjjeri uñjasinsti, amuyjjaraquïnwa wawan jiwjjatapjja; ucatwa jisct'äna: —¿Wawajj jiwjjeti? —sasa. —Jïsa, jiwatäjjewa —sasaw jupanacajj sapjjaraquïna.

2 Samuel 12:21

Ucatwa jakenacapajj jisct'apjjäna: —¿Jach'a rey, cunaraqui lurascta? Cunapachatejj wawajj usutäcän ucapachajj ayunayätawa, uca wawamatsti jacharaquiyätawa, ucampisa jichhajj wawan jiwjjatapatsti juma jach'a reyejj sartasisin mank'asjjaractawa —sasa.

2 Samuel 14:2

Uqhamasti Tecoa marcatjja mä wali ch'iqhi warmi irptayanïna. Ucat saraquïna: “Jumajj llaquinccasmasa uqhamaw tucüta, luto isimpi isthapisiwayam; janiraqui cuna k'apquir kollanacsa uscusimti, jan ucasti walja urunaca uqham llaquita sarnakcasma uqhamaw tucüta, mayni jakes jiwcaspa uqhama.

2 Samuel 19:24

Uqhamaraqui Mefi-boset sat jakes, cawquïritejj Saúl reyin wawapäcaraquïna ucasa, reyir catokeriw mistuniraquïna. Cunürutejj reyejj mistcatayna, cunüruraquitejj c'umara jan cuna camacht'ata cuttancäna uca urcamasti janiw cayunacjja jarekascataynati, janiraquiw sunqhanacapsa mururascataynati, ni isinacapsa t'ajjsuscaraquitaynati.

2 Samuel 6:17

Tatitun arcapasti apatäjjänwa, uchäwiparu uscutäjjaraquïnwa, mä carpa mankharu cuna carptejj Davidajj arca uscuñataquipuni lurcatayna uca mankharu. Ucatsti Davidajj janc'aquiw sacrificionaca, sumancthapiña loktäwinaca loktaraquïna, Tatitun nayrakatapana.

2 Samuel 7:18

Uqhamasti David reyejj Tatitumpi parlañataquiw jupan nayrakataparu mantawayäna, ucat saraquïna: “Dios Tatitu, ¿qhitiraquït nayasti, uqhamaraqui cuna asquiraqui familiajjasti, acacama nayar puriyaniñamataquisti?

Job 1:20

Ucatsti Job chachajja sartasinjja wali llaquin phokt'ataw isinacapa ch'iyanokasïna, ñic'utapsa mururasisaw quillt'asisa yupaycharaquïna.

Job 2:10

Job chachasti saraquïnwa: —¡Warmi, jan uqhama cuna jan walinacsa parlamti! ¿Jiwasatejj Diosatjja asquinac catokstan ucapachasti janit jan walt'añanacjja Diosat catokcaracsna? —sasa. Uqhamäcasinsa Job chachajja janiw cuna juchanacsa lurcänti, janiraquiw lacapampis cuna jan walinacsa arscaraquïnti.

Salmos 103:1

Takpach chuymajjampiw Tatitur jach'añchä, takpach chuymajjampiw kollan sutip jach'ar aptä.

Salmos 103:8

Tatitojj munasiriwa, qhuyapayasiriwa, janiw mäc k'apisirïquiti, qhuyapayasiñan phokhantatawa.

Salmos 39:9

“Nayasti amutuw tucta, janiw lacajj jist'arcti, juman take cun sarayascatam yatta.

Salmos 95:6

Jutapjjam, orakcam konkort'asipjjañäni; Tatitun nayrakatapar quillt'asipjjañäni, jupaw jiwasanacarojj irnokestu.

Proverbios 3:7

Jan amuyasimti sinti yatiñanïtama; Tatitur ajjsartam, take ñankhatsa jithektam,

Eclesiastés 9:8

Jank'o isimpipuni isthapisim; p'ekemarusa k'apquir kollanacampi uchasipunim.

Mateo 6:17

Cunapachatejj jumajj ayuncät ucqhajj ajanum jarekasim, ñic'utamsti sumrac asquicht'asim,

Lucas 7:46

Jumajj janiw aceitempis p'ekejjatjja warjjat'quistati, ucampis aca warmejj suma k'apquir aceitempiw cayunacajjarojj warjjatt'itu.

Rut 3:3

Jumasti jichhajj aqham luram: Jarekasiwayam, suma k'aphinacamp uchasiwayasa, uqhamarac sum isthapt'asiwayam, ucatsti janiw Booz chachampejj uñt'ayasïtati janïr mank'aña, umaña tucuyquipana.

1 Samuel 15:25

Ucampisa nayajj achict'assmawa, juchajjat perdonitaya, ucat nayampi chica cuttjjam Tatitur yupaychañataqui —sasa.

1 Samuel 15:31

Uqhamasti Samuelojj Saúl reyimp chicaw saräna, ucat jupajj Tatituru yupaychäna.