2 Pedro 2:10 - Qullan Arunaca

¹⁰ Diosajj mutuyaniwa qhitinacatejj ñankha munañanacaparjamaqui sarasipqui ucanacarojja, Tatitun arunacaparus jan ist'apcaraquiti ucanacarusa. Ucanacasti wali munañani jan ist'asiri jakenacaraquiwa, janiraquiw alajjpacha ch'amanacarus jan wali arunacampi sañjja ajjsarapquiti.

Aymar Bibliia 1986

¹⁰ Diosajj mutuyaniwa qhitinacatejj ñankha munañanacaparjamaqui sarasipqui ucanacarojja, Tatitun arunacaparus jan ist'apcaraquiti ucanacarusa. Ucanacasti wali munañani jan ist'asiri jakenacaraquiwa, janiraquiw alajjpacha ch'amanacarus jan wali arunacampi sañjja ajjsarapquiti.

Qullan Arunaka DC

¹⁰ Khitinakatix ñanqha munañanakaparjam sarasipki ukanakarux Tatitux mutuyaniwa, jupan arunakapar jan ist'apki ukanakarus mutuyarakiniwa. Jupakanakasti jan ist'asiri, wali munañan jaqinakäpxiwa, janirakiw jupanakax angelanakar jan wali arunakamp tuqiñsa axsarapkiti.

2 Pedro 2:10 Jak'a apnaqawi uñst'ayäwi

Génesis 49:6

¡Janipuniw cunäquipansa tantachasïwinacapancañ muncti! Cunapachatejj coleratäpcän ucqhasti, jakenac jiwarayapjjäna. Jan wali amtañapansti, vacanacan cayunacapsa p'aquirawayapjjänwa.

2 Samuel 20:1

Benjamín tribun mayni khoru jakew utjäna, ucasti Seba satänwa, Bicri sisqui uca jaken yokapa, jupasti Gilgal marcanwa jicjjatasiraquïna. Aca Seba jakesti jakenacaruw amtayäna rey contra sayt'asipjjañapataqui, saraquïnwa: “Jiwasajj janiw Isaí jaken David yokapampejja cuna lurañasas utjquiti. ¡Take israelita jakenaca, utanacamaru cuttjjapjjam!” sasa.

1 Reyes 12:16

Cunapachatï take Israel marcpachajj uñjapjjäna reyin jan jupanacar ist'atapjja, sapjjänwa: “¡Janiw cuna lurañanacasas utjquistuti! ¡Janiw cuna herenciasa jiwasajj jaljasctanti Isaí chachan yokapampejja! ¡Israelita jakenaca utasarcama sarjjañäni! ¡Davidaqui familiaparu uñjascpan!” sasa. Ucat ucspachawa israelita jakenacajj utanacapar sarjjapjjäna.

Salmos 12:4

aqham sir jakenacarus tucusiyaraquim: “Lajjraw jiwasan ch'amasajja, lajjrasaw jiwasanacarojj arjjatistu, ¿qhitirac cun sistanisti” sasa.

Éxodo 22:28

“Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.

Eclesiastés 10:20

Reyi tokejj jan parlamti, ni amtäwimpisa. Sapaquicäta ucqhasa, jan kamir tokejj parlamti, jamach'inacaw yatiyanipjjaspa uca laycu.

Jeremías 2:31

(Uca quipcaraqui jumanacasa, qhitinacatejj jichha jacapcta ucanacasa Tatitun arunacapa ist'apjjam.) Israel marca, ¿nayajj jumataquejj mä wasarar uñtatätti? ¿Mä ch'iwin phokhantata oraker uñtatätti? Nayan marcajja, ¿cunatrac sista: ‘Nanacajj khespitäjjapjjtwa, janiw juman ucar cuttanipquiristti’, sasasti?

Números 15:30

“Ucampisa mä jaketejj juch lurchi sum amuyasisa, israelitäpansa, yakha marcat jutir jakëpansa, ucasti nayaruw ñankhachitu. Uca jakesti marcap taypitjja jakonucutäniwa.

Lucas 11:25

Cuttanjjasinsti, suma pichst'ata, uqhamarac apthapt'ata utarjamaw uca jakerojj jicjjati.

Lucas 19:14

Ucampis uca marcapanquir jakenacajj juparojj uñisipjjänwa, ucatwa jupan khepapat mä qhitanaca qhitapjjäna sapjjañapataqui: ‘Janiw munapcti aca jakejj nanacan reyïñapa’ sasa.

