2 Corintios 11:10 - Qullan Arunaca

¹⁰ Cunjämatejj Criston cheka cancañapa sum uñt'tjja, uqhamaraquiw yatta janiw qhitis nayarojj aca cusisiñajj-jja apakquitaspati take Acaya tokenjja.

Aymar Bibliia 1986

¹⁰ Cunjämatejj Criston cheka cancañapa sum uñt'tjja, uqhamaraquiw yatta janiw qhitis nayarojj aca cusisiñajj-jja apakquitaspati take Acaya tokenjja.

Qullan Arunaka DC

¹⁰ Criston chiqa kankañap uñt'ataxat janiw pächaskti, janiw Acaya chiqanakan khitis uka kusisiñ apaqkitaniti.

2 Corintios 11:10 Jak'a apnaqawi uñst'ayäwi

Hechos 18:12

Cunapachatejj Galión sat jilïrejj Acaya marcar apnakcän ucürunacajja, judionacajj Pablo contraw mayac sayt'apjjäna. Catuntasinsti, juparojj tribunalaruw irpapjje.

Hechos 18:27

Ucatsti Apolos chachan Acay tokenacar sarañ munïpanjja, jilatanacajj ch'amacht'apjjewa sarañapataqui. Qhurinquir iyawsirinacataquisti mä cartwa kellkawayapjje jupar sum catokapjjañapataqui. Acayar purisinjja, Apolos chachajj walwa yanapt'äna, Diosan munasiñap laycu iyawsir jilatanacarojja.

Romanos 1:9

Qhiti Diosarutejj nayajj sirviscta take chuymajjampi Yokapan arunacap khanañchasa ucajja, uñjasquituwa cunjämtejj nayajj jumanacat oracionajjan amtasipjjapunsma ucjja.

Romanos 16:5

Aruntapjjaraquim cawquïr jilatanacatejj Priscilampin Aquilampin utapan tantachatäpqui ucanacarusa. Aruntarapipjjaraquita Epeneto munat amigojjaru, jupawa Acaya provincian nayrïr iyawsirejja.

Romanos 9:1

Nayasti chekacwa sista Cristor iyawsatajj laycu, janiraquiw c'ariscti, chuymajjan amtäwinacapjja Kollan Ajayuw apnakasqui, cunatejj chekäqui uca nayar yatiyasa.

1 Corintios 16:15

Jichhajj jilatanaca, jumanacajj yatipjjtawa, Estéfanas ucan familiapawa nayrakat Tatitun arunacaparojj iyawsi uca Acaya tokenjja. Jupanacasti jilatanacaru sirviñaruraquiw uchasipjje.

2 Corintios 1:1

Naya Pablojj Diosan munañapatwa Jesucriston apostolopätjja. Aca cartjja Timoteo jilatampi chicaw kellkanta Corinto marcancapctas uca Diosan iglesiapanquir jilatanacaru, uqhamaraqui Acaya tokenquir take Diosan wawanacaparusa.

2 Corintios 1:23

Janis amtatajjarjama Corintorojj sarcsta ucasa, jumanacat qhuyapayasisaw jan jutcti ucsti Diosaw yatisqui.

2 Corintios 10:15

Janiraquiw mayninacan luratanacapatsa jach'a jach'a tucuñ munapcti nanacan luratanacajjäcaspas uqhama. Antisasa nanacajj suyt'asipctwa jumanacajj juc'ampi iyawsañanacamanjja jiltapjjañama, ucampis cawqhacamatejj waquisqui ucqhacamaquiraqui.

2 Corintios 11:12

Ucampis cuntï lurcta ucjja lurascaquïwa, uqhamata qhitinacatejj cuna c'arinacsa thakapqui, nanacjam tucuñ munasa suman uñt'ayasiñataquiraqui, ucanacar jan uqham lurañapataqui.

2 Corintios 11:31

Jesucristo Tatitusan Dios Awquipajja, qhititï wiñayataqui yupaychatäñapäqui ucajj yatisquiwa chekpuni sascatajj-jja.

2 Corintios 12:19

Inas jumanacajj amuyapjjsta ucanacampiqui nanacajj jichhajj arsusipquiristsa uqhama. Ucampis janiw uqhamäquiti, jan ucasti Diosan nayrakatapanwa Tatitun sutipjjaru parlapjjsma. Take ucanacsti jumanacan ajayunacaman jiltapjjañamataquiw lurapjjta, munat jilatanaca.

Gálatas 1:20

Acjj Diosan nayrakatapanwa sapjjsma, cuntejj kellkanipcsma ucajj janiw c'arïquiti.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

1 Tesalonicenses 2:10

Jumanacaw testigöpjjta, Diosas testigoraquiwa, nanacan k'oma cancañan sarnakatanacajjatjja, jumanac iyawsirinacampis, jan qhitinsa ni cunjjatsa juchañchayasiñataquisa.

1 Tesalonicenses 2:5

Jumanacajj asquiw yatipjjta, janiw cunapachas arunacampi jumanacar sumachapcsmati, janiraquiw cuna c'ari arunacs parlapcti kollke laycuquejja. Acatjja Diosaw sum yatisqui.

1 Timoteo 2:7

Acataquiw nayajj chhijllatäta Tatitun arunacap parlañajjataqui, apostolöñajjataqui, iyawsañjjata uqhamarac cheka arunacjjata jan judiöpqui ucanacar yatichañajjataqui. Cunatejj chekäqui ucwa sista; janiw c'ariscti.