2 Samuel 12:1 - Qullan Arunaca

¹ Tatitusti Natán profetaruw qhitaraquïna Davidar uñjiri sarañapataqui. Natanasti Davidan nayrakataparu uñstasinsti saraquïnwa: —Mä marcan pani jakew utjäna. Maynejj kamirïnwa, maynisti pobreraqui.

Aymar Bibliia 1986

¹ Tatitusti Natán profetaruw qhitaraquïna Davidar uñjiri sarañapataqui. Natanasti Davidan nayrakataparu uñstasinsti saraquïnwa: —Mä marcan pani jakew utjäna. Maynejj kamirïnwa, maynisti pobreraqui.

Qullan Arunaka DC

¹ Tatitux Natán profetaruw Davidan ukar khithäna. Natanasti Davidan nayraqatapar uñstasin jupar sänwa: —Mä markan pani jaqiw utjäna, maynix qamirïnwa, maynisti jan utjirini jaqïnwa.

2 Samuel 12:1 Jak'a apnaqawi uñst'ayäwi

2 Samuel 11:25

Ucatwa Davidajj qhitatarojj saraquïna: —Jichhajj Joab chacharojj saraquim jan acanac toketjja sinti llaquispati, guerranjja ucanacajj lurasipuniraquiwa. Ucampisa marcarojj wali ch'amampi nuwantaracpan k'ala t'unjañcama. Jumasti saram juc'ampi ch'amañcht'araquim —sasa.

2 Samuel 12:2

Kamiristi walja ovejanacani uqhamaraqui walja vacanacanïnwa,

2 Samuel 14:14

Chekpachansa takeniw jiwañänejja, cunjämatejj umajj orakeru wartatajja uqhama jiwasajj wartasiractanjja, uca umasti janiw apthapiñjamäcaraquiti. Ucampisa Diosajj janiw qhitirus jacañapjja apakquiti, jan ucasti Diosajj cunjämatsa muniwa uca jayaru apanucutäqui ucajj jan uqham jayan jacascañapataqui.

2 Samuel 7:17

Natán profetasti take acanacwa Davidarojj yatiyaraquïna, cunjämtejj uñjcatayna uqhamaraqui ist'catayna uqhampacha.

1 Reyes 1:8

Ucampis janiw Sadoc sacerdotejja yanapcänti, ni Joiada ucan Benaía yokapasa, ni Natán profetasa, ni reyin wali uñt'ata Simei sat chachasa, ni Davidan suma soldadonacapasa Adoniasarojj yanapapcänti.

1 Reyes 13:1

Cunapachatï Jeroboam reyejj incienso altarana naqhantayascäna, ucqhawa Betel chekaru mä profetajj Judá oraketa purinïna, Tatituna qhitanita.

1 Reyes 18:1

Maranacasti pasjjänwa. Ucatsti quimsa mara pasatatjja Tatitojj Eliasarojj sänwa: “Saram, ucatsti Acab reyin ucar uñstanim, nayasti jalljja puriyjjäwa aca orakerojja” sasa.

1 Reyes 21:18

“Saram jichhpacha Samarian jaquir Israelan Acab reyin ucaru. Aca horasan jupajj jicjjatasi Nabot chachan uva yapupana, uca yapupata catuntasiñataquiraquiw sararaqui.

1 Reyes 4:5

Azarías, jupasti gobernadoranacapan jilïripa Natán ucan yokapänwa; Zabud, jupasti reyina wali aytata sacerdote Natán amigopan yokapänwa;

2 Reyes 1:3

Ucampis Tatitun angelapajj Tisbe chekanquir Eliasarojj sänwa: “Saram Samarianquir reyin qhitanacapar jicjjatiri, ucatsti jisct'am: ‘¿Janit Israel marcan Diosasti utjquisti, Ecronanquir Baal-zebub sat diosar jisqhiñataquisti?’ sasa.

1 Crónicas 29:29

David reyin sarnakäwipasti kalltata tucuycamajja, Samuel profetan crónicas sat libropana kellkatawa, uqhamarac Natán profetan crónicas libropana, ucatsti Gad profetanaraqui;

Isaías 39:3

Ucatwa Isaías profetajj Ezequías reyin ucaru saräna, ucatsti jisct'araquïnwa: —¿Cawquitsa uca jakenacajj jutapjjatayna, camsapjjaractamsa? —sasa. Ezequiasasti saraquïnwa: —Jaya marcatwa jutapjje, Babiloniatpacha jutapjje —sasa.