2 Reyes 12:4 - Qullan Arunaca

^4-5 Mä urusti Joasajj sacerdotenacarojj sänwa: “Jumanacajj apthapipjjam Tatitun temploparu apanipqui uca take ofrenda kollkenaca, sapa maynita cutsuyata kollkenaca cunjämatï mayitäcäna ucar phokhasa, uqhamarac sapa maynisa chuymaparjama Tatitun utaparu take kollke apanqui ucanacaraqui. Ucatsti imata kollkenaca apnakerinacar mayipjjam, templona take cunanacatejj waquisqui asquichaña ucanac lurayapjjañapataqui.

Aymar Bibliia 1986

^4-5 Mä urusti Joasajj sacerdotenacarojj sänwa: “Jumanacajj apthapipjjam Tatitun temploparu apanipqui uca take ofrenda kollkenaca, sapa maynita cutsuyata kollkenaca cunjämatï mayitäcäna ucar phokhasa, uqhamarac sapa maynisa chuymaparjama Tatitun utaparu take kollke apanqui ucanacaraqui. Ucatsti imata kollkenaca apnakerinacar mayipjjam, templona take cunanacatejj waquisqui asquichaña ucanac lurayapjjañapataqui.

Qullan Arunaka DC

^4-5 4-5 (5-6) Mä urusti, Joasax sacerdotenakaruw säna: —Jumanakax Tatitun utapar apanipki uka taqi qullqinak apthapipxam, sapa mayni churañapäki uksa, ukhamarak sapa maynisa chuymapatjama Tatitun utapar qullqi apanki ukanaksa. Uksti qullqi imirinakar mayipxam, Tatitun utapan taqi kunanakatix askichañ wakiski ukanakataki —sasa.

2 Reyes 12:4 Jak'a apnaqawi uñst'ayäwi

1 Reyes 3:2

Ucapachcamasti jakenacajja sacrificionaca loktasipcänwa, yakha diosanacar loktaña alto kollu patanacana, ucqhacamajj janiw luratäcänti Tatitutaqui mä templo uca laycu.

1 Reyes 3:3

Salomonajj Tatituruwa munäna, uqhamaraqui David awquipan leyinaca utt'ayätaqui ucanacsa phokharaquïnwa, jupa pachpasa alto kollu patanacana sacrificionaca, inciensonaca loktcchïna ucasa.

1 Reyes 7:1

Salomonasti jupan palaciopwa lurayäna, ucsti tucuyänwa tunca quimsani marana.

2 Reyes 12:18

Ucampis Judá marcanquir Joás reyisti apjjarünwa cawquïri kollan yänactejj Josafat, Joram, Ocozías uca nayra reyinacapajj Diosan utapatac loktapcäna Judá orakena take ucanaca; ucjjarusti apjjaruraquïnwa cawquïr yänactejj jupa pachpas loktcaraquïna ucanacaraqui, uqhamarac apjjaruraquïna templon imatäqui reyin palaciopansa take korinaca, ucatsti take ucanacjja mayaqui apthapisawa Hazael reyin ucar apayäna, ucatjja aca reyejja janiw Jerusalén marcar nuwantcjjänti.

2 Reyes 14:4

Janiraquiw apakcänti alto chekan yakha diosanacar yupaychañ santuarionacjja, cawqhantejj jakenacajj sacrificionaca loktasipcaquïna, uqhamarac inciensonacsa naqhayasipcaquiraquïna.

2 Reyes 15:4

Ucampis janiw apakatäcänti alto chekan yakha diosanacan santuarionacapajja, jakenacasti ucanjja sacrificionacjja loktasipcaquïnwa, uqhamarac inciensonacsa naqhayasipcaquïnwa.

2 Reyes 16:4

Ucjjarusti yakha diosanacan santuario utanacanwa sacrificionaca loktäna, uqhamarac inciensonacsa naqhayäna, alto chekanacana, uqhamarac wali laphinacan kokanac c'uchuna.

2 Reyes 17:11

Ucsti jupanacajj lurapjjänwa cunjämatï yakha marcanacajj lurapjjerïqui uqhamaru; Tatitusti ucanacaruraquiw jupanacan nayrakatanacapatjja jakonucutayna. Israel jakenacasti inciensonacwa naqhayapjjäna, ñankha luräwinacwa lurapjjaraquïna, uqhamata Tatitur colerayasina.

