2 Reyes 2:13 - Qullan Arunaca

¹³ Ucatsti Eliasajj capapa jalaktayawaycäna ucwa aptasiraquïna, ucatjja Jordán jawiraruw cuttäna, uca thiyaruw sayt'asiraquïna.

Aymar Bibliia 1986

¹³ Ucatsti Eliasajj capapa jalaktayawaycäna ucwa aptasiraquïna, ucatjja Jordán jawiraruw cuttäna, uca thiyaruw sayt'asiraquïna.

Qullan Arunaka DC

¹³ Ukatxa kawkïr istix Eliasax jalaqtayaskatayna uka isi iqtasirakïna, ukatsti Jordán jawiraruw kuttäna, uka thiyan sayt'asirakïna.

2 Reyes 2:13 Jak'a apnaqawi uñst'ayäwi

1 Reyes 19:19

Eliasajj ucqhat sarjjasinjja Eliseompiwa jiquisïna, jupasti kholliscänwa. Eliseon nayrakatapanjja tunca payan yuntampiw sarascäna, khepäqui ucsti jupa pachparaquiw irpascaraquïna. Eliasasti jupar jaq'achasisinjja, jupa patjjaruwa capapa liwjjatäna.

1 Reyes 9:26

Salomón reyisti uqhamaraquiw lurayaraquïna barconaca Ezión-geber chekana, ucasti jicjjatasiwa Elat sat ucampi chica Mar Rojo sat kota iranana, Edom orakena.

2 Reyes 2:12

Uqham uñjasinsti Eliseojj art'änwa: “¡Awquejja, awquejja, jumajj Israel marcataquejj mä wali ch'aman ejercitjamäyätawa! ” sasa. Uca pasatatsti Eliasarojj janiw mayampis uñjcjjänti. Ucatsti Eliseojj isipa catusinjja payaruw ch'iyjäna.

2 Reyes 2:14

Ucjjarusti Eliasana capapa catusinjja umaruwa jisctäna, aqhama art'asina: “¿Cawquinquis Eliasan Tatit Diosapajja?” sasa. Ucatjja umaruw jisctäna umasti payaruw jaljtäna, ucatsti Eliseojj wastatampiw jawira maqhatäna.

2 Reyes 2:8

Ucatsti Eliasajj capapa llawt'asinjja, ucampiwa umaru jisctäna, ucatjja jawir umajja payaruwa jaljtäna, ucatsti panpachaniw jawirjja waña orakenjama maqhatapjjäna.

Hebreos 11:37

Kalamp c'upjata jiwayatäpjjaraquïnwa, payar qhuchjata cunayman yant'ata, espadamp jiwayata. Jupanacasti ovejanacan cabritonacan lip'ichinacapampi isthapitaquiw take chekan sarnakapjjäna, llact'ata, uqhamarac chhojjriñchjata, jan cunaniraqui.

1 Samuel 28:14

—¿Cunjämas jupajja? —sasaw Saúl reyejj jisct'araquïna. —Mä chuymani jakewa, mä capampi ist'ata —sasaw warmejj saraquïna. Ucat Saúl reyejj mäquiw amuyäna Samuelötapa, ucat oraker ajanup puriyañcamaraquiw alt'asïna.