2 Corintios 10:8 - Qullan Arunaca

⁸ Inas nayajj jumanacjjar munañanïtajj wayt'apjjchïma, ucatjja janiw cunat p'enkasiñajjas utjquiti. Nanacarusti Tatituw churapjjaraquitu munañanïpjjañajj-jja jumanacar Tatit token jiltayañataqui, janiw jumanacar t'unjañataquiti.

Aymar Bibliia 1986

⁸ Inas nayajj jumanacjjar munañanïtajj wayt'apjjchïma, ucatjja janiw cunat p'enkasiñajjas utjquiti. Nanacarusti Tatituw churapjjaraquitu munañanïpjjañajj-jja jumanacar Tatit token jiltayañataqui, janiw jumanacar t'unjañataquiti.

Qullan Arunaka DC

⁸ Inas nayax jilïr kankañanïtaxat jilpach jariyapxsma, ukat janiw kunat p'inqasiñaxas utjkiti; Tatituw jilïr kankañ churitu, iglesiar jiltayañataki, janiw tukjañatakiti.

2 Corintios 10:8 Jak'a apnaqawi uñst'ayäwi

2 Corintios 1:24

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.

2 Corintios 10:4

Nanacan nuwasiñanacajjataquejj janiw acapach armanacati uscutäquejja, jan ucasti nanacan armanacajjajj pachpa Diosan ch'amapawa, cunanacatejj ch'amanïqui ucanacar tucjañataqui.

2 Corintios 10:9

Janiraquiw muncaracti jumanacar carta tokecsa ajjsarañ churapquirismajj uqhama.

2 Corintios 12:19

Inas jumanacajj amuyapjjsta ucanacampiqui nanacajj jichhajj arsusipquiristsa uqhama. Ucampis janiw uqhamäquiti, jan ucasti Diosan nayrakatapanwa Tatitun sutipjjaru parlapjjsma. Take ucanacsti jumanacan ajayunacaman jiltapjjañamataquiw lurapjjta, munat jilatanaca.

2 Corintios 12:6

Naya pachpatsa jach'achasquirista ucajj janiw cuna lokhe cancañäcaspasa; jan ucasti chekacwa sasquiristjja. Ucampis janiw ucanac lurcti jan qhitis nayatjj juc'ampi sumätajj amuyañapataqui cuntï nayan uñjqui uqhamarac ist'qui ucanacatjja.

2 Corintios 13:10

Aca cartjja kellkanipjjsmawa janïra jumanacar uñjir jutcasa, cunapachatï nayajj jutcä ucqhajj jan munañanïñajj cancañampi khoru tucuñajjataqui. Uca munañanïñsti Tatituw churitu jumanacar ajayu tokena jiltayañataqui, janiw t'unjañataquiti.

2 Corintios 13:8

Janiraquiw cunsa chekapa contrajj lurapquiristti jan ucasti cunsa chekapacpunwa lurapjjtjja.

2 Corintios 7:14

Uqhamatwa jan nayajj mä p'enka uñjascti cunapachatï Titorojj jumanacatjj: “Wal cusista” siscäyät uca toketjja. Take cuntï jumanacar sapcäyäsma ucajj chekäscapuniwa. Uqhamaraquiw Titorojj cuntï jumanacat sapcäyät ucajj cheka uñstawayi, jumanacat cusisipjjatanacajjajja.

2 Corintios 7:4

Wali khana arumpi parlañajjaw utjitu, uqhamaraqui wali cusisiñaw jumanacatjja utjitu. Take t'akhesiñanacajj taypinsti, walwa ch'am catjjatta, cusisiñans phokt'ataraquïtwa.

Gálatas 1:1

Naya apóstol Pablojj janiw qhiti jaken qhitatäcti, jan ucasti pachpa Jesucriston qhitatätwa, uqhamarac Dios Awquimpi, cawquïritejj jiwatanac taypit jactaycänjja ucampi.

2 Timoteo 1:12

Ucatwa take acanacjja t'akhestjja. Ucampis acatjj janiw p'enkascti, nayajj yattwa qhitirutejj iyawscta uca, yatiractwa jupajj ch'amanïtapa qhä urucama nayaru cuntejj catuyquitu uc imañataquejja.