Hechos 23:5

Pablosti saraquïnwa: —Jilatanaca, janiw nayajj yatcäyätti jupan jilïr sacerdotëtapjja. Kellkatansti saraquiwa: ‘Janiw marcaman jilïripatjja jan wali parlätati’ sasa.

Romanos 8:1

Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja].

1 Corintios 6:9

¿Janit yatipcta jucharar jakenacan jan alajjpachar mantañapjja? Jan sallkjayasipjjamti, wachoka juchan sarnaker jakejj janiw Diosan marcapar mantcaniti, ni yakha diosanacar yupaychirisa, wachoka juchan sarnakerisa, chacha pura jan wali sarnakerinacasa, lunthatanacasa, mich'anacasa, machirinacasa, masipjjat parlasirinacasa, sallkjañampi aparirinacasa mantapcaniti.

2 Corintios 10:3

Chekpachansa nanacajj jakenacaquïpjjtwa, ucampis janiw nanacajj acapach jakenacjamaqui ch'amjj tucupcti.

Efesios 4:19

Jan p'enkanëjjapjjewa, ucatsti cunayman k'añu luräwinacaruw catuyasipjje, ucanacsti jan ajjsarasaw lurapjjaraqui.

Efesios 5:5

Uqhamajj yatjjapjjtawa, cawquïritejj yakhamp wachoka juchan sarnakchejja, jan wali luräwinac luririsa, jan ucajj mich'asa (ucajj c'ari diosanacarus yupaychcaspa uca pachpawa) janiw Cristompin Diosampin reinoparus mantcaspati.

Colosenses 3:5

Aca oraken jucha lurañanacajj jumanacan utjqui ucanacasti jan utjcjjpanti: jan qhitis yakhampi wachoka juchan sarnakpati, janirac k'añu luräwinacsa lurpati, janirac jañchipan munañanacapsa, ni jan wali amtatanacapsa lurpati, janirac mich'äpasa (ucasti c'ari diosanacarus yupaychcsna uqhamaraquiquiwa).

1 Tesalonicenses 4:7

Diosajj jupar catuyasita k'oman jacañasataquiw jawsistu, janiw juchan jacañasataquiti.

2 Timoteo 3:2

Jakenacajj mich'aw tucupjjani, kollke chuymaraqui, jach'a jach'aw tucupjjani, jilamp parlirinacaraqui. Diosat jan wali parlapjjani, awquinacaparus janiw ist'cjjapjjaniti, jan yäkasirïnacäpjjaniwa, Diosar arcañarus janiraquiw jayscjjapjjaniti.

Tito 1:7

Qhititejj obispot uchatäqui ucajj Diosan yänacap uñjirit uchatawa, ucatwa waquisi chekap jacañapajja. Janiw jalta chuymäñapäquiti, jan wali chuymanïñapäquisa, machirïñapäquisa, ch'ajjwañ munirïñapäquisa, janiraquiw lunthatasiñampi jicjjatat kollksa munañapäquiti.

Hebreos 13:4

Casarasiñarusti takenirac respetapjjam, janirac casadöcasin yakhanacamp wachoka juchan sarnakapjjamti, Diosasti juchañchaniwa wachoka juch luririnacarojja.

2 Pedro 3:3

Nayrakatajj ac amuyt'asipjjam: Khepa urunacanjja Tatitun yänacapat phiscasiri jakenacaw sartapjjani, jan wali amtatanacaparjamaraquiw sarnakapjjani,

Judas 1:10

Aca jakenacasti cunattejj jan yatipqui ucanacatjja jan wal parlapjje, ucampis yatipqui ucanacatsa cunjämatejj animalanacajj jan amuyt'a cancañampi uñt'apjjejja uqhamaw jupanacan pachpa t'unjäwipataqui ucjja lurapjje.

Judas 1:16

Ucanacajj quejasiri uqhamarac c'umirinacäpjjewa jupanacan quicpa amtäwinacap phokhañac thakapjje. Jach'a jach'a tucusaw parlapjje, ucasti jakenacatjja sum parlapjje, uqhamat jupanacataqui asqui apsuñataqui.

Judas 1:18

Jupanacasti sapjjäyätamwa: “Khepa urunacajja, Diosat larusir jakenacaw utjani, ucanacasti jupanacan jan wali amtäwinacaparjamaw jacapjjani” sasa.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.

1 Samuel 10:27

Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.