1 Timoteo 3:16 - Qullan Arunaca

¹⁶ Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

Aymar Bibliia 1986

¹⁶ Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

Qullan Arunaka DC

¹⁶ Janiw pächasiñax utjkiti kawkïr chiqa kankañatix iyawsäwisan uñstki ukan jach'ätapata: Cristox jaqir tukt'asaw akapachar jutäna, Ajayütap laykuw atipjawayäna, angelanakan uñjatänwa. Arunakapax markanakar yatiyatänwa, aka uraqpachan juparux iyawsawayapxi, alaxpachansti suma katuqatarakiwa.

1 Timoteo 3:16 Jak'a apnaqawi uñst'ayäwi

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Isaías 9:6

Mä wawaw jiwasataqui yurini, Diosaw mä yokall wawa churistani, uca wawaw jichhajj apnakaraquini. Aqham sasaw sutichapjjaraquini: ‘Amtäwinacapanjja Muspharcaña, jan atipjcay Dios, Wiñay Awqui, Sumancañan Jilïripa’ sasa.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).

Mateo 13:11

Jesusasti jupanacarojj sänwa: —Jumanacarojj Diosajj yatiyapjjtamwa cunanacatejj alajjpachan imantatäqui ucanacjja, ucampis jupanacarojj janiw yatiyatäpcänti.

Mateo 28:2

Ucatsti acatjamatwa orak qhathatejj sartäna, alajjpachata mä angelan sarakanitap laycu. Sepulturar jac'achasisinjja uca jach'a kaljja apakänwa, ucatsti uca patjjaruraquiw kont'asïna.

Mateo 3:16

Cunapachatejj Jesusajj bautisatäjjän ucqhajja, umatwa mistunjjäna, ucatsti mayacwa alajjpachajj jist'artäna, Jesusasti uñjaraquïnwa Kollan Ajayurojj palomar uñtat jupjjar sarakasinquiri.

Mateo 4:11

Supayasti uca pasatatjja sarawayjjänwa. Ucatsti angelanacaraquiw jutasinjja Jesusarojj sirvipjjäna.

Marcos 1:13

Jupasti pusi tunca urunacaw ajjsarcañ animalanacampi wasarancäna. Ucanwa Supayajj yant'äna, ucatsti angelanacaw juparu sirviri jutapjjäna.

Marcos 16:19

Jupanacar parlatap khepatjja, Tatit Jesusajj alajjpachar aptatäjjänwa. Jupasti Diosan cupëjjaparuw kont'asjje.

Marcos 16:5

Sepulturar mantasinsti, mä waynaruw uñjapjjäna jank'o isin ist'ata, cupëjjan kont'atäsquiri. Warminacasti sustjasipjjänwa.

Lucas 2:32

Juparaquiw take marcanacar khantir khanajja, jupäniw Israel marcamaru jach'ar aptirejja” sasa.

Lucas 20:44

¿Camisaraqui Cristosti Davidan yokapäspasti David pachpa ‘Tatitu’ sischi ucasti?

Lucas 22:43

[Ucapachaw alajjpachat mä angelajj uñstäna juparu ch'amañchañataqui.

Lucas 24:4

Sustjatäsipcänwa janiw camacht'irjamäpcänsa. Uqhamäsquipanwa jupanac jac'an uñsti pani suma jank'ot ist'at chachanacajja.

Lucas 24:51

Ucatsti bendiscasinwa jupanacatjja jithektawayjje, alajjpacharu aptatäjjänwa.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 13:3

Jesusasti yatïnwa Diosat jutatapa, uqhamarac Diosar cutt'jjañapsa, ucatsti Awquina take munañanïña cancañ churatapsa yatiraquïnwa.

Juan 15:26

“Cunapachatejj chekpach Chuymachiri Ajayojj jumanacar yanapir jutcani ucqhajj, jupajj nayjjat parlani. Uca chuymachirsti nayaw Awquejjat qhitanï. Ucasti chekpach Ajayuraquiwa.

Juan 16:28

Nayajj Awquejjan ucatwa acapachar jutta; jichhasti acapachjja jaytawayjjtwa, wasitatwa Awquejjan ucaru cutt'jjaracta.

Juan 17:5

Jichhajj Awqui, utjäwimanjja cunjäm jach'a cancañamanccäyättejj janïra aca orake utjquipana, uca pachpa jach'a cancañay churjjeta.

Juan 20:12

Mankhansti uñjänwa pä angelanaca jank'ot ist'atcamaqui, Jesusan janchipajj cawqhanccäntejj ucawjan paninpach kont'ata, maynejj ch'ijmäñapana, maynisti cayöjjanaraqui.

Juan 6:62

Uqhamasti ¿cunas pasaspa Jaken Yokaparu cawquinccäntejj ucaru maqhatquiri uñjapjjasma ucajja?

