2 Reyes 7:4 - Qullan Arunaca

⁴ Marcar mantañataquitejj amtasiñänejja, jiwjjaquiñäniwa, uca mankhena mank'at wali t'akhesiña utjatapata; aca chekan kont'ata kheparañactï amtasiñänejja, uqhamaraquiquiw jiwjjaquiracsna. Ucampis mäpitay sirionacan campamentoparu sarjjañäni, janitejj jiwayquistanejja jacascañäniwa; ucampis jiwayjjestani ucasti, cunjämatsa jiwjjaraquiñäniwa —sasa.

Aymar Bibliia 1986

⁴ Marcar mantañataquitejj amtasiñänejja, jiwjjaquiñäniwa, uca mankhena mank'at wali t'akhesiña utjatapata; aca chekan kont'ata kheparañactï amtasiñänejja, uqhamaraquiquiw jiwjjaquiracsna. Ucampis mäpitay sirionacan campamentoparu sarjjañäni, janitejj jiwayquistanejja jacascañäniwa; ucampis jiwayjjestani ucasti, cunjämatsa jiwjjaraquiñäniwa —sasa.

Qullan Arunaka DC

⁴ Markar mantañatakitix amtañänixa, jiwañäniwa, uka manqhin janiw kunas manq'añatak utjkiti; aka chiqantix qunt'at qhiparañänixa, jiwarakiñäniwa. Mäpit sirionakan utjnuqäwipar sarañäni, jan jiwaykistanixa jakaskañäniwa; qhanaw jiwayxistani, kunjämatsa jiwxakipuniñäniwa —sasa.

2 Reyes 7:4 Jak'a apnaqawi uñst'ayäwi

2 Samuel 14:14

Chekpachansa takeniw jiwañänejja, cunjämatejj umajj orakeru wartatajja uqhama jiwasajj wartasiractanjja, uca umasti janiw apthapiñjamäcaraquiti. Ucampisa Diosajj janiw qhitirus jacañapjja apakquiti, jan ucasti Diosajj cunjämatsa muniwa uca jayaru apanucutäqui ucajj jan uqham jayan jacascañapataqui.

2 Reyes 6:24

Uca khepatsti Siria marcana Ben-adad reyejja take ejercitopwa tantacht'äna, ucatsti Samaria marcaru sarasinwa nuwañataqui muyuntäna.

2 Reyes 7:5

Uqhamawa jupanacajj aruma sartawayasina sarapjjäna sirionacan campamentoparu; ucampis cunapachatï jac'ancjjapjjäna ucqhasti amuyasipjjänwa jan qhitis utjatapa.

1 Crónicas 12:19

Uqhamaraquiw Manasés uca tributa yakhep jakenacajj Davidampïñataqui jutjjapjjatayna, cunapachatï jupajj filisteonac taypiru jaquiri sarjjäna Saúl reyimpi nuwasiñataqui ucqha. Chekpachansa Davidajj janiw filisteonacar yanapañ amtanicänti, jilïrinacapajja tantachasisinjja amtapjjänwa qhithanucjjaña, aqham sasa: “Jiwasanacaru jan walt'ayasaw Saúl jilïripan ucar jakcattjjaspan” sasa.

Ester (hebreo) 4:16

“Saram, Susa marcanquir take judionaca tantacht'anim, ucatjja ayunapjjam nayataqui; janiw mank'apjjätasa, ni umapjjaraquïtasa quimsa uru, quimsa aruma. Nayasti tawako warmi uywatanacajjampejja uca quipcaraqui lurapjjaraquëjja, ucatjja nayajj reyimpi parliriw saräjja, uqhama lurañajja leyirjamajj janis walïscpan. Ucampis jiwayapjjetanejja, jiwayasipcaquitpana” sasa.

Jeremías 14:18

Pamparuw mistta, ucansti guerran jiwaririnacan janchinacapaqui uñjaracta, marcaruw mantanta, ucansti mank'atjama jiwarasquiri jakenacacracwa uñjta. Profetanacasa sacerdotenacasa, jan uñt'ata jaya marcanacaruraquiw sarjjapjje.’ ”

Jeremías 8:14

Marcasti saraquiniwa: “¿Cunataquis acar kheparascaquiñäni? ¡Takeni sarjjañäni jach'a perkani marcanacaru, mäpita jiwarayistpan! Tatitu Diosasajja jiwarayistaniwa; venenat umwa umañataquisa churaraquistu, jupa toke jucha luratas laycu.

Jonás 3:9

Inach Diosajj perdonistani, jach'a colerapsa apartayasjjaraquispa, uqhamat jani jiwarañasataqui” sasa.

Hebreos 9:27

Cunjämatejj take maynins mä cuti jiwañapäquejja, ucjjarusti taripäwiw jutaraqui.