2 Corintios 2:4 - Qullan Arunaca

⁴ Cunapachatï uca carta kellkanipcäyäsma ucqhajja, wali mayjt'ata, llact'ata, uqhamarac jacht'asisa, uqhamaw jicjjatasïyäta; ucampis janiw llaquisipjjañamataqui apayanipcsmati, jan ucasti cunja jach'äquitejj munasiñajjajj jumanacataqui uc yatipjjañamataquiw apayanipjjsma.

Aymar Bibliia 1986

⁴ Cunapachatï uca carta kellkanipcäyäsma ucqhajja, wali mayjt'ata, llact'ata, uqhamarac jacht'asisa, uqhamaw jicjjatasïyäta; ucampis janiw llaquisipjjañamataqui apayanipcsmati, jan ucasti cunja jach'äquitejj munasiñajjajj jumanacataqui uc yatipjjañamataquiw apayanipjjsma.

Qullan Arunaka DC

⁴ ukampis kunapachatix uka qillqat apayanipksma ukkhax wali llakt'ata, mayjt'ataw jikxatasïyäta, llakisiñatsa jacharakïyätwa. Ukampis janiw llakisipxañamatak apayanipksmati, jan ukasti, kunja jach'äkitix munasiñaxax jumanakatak uk yatipxañamatakiwa.

2 Corintios 2:4 Jak'a apnaqawi uñst'ayäwi

Salmos 119:136

Umjamaw jachajj nayranacajjat warasi, yatichäwiman jan yäkatätap laycu.

2 Corintios 11:2

Jumanacatjja nayajj wal llaquista, Diosat jutir munasiñampiraquiw celapjjsma, jumanacarusti Cristompiraquiw parlthapiyapjjsmajja. Ucatsti nayajj jumanacarojj Cristoruw uñstayañ munapjjsma, mä k'oma jan chach uñt'ir tawakor uñtata mä sapa chachampi casarasiñataqui.

2 Corintios 12:15

Nayasti take chuymaw nayan kollkejjat take cuns alasiscäjja, naya pachpasa uqhamaraquiw merk'susiscäjja jumanacan almanacaman asquip laycu. Amuyatajjatjja, nayajj jumanacar juc'ampi munapcsma ucqhajja, jumanacajj nayarojj juc'ampiw uñisipjjaraquistajja.

2 Corintios 2:9

Aca toketjja kellkanipjjäyäsmawa, arcapjjasmati yatichäwinacajjarojj janich, uc yatiñ munasina.

2 Corintios 7:12

Uqhamapï, cunapachatï uca carta kellkanipcäyäsma ucqhajja, janiw nayajj uca jan wali lurir jaketjja amtcäyätti, ni uca luratat t'akhesir jaketsa lup'caraquïyätti, jan ucasti Dios nayrakatan jumanacan nanacat llaquisipjjatanacama uñstayañataqui.

Filipenses 3:18

Walja cutiw jumanacarojj sapjjsma, jichhasti jacht'asisaw wasitat sasipcacsma: “Waljaninacaw jacasipqui Criston crusapa wal uñisisajja.”