Hechos 1:19

Ucsti take Jerusalenanquir jakenacaw yatipjje. Ucatwa uca orakejj jupanacan arunacapanjja Acéldama sata sutichatäna. Aca arusti ‘Wila wartat orake’ sañ muni.

Hechos 10:34

Ucatsti Pedrojj parlañwa kalltäna, saraquïnwa: —Jichhajj chekpachanwa amuyta, Diosataquejj take casta jakes mayaquïtapa.

Hechos 14:27

Antioquiar purisinsti, iglesia jilatanacaruw jawsthapipjjäna. Ucat jupanacarojj take cunanactejj Diosajj jupanac toke lurcatayna ucanacwa yatiyapjje. Uqhamaraquiw yatiyapjjäna cunjämtejj Tatitojj jan judionacäpquis ucanacan iyawsapjjañapataqui punc jist'arcän ucsa.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Romanos 10:12

Janiraquiw yakha yakhäñajj utjquiti judionacataquejja, ni yakhanacampisa, jupaquiraquiw takenin Tatitupajja take jupar art'asqui ucanacarusti take cuns churaraquiwa.

Romanos 10:18

Jisct'aractwa: “¿Janipunit uca Diosan suma arunacapjja ist'apcpacha?” sasa. ¡Ist'asipquiwa! Kellkatanjja saraquiwa: “Jupanacan parlatapajj take tokenwa ist'asi, arunacapasti take orakpachanracwa yatisi” sasa.

Romanos 16:25

Jichhasti Diosaru yupaychapjjañäni. Jupaquiwa jumanacarojj wali ch'amani tucuyaspajja, cunjämtejj nayajj jumanacaru yatichapcsmas khespiyasiñ toketjja, Cristo laycu utjatapäquis ucan sarnakañanjja. Take acanacasti Diosan khanstayatawa, ucampis janïra aca orakejj lurasquipanwa imantatänjja.

Romanos 16:26

Jichhasti take acanacajj khanañchasiwa Kellkatanac toke, cawquïrinactejj profetanacajj jaytawaycatayna wiñay Diosan arunacaparjama uca. Aca jan uñt'at yatichäwisti khanañchasiwa take jakenacajj juparu iyawsapjjañapataqui, jaysapjjañapataquiraqui.

Romanos 3:4

Janiw cunäquipansa, jan ucasti Diosajj take cunsa chekaparjamaw luraraqui, jakenacajj c'arisisipcpansa. Ucatpï arunacapajj aqham saraquejja: “Arsutanacam laycuw chekan uñt'atäyäta. Taripatäcät ucqhasti atipätawa.”

Romanos 8:3

Diosajj phokhawayjjewa cuntejj Moisesan leyipajj jan lurcäna jan ch'amanïtapata, jiwasanacan wali juchararätas laycu. Diosasti jupan mä sapa Wawaparuw qhitani jiwasjam janchi cuerponi, uca quipca jucharus purirjamaraqui. Jupasti jucha laycu jiwañataquiw juti, ucatsti jupajj jucharojj juchañchawayiwa, janchincasinracwa atipjawayi.

Romanos 9:5

Jupanacajj nayrïri awquinacasan wawanacapawa, janchi toketjja Cristojj jupanacataracwa juti. Jupasti take cunanacjjaru Diosaraquiwa, ucatsti wiñayatac yupaychataraquiwa. Uqhamäpan.

1 Corintios 15:47

Nayrïri jakejj lak'at luratajja lak'änwa; ucjjar jakëqui ucasti Tatituwa, alajjpachanquiriraquiwa.

1 Corintios 2:7

Diosan yatiñ cancañapatwa parlapjjtjja, uca Diosan amtatapasti jan amuyt'cayawa. Aca orakejj janïra utjcän ucqhatpachracwa Diosajj ucanacjja amtäna jiwasan khespiyasiñasataqui, wiñayan wiñayapataqui.

2 Corintios 1:19

Diosan Jesucristo wawapasti qhitittejj Silvanosa, Timoteosa, nayasa parlapcsma ucajja janiw: “Jïsa, janiwa” sirïcänti, jan ucasti jupanjja Diosan arunacapajj chekapapunïnwa.

Gálatas 2:8

Pachpa Diosaw Pedrorojj mä apostoljama judionac taypiru qhiti, uca pachparaquiw nayarojj mä apostoljama jan judiöpquis ucanac taypiru qhitaraquitu.

Gálatas 4:4

Ucampis cunapachatejj tiempojj phokhasiwayjjejja, Diosajj Yokapwa qhitani mä warmi toke yurisa, mä judío jakjamaw leyir phokhasa jacaraquïna.

Efesios 1:9

Uqhamaraquiw uñt'ayistu jan amuyt'cañ amtäwipjja, ucasti cuntejj jupajj munañaparjam amtqui ucawa.

