2 Reyes 5:12 - Qullan Arunaca

¹² ¿Janiti juc'ampi suma jawiranacäqui Damasco, Abana, uqhamarac Farfar ucanacajja, Israelan take jawiranacata sipansa? ¿Janiti nayajj sarquiristjja uca jawiranacana jarisiri, ucatjja k'omachatäjjañataquejja?” sasa. Jupasti ucqhatjja wali coleratawa sarawayjjäna.

Aymar Bibliia 1986

¹² ¿Janiti juc'ampi suma jawiranacäqui Damasco, Abana, uqhamarac Farfar ucanacajja, Israelan take jawiranacata sipansa? ¿Janiti nayajj sarquiristjja uca jawiranacana jarisiri, ucatjja k'omachatäjjañataquejja?” sasa. Jupasti ucqhatjja wali coleratawa sarawayjjäna.

Qullan Arunaka DC

¹² ¿Janiti Damasconkir Abaná, Farfar jawiranakasti juk'ampi suma jawiranakäki, Israelan taqi jawiranakapat sipansa? ¿Janit nayasti q'umachatäñatak uka jawiranakan jariqaskiriskäyätsti? —sasa. Jupasti wali thithitaw uka chiqat sarawayxäna.

2 Reyes 5:12 Jak'a apnaqawi uñst'ayäwi

2 Reyes 2:14

Ucjjarusti Eliasana capapa catusinjja umaruwa jisctäna, aqhama art'asina: “¿Cawquinquis Eliasan Tatit Diosapajja?” sasa. Ucatjja umaruw jisctäna umasti payaruw jaljtäna, ucatsti Eliseojj wastatampiw jawira maqhatäna.

2 Reyes 2:8

Ucatsti Eliasajj capapa llawt'asinjja, ucampiwa umaru jisctäna, ucatjja jawir umajja payaruwa jaljtäna, ucatsti panpachaniw jawirjja waña orakenjama maqhatapjjäna.

2 Reyes 5:11

Naamanasti colerasïnwa, ucatsti sarawayjjänwa, aqham sasa: “Nayajj sayätwa: ‘Mistunchiniy nayar catokeri, ucatsti sayt'asisin Tatit Diosaparuy art'chini, ucatjja amparapampi usutäqui ucqhar lokjjatasina lepra usut kollchitani’ sasa.

2 Reyes 5:17

Ucatjja Naamanajj sänwa: —Uqhamajja Israelan pä mula carga lak'apacsay apayita; aca sirvirimasti janiw juc'amp yakha diosanacaru loktcjjaniti nact'ayata sacrificionacsa, jan ucasti Tatituruw loktjjani.

Proverbios 14:17

Qhititejj mäqui cunatsa colerasqui ucajja, mäquiraquiwa jan walinacjja lurjjaraqui, ucampis jan mäqui colerasqui ucajja, c'achatacwa luri.

Proverbios 16:32

Paciencianïñaw asquejja, jan ajjsarir jaket sipansa; marcanacar catuntañat sipansa, juc'amp asquiwa jiwasa pachpa apnakasiñajja.

Proverbios 19:11

Yatiñan jakejj janiw mäqui colerasquiti, chuyma usuchjatasa janis cunäcaspa uqhamac uñji, uqham luratapasti jach'a cancañawa.

Cantar de los cantares 4:8

Munatajjay, Líbano kollut nayamp chica sarakanim, nayamp chica Líbano kollut sarakanim. Amana sat kollutpacha vallenac uñatatam, Senir sata, uqhamarac Hermón sat kollutpacha uñatatam; uqhamarac leonanacan putunacapatpacha, leopardo sat animalanacapan kollunacapatpacha uñatatam.

Jeremías 49:23

Damasco marcataqui arunaca: “Hamat, Arfad marcanacajj wali p'enkasitäpjjewa, jan wali yatiyäwinaca purinitap laycu. Ajjsarañampi phokhantatäpjjewa, janiraquiw alekt'añataquejj ch'amanïpquiti.

Zacarías 13:1

“Qhä urunjja mä uma jalsuw jist'artanejja, ucana Davidat jutir familianacas, Jerusalenan jaquirinacasa juchanacapa, k'añu cancañanacapa jarekasipjjañapataqui.

Zacarías 14:8

Ucasti Jerusalenatjja misturaquiniwa suma k'oma uma, ucasti jalascaquiniwa juyphipachasa junt'upachasa, chicata umasti jalaraquiniwa Mar Muerto kotacama, mä chicatasti jalaraquiniwa Mediterráneo jach'a kotaru.

Marcos 1:9

Ucürunacanwa Jesusajj Galilea orakenquir Nazaret marcat mistüna, ucatsti Juanajj Jordán jawiran juparojj bautisäna.