2 Reyes 4:9 - Qullan Arunaca

⁹ Ucatsti uca warmejj chachaparojj sänwa: —Uñjam, nayajj yattwa sapa cuti pascasawa aca chachajj jiwasarojj visitistu, jupasti Diosan kollana profetapawa.

Aymar Bibliia 1986

⁹ Ucatsti uca warmejj chachaparojj sänwa: —Uñjam, nayajj yattwa sapa cuti pascasawa aca chachajj jiwasarojj visitistu, jupasti Diosan kollana profetapawa.

Qullan Arunaka DC

⁹ Ukat uka warmix chachapar säna: —Uñjam, aka chachax sapa kutiw marka chiqa sarkasax jiwasar tumpt'awayistu, nayax yattwa, jupax Diosan qullan profetapawa.

2 Reyes 4:9 Jak'a apnaqawi uñst'ayäwi

1 Reyes 13:1

Cunapachatï Jeroboam reyejj incienso altarana naqhantayascäna, ucqhawa Betel chekaru mä profetajj Judá oraketa purinïna, Tatituna qhitanita.

1 Reyes 17:18

Ucatsti ijma warmejj Eliasarojj sänwa: —¿Cuna lurañajjasa jumampejj utjitu, Diosanquir jake? ¿Jumajj juchanacajja amtayiriti juttajja, ucatjja wawajjaru jiwayiriraqui? —sasa.

1 Reyes 17:24

Warmisti juparojj sänwa: —Jichhacuchawa yattjja jumajj chekpachansa Diosan jakepätama, uqhamarac cuntï siscta ucajja Diosan cheka arunacapätaparaqui —sasa.

2 Reyes 4:7

Ucjjarusti warmejj profetan ucar sarasinwa yatiyanïna, ucatsti profetajj juparojj sänwa: —Jichhasti saram uca aceite aljiri, ucatjja manuma phokjjam, ucat jilt'äqui ucampisti jumana, wawanacamana jacapjjañamataquïniwa —sasa.

2 Crónicas 25:7

Ucatsti Diosanquir mä chachawa jupan nayrakataparu jutäna, aqham sasa: —Jach'a rey, Israelan ejercitopajj jan jumampejj chicachaspanti, Tatitusti janiw Israelampïquiti, Efraín orakenquir uca take jakempejja.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Deuteronomio 33:1

Janïra jiwcasinjja, Diosan wawap Moisesajj aca bendicionanacwa Israel marcar churäna,

1 Tesalonicenses 2:10

Jumanacaw testigöpjjta, Diosas testigoraquiwa, nanacan k'oma cancañan sarnakatanacajjatjja, jumanac iyawsirinacampis, jan qhitinsa ni cunjjatsa juchañchayasiñataquisa.

1 Timoteo 6:11

Ucampis jumajja, Diosanquir chachjamajja, take acanacatjja jaltam, k'oma jacäwini saram, Dios chuyma, iyawsañani, munasiñani, jan pisi chuymt'añani, llamp'u chuymanïñanraqui.

Tito 1:8

Jan ucasti janc'aquïñapawa utapar visitanac catokañataquejja, takerus qhuyapt'ayirïñapawa, suma amuyun jake, asquiraqui, Diosar catuyata, suma yatichataraqui.

1 Pedro 3:1

Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,

2 Pedro 1:21

Profetanacasti janipuniw cunsa munañanacapatjja parlapcänti, jan ucasti jupanacajj Diosar catuyata jakenacäpjjänwa, Dios toketaracwa parlapjjänjja, Kollan Ajayun amuyt'ayata.

2 Pedro 3:2

Amtasipjjam cuntejj nayra kollan profetanacajj Tatitun arunacap tokejj parlapcäna ucanacatjja, uca arunacasti jichhürojj apostolonac tokew jumanacarojj yatichatäjje.