Efesios 6:19

Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 1:27

Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.

Colosenses 1:6

Aca pachpa Diosan arunacapasti take chekanwa wali jiltasqui, take chekan parlataraquiwa, take chekanracwa apthapitäscaraqui. Uqhamaw jumanac taypinsa lurasiscaraquejja cunapachattï jumanacajj Diosan munasiñapat ist'apjjäyäta, uca munasiñapajj chekätap yatipjjaraquïyäta ucqhatpacha.

Colosenses 2:2

Munaractwa jupanacajj chuymanacapanjja wali ch'amañcht'atäpjjañapa, mayaquïpjjañaparaqui munasiñansa, chekpach amuyumpi suma phokt'atäpjjañapawa, uqhamat Diosan imantäwipa uñt'añataqui, ucasti Cristo pachpawa.

2 Tesalonicenses 1:10

cunapachatejj Tatitojj qhä urunjja jutcani jupanquirinacampi jach'añchayasirejja, uqhamarac take iyawsirinacapampi jach'añchayasirejja; take aca arunac churapcsma ucarojj iyawsapjjtawa.

2 Tesalonicenses 2:7

Jamasancquis uca jan wali luririn amtäwipajj niyawa kalltasinqui, jichhajj taypit apakatäcani ucaquëjjewa, apakatäcani ucaquïw catjjäsiscaraquejja.

1 Timoteo 3:9

Iyawsäwi toket khanañchatäquis ucjja sum catjjäsiñaparaquiwa, k'oma chuymanïñaparaquiwa.

Hebreos 1:3

Jupawa Diosan jach'a c'ajquir khanapajja, juparaquiw cunäquitejj Diosajj uc uñacht'ayirejja, juparaquiw ch'aman arupampejj take cuns catjjäsi. Juchanacasat k'omachasinjja, alajjpachanjja Diosan tronopan cupëjjaparuw kont'asi.

Hebreos 12:2

Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi.

Hebreos 7:7

Janiraquiw qhitis janiw siscaspati bendicirejj bendicitäqui ucat jilïrïtapjja.

Hebreos 8:1

Sisctan ucanacat juc'amp jach'ajja, jiwasan jilïri sacerdotesajj uqhamapuniwa. Jupasti alajjpachanjja Diosan tronopan cupëjjaparuw kont'asi.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

1 Pedro 1:20

Cristojj uqham lurañapataquejja, janïra aca orakejj lurasquisa ucqhatpacha waquichatänwa, ucampis janiw uñstcänti, jan ucasti jichhaquiw suma khana uñstjje jumanacataqui.

1 Pedro 1:21

Jumanacasti Cristo tokeraquiw Diosarojj iyawsapjjtajja. Uca Diosaraquiw Cristorojj jiwatanacat jactayi, jach'aru tucuyaraqui; uqhamasti jumanacajj Diosaruw iyawsapjjtajja, suyt'apjjaractasa.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

1 Pedro 3:22

jupasti alajjpacharuw maqhatjje ucatsti Diosan cupëjjaparuw kont'asjje, uqhamarac jichhajj angelanacasa, munañaninacasa, ch'amasa jupar catuyatawa.

1 Juan 1:2

—Aca jacañ Arusti uñstawayiwa, nanacasti uñjapjjaractwa, uca pachpataracwa khanañchapjjta; uqhamarac jumanacarus yatiyanipjjaracsma aca wiñay jacañata, qhititejj Awquimpïscäna ucat jiwasanacar uñstaraquistu ucata —sasa.

1 Juan 3:5

Jumanacajj yatipjjtawa Tatit Jesucristojj jutiwa aca orakeru juchanacas k'omachañataqui, jupanjj janiraquiw cuna juchas utjquiti.

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.

Apocalipsis 17:5

Paraparusti mä suti kellkataraquiw utjäna, uca sutisti aqhamänwa: “Jach'a Babilonia, juchararanacan taycapa, cunatejj acapachan ajjtañäquis ucan taycapa” sasa.

Apocalipsis 17:7

Angelasti saraquituwa: “¿Cunatsa muspharascta? Amuyt'ayämaw cuntï sañ munqui uca warmitjja, uqhamarac uca pakallk p'ekeni, tunca wajjrani jach'a ajjsarcañ animaljjatsa.

Apocalipsis 7:9

Ucatsti uñjaractwa walja jakenaca take marcanacata, cunayman janchini, uqhamarac take casta parlani. Jupanacasti trono nayräjjan uqhamarac Cordero nayräjjapan sayt'atäsipcänwa. Waljanïpjjapunïnwa, janiraquiw qhitis jact'caspati, jank'o isincamaquïpjjänwa, amparanacaparojj palmanacas ayt'atcamaquiraquïnwa.