2 Corintios 8:7 - Qullan Arunaca

⁷ Jumanacajj take cunansa jilt'atäpjjtawa; iyawsañansa, yatichañansa, yatiñansa, cusisiñansa, nanacar munañansa. Uqhamajj jumanacajj aca munasiñampi ofrenda apthapt'añansa jilt'atäpjjañamaraquiwa.

Aymar Bibliia 1986

⁷ Jumanacajj take cunansa jilt'atäpjjtawa; iyawsañansa, yatichañansa, yatiñansa, cusisiñansa, nanacar munañansa. Uqhamajj jumanacajj aca munasiñampi ofrenda apthapt'añansa jilt'atäpjjañamaraquiwa.

Qullan Arunaka DC

⁷ Jumanakaw taqi kunan jilankapxtaxa: iyawsañana, arunak parlañana, yatiñana, q'apha chuymampi lurañ phuqhañana, nanakat yatiqasipkta uka munasiñana, uka kipkarakiw aka yanapt'a apthapiñan jilankapxañama.

2 Corintios 8:7 Jak'a apnaqawi uñst'ayäwi

Mateo 25:22

Ucjjarusti pä warank kollke catokcataynas ucaraquiw purini. Jupasti saraquiwa: ‘Jumajj pä warank kollke churistajja, acajjay nayajj pä warankampwa jicjjatta.’

Romanos 15:14

Jilatanaca, nayajj yattwa jumanacajj qhuyapayasiñamp, yatiñ cancañampi wali phokhantatäpjjatama, yatipjjaractawa maynit maynicamar ewjjt'añsa.

1 Corintios 1:5

Jesucristo toke, Diosajj ajayu token kamirïña churapjjtam, parlañansa yatiñ cancañansa.

1 Corintios 12:13

Take jiwasanacasti, judiosa, griegosa, esclavosa, libresa, Kollan Ajayun bautisasjjasinjja mä sapa cuerpoquiw tucjjtan; takenisa uca pachpa Ajayutaracwa catoktanjja.

1 Corintios 12:8

Uca Ajayu tokeraquiw yakheparu cunsa sum parlt'añapataqui yatiñ ch'ama churi, uca pachpa Ajayu tokeraquiw yakheparojj take cunas wali suma uñt'añampi parlt'aña churaraqui.

1 Corintios 13:2

Diosat catokat arunactejj parliristjja, uqhamarac Diosan amtatanacapsa k'al yatirista, take cuns yatiraquirista, iyawsañajjas jach'araquïspa kollunac onjjtayañcamajja, ucat janiraqui munasiñanïquiristjja, janiw nayajj cunäctsa.

1 Corintios 13:8

Munasiñajj janipuniw tucusquiti. Mä urojj janiw Diosan arunacapajj parlascjjaniti, janiraquiw jan uñt'at arunacatsa parlascjjaniti, ni take cun yatiñas munascjjaraquiniti.

1 Corintios 14:12

Ucatpï, jumanacajj niyaqui wali ajayu toketa cuna ch'amsa catokañ munapjjstajja, munapjjapunim cunanacatejj iglesianquirinacar jiltaycaspas ajayu tokenjja uca lurañanac catokaña.

1 Corintios 4:7

¿Qhitirac jumarusti mayninacat sipansa juc'amp suma tucuytamsti? Jan ucajj ¿cuncha Diosajj jan churctamjja? Diosatejj cunsa churstam ucajj ¿cunataraqui jach'a jach'a tucta jumas ch'amamampi jicjjatcasmas uqhama?

2 Corintios 7:7

Janiw purinitapampiquiti, jan ucasti jupajj jumanacatjja wali cusisitänwa. Jupasti yatiyapjjaraquituwa kawctï jumanacajj nanacar uñjañ munapquista ucjjatjja, nanacat llaquisipjjatamatsa yatiyapjjaraquituwa; take ucanac yatisinjja nayajj wal cusista.

2 Corintios 8:6

Ucatwa nanacajj Titoru achict'apjjta jumanac taypinjja apthapt'añapataqui aca munasiñ ofrendjja, cunjämtï nayrajj apthapt'apcataynajj uqhama.

2 Corintios 9:14

Jupanacasti jumanacataquejj take munasiñampiw Diosat mayipjjaraquini, Diosajj jumanacar jach'a qhuyapayasiñap uñacht'ayatapata.

2 Corintios 9:8

Diosajj jumanacarojj take casta bendicionanacwa jilarquir churapjjeristamjja, uqhamat jumanacajj take cunampis phokt'atäpjjañamataqui, ucat take asqui luräwinacan yanapt'asipjjañamataqui.

Efesios 4:29

Jan wali arunacjj jan parlapjjamti, jan ucasti suma arunacamp parlapjjam, uqhamata ist'irinacamajj jiltañana yanapt'atäñapataqui, uqhamarac bendicitäñapataqui.

Filipenses 1:11

Uqhamwa jacañanacamanjja mä suma cosech apthapiñäcaspas uqhama, Tatit Jesucristor yuspagarasina Diosar jach'añchañataqui.

Filipenses 1:9

Diosatsti mayiscaractwa jumanacan munasiñanacamajj juc'ampi utjañapataqui, yatiñansa, amuyt'añansa, take cunansa,

2 Tesalonicenses 1:3

Jilatanaca, jumanacatjja Diosarojj yuspagarapjjapuniñajjawa, asquiwa ac lurañanacajjajja, jumanacan iyawsäwinacamajj jilascatap laycu, uqhamarac maynit maynicama munasiñanacamajj sapürutjamaw juc'ampi utjascaraqui.

2 Timoteo 2:1

Jumasti wawajja, Cristo Jesusampi mayaru tucutas laycu bendicionas utjquistu ucampi ch'amañchasim.

Hebreos 12:28

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

2 Pedro 3:18

Ucampis khespiyiri Tatit Jesucristosar uñt'apjjam, munasiñapanraqui jiltapjjam. ¡Jupasti jach'achatäpan jichhas, wiñayataqui! Uqhamäpan.

Apocalipsis 3:17

Ucampis jumajj: Kamirïtwa sistawa, waliquïsctwa, take cunan phokt'atätwa saractawa; janiraquiw amuyasctati mä aynacht'ata jan cunanïscatamjja, juyqhuraquïtawa uqhamarus k'alalaraquïtawa.