2 Reyes 22:4

“Saram Hilcías sumo sacerdoten ucaru, ucatsti sanim: “Tatitun temploparu kollkenac apanipqui ucanac apthappan, uqhamarac puncu uñjirinacasa jakenacata kollke apthapipqui ucanacsa” sasa.

1 Crónicas 18:11

Davidasti take aca yänacjja, korimppacha, kollkemppacha take marcanacat aparcatayna ucanacjja Tatituruw loktäna, Edom, Moab, amonita, filisteo, amalecita ucanacatwa aparäna.

1 Crónicas 29:17

Nayasti yattwa Diosajjay, jumajj chuymanaca uñantirïtama, ucatsti jumataquejj cheka cancañaraquiwa asquejja. Ucatwa, cheka chuymampi take acanac chursmajja. Jichhasti cusisitaw uñjaracta marcamajj acan tantachatäsina, walja ofrendanacapjja jumaruw churapjjtam.

2 Crónicas 15:18

Diosan temploparojja uchayänwa take korinaca, kollkenaca jupasa, awquipasa Tatitur loktapcäna ucanaca.

2 Crónicas 31:12

ucaruwa jan armasisa churäwinaca uchapjjäna, tuncat mayäqui uc churapcäna ucanaca, uqhamarac Tatitur loktatäcäna ucanacsa. Ucanaca uñjañapataquisti Conanías sat levitaruwa jilïrita utt'ayapjjäna, uqhamarac Simei jilaparuraqui jupar yanapt'añapataqui.

2 Crónicas 35:2

Sacerdotenacarusti sirviña lurañanacaparuwa utt'ayäna, ucatsti ch'amachänwa Tatitun templopana luräwinacapa phokhapjjañapataqui.

Esdras 1:6

Ucatjja take uta jac'anquirinacapawa yanapt'apjjäna kollkempi, korimpi, yänacampi, uywanacampi, wali valoran yänacampisa, ucjjarusti take casta ofrendanacampisa.

Esdras 2:69

Lurayañataqui kollkenacsti churapjjänwa ch'amanacaparjama, pusi pataca quimsakallk tunca quimsakallkon kilo korinaca, pä waranka pakallk pataca pheska tuncan kilo kollke, uqhamarac pataca túnica sat isinaca sacerdotenacataqui.

Esdras 7:16

uqhamarac aparaquim Babiloniana take provincianacapana kollke, kori jicjjatapcäta ucanacaraqui, uqhamarac marcasa sacerdotenacasa churäwinaca chuymanacapatjama churapcätam Jerusalenanquir Diosan templopataqui ucanacsa.

Éxodo 35:22

Ucatsti take chachanaca, warminacaw chuymapatjama apanipjjäna t'irt'asiñ ganchonaca, sortijanaca, argollanaca, uqhamarac korit lurat brazaletenaca, yakha korit lurat yänacampi. Sapa mayniw korit lurat yänaca apanipjjäna cuntejj Tatitur catuyapcäna ucanaca.

Éxodo 35:29

Take israelit chachanaca, uqhamarac warminacaw chuymanacapan amthapisipjjäna cuntejj Tatitojj luram siscäna uca lurañan yanapt'añjja, ucatsti take chuymaw ofrenda Tatitutac apanipjjäna.

Éxodo 35:5

Jumanacajj Tatitutaquejj mä ofrenda apthapipjjam. Take qhitinacatejj Tatituru chuymapat ofrenda churañ munapqui ucanacajja take chuymaw churapjjañapa kori, kollke, bronce ucanac apanisa.

Éxodo 36:3

Ucampis jupanacajj Moisesatjja catokapjjänwa cawquïr ofrendanactejj israelitanacajj apanipcäna ucanaca, cunanacatejj Tatitumpi Jiquisiñ Carpa lurañataquejja waquisqui ucanac kalltañataqui. Ucampis israelitanacajj ofrendanacjja sapüruw apanipjjäna.

Levítico 27:31

Maynitejj uca tuncat maya churatäcän uca cutsuyasjjañ munani ucapachasti kawkhäquitejj alapajj ucwa churjjañapa, uqhamarusa ucjjarojj chicatan chicatapat mä juc'a menost'ata churaraquini.

Lucas 21:4

Take jupanacasti cunatejj jilt'qui ucatac churapjje: aca warmisti pobre cancañapanjja, cunatï jacañapatac utjcän ucjja tak churjje —sasa.