2 Corintios 7:8 - Qullan Arunaca

⁸ Carta apayanipcsma ucajj mä juq'ita llaquisiyapjjchïyätamsa, janiw ucatjj jichhajj chuymajjanjja llaquiscti. Uca cartajj jumanacar mä juc'a llaquisiyapjjchïyätam ucqhajja nayajj llaquisiraquïyätwa.

Aymar Bibliia 1986

⁸ Carta apayanipcsma ucajj mä juq'ita llaquisiyapjjchïyätamsa, janiw ucatjj jichhajj chuymajjanjja llaquiscti. Uca cartajj jumanacar mä juc'a llaquisiyapjjchïyätam ucqhajja nayajj llaquisiraquïyätwa.

Qullan Arunaka DC

⁸ Qillqanipksma ukampitix llakisiyapxsmaxa, janiw ukat jichhax llakiskti. Uka Qillqatan mä juk'a pacha jumanakar llakisiyatap uñjasax nayax llakisirakïyätwa,

2 Corintios 7:8 Jak'a apnaqawi uñst'ayäwi

Lamentaciones 3:32

T'akhesiycchi ucasa, jupajj qhuyapt'ayasiraquiwa, munasiñapajj sinti jach'ätap laycu.

Juan 16:6

Acanac arsutajjatjja jumanacajj llaquitaquëjjapjjtawa.

Juan 21:17

Quimsïri cutinjja jisct'äscaquïnwa: —Simón, Jonasan yokapa, ¿munistati? —sasa. Pedrojj llacthapisïnwa quimsa cuti: “Munistati” sas jisct'atapata. Jupasti sänwa: —Tata, jumaw take cuns yatta. Jumaw yatta nayajj jumaru munatajj-jja —sasa. Jesusasti sänwa: —Uqhamajj ovejanacajj awatim.

2 Corintios 7:11

Jumanacajj Diosatacjamaw llaquisipjjäyätajja, jichhasti cuntejj ucatjam catokapctas uc uñjapjjam, luratanacamasti chekpachwa amuythapisiyapjjtam arsusiyapjjaractam. Colerayapjjäyätamwa, ucampis ajjsarthapipjjaraquïyätawa. Ucatsti nayar uñjañ munapjjaraquïyätajja, uca jan wali luririru mutuyañataquis janc'aquïpjjaraquïyätawa. Take ucanacansti jumanacajj uñacht'ayapjjtawa uca tokenacatjja jan juchanïpjjatama.

2 Corintios 7:12

Uqhamapï, cunapachatï uca carta kellkanipcäyäsma ucqhajja, janiw nayajj uca jan wali lurir jaketjja amtcäyätti, ni uca luratat t'akhesir jaketsa lup'caraquïyätti, jan ucasti Dios nayrakatan jumanacan nanacat llaquisipjjatanacama uñstayañataqui.

2 Corintios 7:6

Ucampis ch'ama thayjtatanacaru ch'amañchir Diosajj Titon purinitapampiw ch'amañchapjjetu.

2 Corintios 7:7

Janiw purinitapampiquiti, jan ucasti jupajj jumanacatjja wali cusisitänwa. Jupasti yatiyapjjaraquituwa kawctï jumanacajj nanacar uñjañ munapquista ucjjatjja, nanacat llaquisipjjatamatsa yatiyapjjaraquituwa; take ucanac yatisinjja nayajj wal cusista.

2 Corintios 7:9

Jichhasti cusistwa, janiw llaquisitanacamatti jan ucasti uqham llaquisisin arrepientisipjjatamatwa cusistjja. Jumanacajj Diosar cusisiyañcamaw llaquisipjjäyätajja, nanacasti ucatjja janiw cuna ñankhsa lurapcsmati.

Apocalipsis 3:19

Qhitinacarutejj nayajj muncta, ucanacarojj tokenoktwa, chekacharactwa. Ucatpï jumajj take chuymäñamajja, arrepientisiñamaraquejja.