2 Pedro 3:8 - Qullan Arunaca

⁸ Ucampis jilatanaca, jan jumanacajj armasipjjamti, Tatitutaquejj mä urojja waranka marampi sasiwa, waranka marasti mä urumpi sasiquiraquiwa.

Aymar Bibliia 1986

⁸ Ucampis jilatanaca, jan jumanacajj armasipjjamti, Tatitutaquejj mä urojja waranka marampi sasiwa, waranka marasti mä urumpi sasiquiraquiwa.

Qullan Arunaka DC

⁸ Ukhamarusa, munat jilatanaka, jumanakax jan armasipxamti, Tatitutakix mä urux waranqa marampi sasiwa, waranqa marasti mä urumpi sasirakiwa.

2 Pedro 3:8 Jak'a apnaqawi uñst'ayäwi

Salmos 90:4

Jumataquejj warank marajja, wasür tucusir urur uñtataquiwa, arum ch'amacajj tucusqui uqhämaquiwa.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

1 Corintios 10:1

Jilatanaca, nayajj jumanacan yatipjjañama munta: Nayra awquinacasajj mä kenayan irpatänwa, takeniw Mar Rojo kota chekajj pascatapjjänjja.

1 Corintios 12:1

Jilatanaca, munaractwa cunanactejj Kollan Ajayojj sapa maynir lurañatac churquis ucanacjjat yatipjjañama.

2 Pedro 3:1

Munat jilatanaca, acajj payïri cartwa kellkanipjjsma, paypach carta apayanipcsma ucanacanjja ewjjanac toke walwa amuyt'ayañ munapjjsma.