2 Corintios 1:1 - Qullan Arunaca

¹ Naya Pablojj Diosan munañapatwa Jesucriston apostolopätjja. Aca cartjja Timoteo jilatampi chicaw kellkanta Corinto marcancapctas uca Diosan iglesiapanquir jilatanacaru, uqhamaraqui Acaya tokenquir take Diosan wawanacaparusa.

Aymar Bibliia 1986

¹ Naya Pablojj Diosan munañapatwa Jesucriston apostolopätjja. Aca cartjja Timoteo jilatampi chicaw kellkanta Corinto marcancapctas uca Diosan iglesiapanquir jilatanacaru, uqhamaraqui Acaya tokenquir take Diosan wawanacaparusa.

Qullan Arunaka DC

^1-2 Corinto iglesiankir munat jilatanaka, kullakanaka, ukhamarak Acaya chiqankir taqi jilatanaka: Naya Pablompi, Timoteo jilatampix aruntanipxsmawa. Dios Awkisampi, nayar apostolüñatak ajllisir Jesucristo Tatitumpix khuyapayasiñapsa, sumankañapsa jumanakar churpan.

2 Corintios 1:1 Jak'a apnaqawi uñst'ayäwi

Hechos 16:1

Pablompi Silasampisti Derbe uqhamaraqui Listra marcanacaruw puripjjäna. Ucansti Timoteo sutini mä iyawsiriruw jicjjatapjjäna. Ucasti mä iyawsiri judío warmin yokapänwa, awquipasti griego jakeraquïnwa.

Romanos 15:26

Macedonianquirinacajja, uqhamarac Acayanquirinacasa mä ofrenda apthapipjje Jerusalenancquis uca pist'at jilatanacataqui.

Romanos 16:21

Timoteojj aruntanipjjaractamwa, jupasti nayamp chica irnakeriwa, uqhamarac Lucio, Jasón, Sosípater, marca masinacajjas aruntanipjjaractamwa.

Romanos 16:5

Aruntapjjaraquim cawquïr jilatanacatejj Priscilampin Aquilampin utapan tantachatäpqui ucanacarusa. Aruntarapipjjaraquita Epeneto munat amigojjaru, jupawa Acaya provincian nayrïr iyawsirejja.

1 Corintios 10:32

Jan qhitirus lanctayapjjamti, ni judiorusa, jan judiorusa, ni Diosan iglesiapanquirinacarusa.

1 Corintios 16:10

Timoteo purinin ucqhajj janiw cunatsa llaquisiyapjjätati; c'uchiqui sarnakasiyapjjäta, jupasti nayjamaraquiw Tatitun luräwipanjja irnake.

1 Corintios 16:15

Jichhajj jilatanaca, jumanacajj yatipjjtawa, Estéfanas ucan familiapawa nayrakat Tatitun arunacaparojj iyawsi uca Acaya tokenjja. Jupanacasti jilatanacaru sirviñaruraquiw uchasipjje.

1 Corintios 16:24

Take jumanacarusti munasiñajjwa apayanipjjsma Cristo Jesús Tatituncasinjja.

1 Corintios 6:11

Jumanacatjja yakhepanacajj uqhamäpjjaraquïyätawa, ucampis jichhajj k'omachatäjjapjjtawa, Diosarus catuyatäjjapjjaractawa, Tatit Jesucriston sutiparu, uqhamarac Diosan Kollan Ajayup tokeraqui.

2 Corintios 1:19

Diosan Jesucristo wawapasti qhitittejj Silvanosa, Timoteosa, nayasa parlapcsma ucajja janiw: “Jïsa, janiwa” sirïcänti, jan ucasti jupanjja Diosan arunacapajj chekapapunïnwa.

2 Corintios 1:23

Janis amtatajjarjama Corintorojj sarcsta ucasa, jumanacat qhuyapayasisaw jan jutcti ucsti Diosaw yatisqui.

2 Corintios 11:10

Cunjämatejj Criston cheka cancañapa sum uñt'tjja, uqhamaraquiw yatta janiw qhitis nayarojj aca cusisiñajj-jja apakquitaspati take Acaya tokenjja.

Gálatas 1:1

Naya apóstol Pablojj janiw qhiti jaken qhitatäcti, jan ucasti pachpa Jesucriston qhitatätwa, uqhamarac Dios Awquimpi, cawquïritejj jiwatanac taypit jactaycänjja ucampi.

Gálatas 3:26

Jumanacajj iyawsañ token takeniw Diosan wawanacapäjjapjjta, Cristo Jesusamp mayachatäpjjatanacam laycu.

Efesios 1:1

Naya Pablo, Diosan munañapatwa Jesucriston apostolopätjja. Aca cartjja kellkanipjjsmawa Efeso marcan Diosanquirinacaru, Cristo Jesusar iyawsapcta ucanacaru.

Filipenses 1:1

Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.

1 Tesalonicenses 1:1

Naya Pablo, Silvanompi uqhamarac Timoteompiw Tesalónica marcan iglesianquir jilatanacaru aca carta apayanipjjsma, cawquïr jilatanacatejj Dios Awquiru, uqhamarac Tatit Jesucristor mayachatäpqui ucanacaru. Dios Awquisajja jumanacarojj bendispan, uqhamarac sumancañapas jumanacampïpan.

1 Tesalonicenses 3:2

ucatsti Timoteo jilataruw qhitanipjjsma jumanacar uñjiri. Jupajj Diosan sirviripawa, Tatitun khespiyasiñ arunacap parlañanjja nanacamp chicaraquiw irnake. Ucatsti jupajj ch'amacht'apjjeristamwa, nayraruw irptapjjeristam iyawsäwinjja,

2 Tesalonicenses 1:1

Naya Pablow, Silvanompi, Timoteompi Tesalónica marcan iglesianquir jilatanacaru aca carta apayanipjjsma cawquïri jilatanacatejj Dios Awquiru, Tatit Jesucristoru mayachatäpqui ucanacaru.

1 Timoteo 1:1

Naya Pablojj Jesucriston apostolopätwa, Khespiyir Diosasan, uqhamarac Tatit Jesucristosan camachipat qhitanita, ucasti jiwasan suyt'äwisawa.

2 Timoteo 1:1

Naya Pablojj Jesucriston apostolopätwa, Diosan munañapat qhitata, cunjämatejj arsüwejj utjqui Cristo Jesusampi mayaru tucusin jacañjjata.

Tito 1:1

Naya Pablojj Diosan sirviripätwa, Jesucriston apostoloparaqui, jupan qhitataraqui qhitinactejj Diosajj ajllisqui ucanacar iyawsañar apaniñajjataqui, uqhamarac Diosan cheka yatichäwinacapsa uñt'apjjañapataqui,

Filemón 1:1

Naya Pablow Cristo Jesús laycu preso catuntatäsina, Timoteo jilatamp cuna aca carta kellkanipjjsma, nanacamp chic irnakeri munat Filemón,

Hebreos 13:23

Yatipjjaraquim Timoteo jilasajj niya carcelat mistjjewa. Janc'aquitejj purinini ucajj nayamp chicwa irpanï jumanacar uñjiri.