2 Reyes 7:5 - Qullan Arunaca

⁵ Uqhamawa jupanacajj aruma sartawayasina sarapjjäna sirionacan campamentoparu; ucampis cunapachatï jac'ancjjapjjäna ucqhasti amuyasipjjänwa jan qhitis utjatapa.

Aymar Bibliia 1986

⁵ Uqhamawa jupanacajj aruma sartawayasina sarapjjäna sirionacan campamentoparu; ucampis cunapachatï jac'ancjjapjjäna ucqhasti amuyasipjjänwa jan qhitis utjatapa.

Qullan Arunaka DC

⁵ Ukhamaw jupanakax arumthapir sartawayasin sirionakan utjnuqäwipar sarapxäna; jak'ankxasasti, jan khitis ukankatap amuyasipxäna.

2 Reyes 7:5 Jak'a apnaqawi uñst'ayäwi

2 Reyes 7:4

Marcar mantañataquitejj amtasiñänejja, jiwjjaquiñäniwa, uca mankhena mank'at wali t'akhesiña utjatapata; aca chekan kont'ata kheparañactï amtasiñänejja, uqhamaraquiquiw jiwjjaquiracsna. Ucampis mäpitay sirionacan campamentoparu sarjjañäni, janitejj jiwayquistanejja jacascañäniwa; ucampis jiwayjjestani ucasti, cunjämatsa jiwjjaraquiñäniwa —sasa.

2 Reyes 7:6

Tatituwa sirio ejercitorojja ist'ayatayna nuwasiñ carronacana, caballerianacana suenatapa, uqhamarac mä jach'a ejerciton suenataparaqui. Sirionacajj ucapachajj amuyapjjänwa Israel reyin minc'asitapa hitita reyinacaru, uqhamarac egipcio reyinacaruraqui jupanacar nuwantañapataqui.

Ezequiel 12:12

Jupanacan jilïripasti callachipjjaruwa k'epipjja k'epjjarusiñapa, ucat ch'amacthapjjani ucqhasti perka p'iyanjam mistuwayjjañaparaqui. Ajanupa imt'asisaw sarjjani, uqhamat jan qhitis juparu uñjañapataqui, ni jupasa marcanquiri jakenacaru uñjañapataqui.

Levítico 27:26

“Uywanacan nayrïri kallunacapatsti, nayrakata kallunacapatjja Tatitutaquipunïniwa, janiraquiw qhitis ucjja Tatituru loktcaspati. Vaca kallüpasa, jan ucajj mä oveja kallüpasa, ucasti Tatitutaqui satapunïniwa.

Levítico 27:8

Cawquïri jaketejj arsüwipa phokhañataqui churaña muncani, ucat uca jakejj pobreraquïni, ucasti sacerdoten nayräjjaparu irpatäniwa, uqhamat sacerdotejj kawkhatejj churañapäqui uca sañapataqui, cunjämäquitejj uca churiri jakejj uqhamarjama.

Deuteronomio 28:7

“Diosaw amparanacamar catuyätam cunapachatejj uñisirinacamajj nuwantapjjätam ucqhajja. Jumanacampi nuwasiñataquejj suma formt'ataw jutantapjjani, ucampis jumanacar uñjasajj janiw cunjäm jaltjjapjjatapsa amtasipcaniti.

Deuteronomio 32:25

Thaquinacansa, wawanacapajj espadampi jiwarayatäpjjaniwa, uta mankhepansa ajjsarañaquiw utjani; yokall wawasa, imill wawasa jiwarapjjaniwa.

Deuteronomio 32:30

¿Cunjämaraqui mayni sapaqui warankaru jaltayisti? Ucatsti ¿cunjämaraqui paninisti waljaniru jaltayisti? ¡Arjjatir Dios sapaquiw uñisirinacapar catuyañ amti!

1 Samuel 30:17

Uqhamasti Davidajj alwata, jayp'ucamawa jupanacarojj nuwaräna, k'alwa jupanacarojj tucjaraquïna, ucampisa pusi patac waynanacaquiw camellonacaparu lat'jjatasina jaltjjapjjatayna.