1 Timoteo 3:11 - Qullan Arunaca

¹¹ Uca pachparaquiw warminacas respetompi sarnakapjjañapa, jan arunac apnakeriraqui, suma amuyumpi sarnakasa, take cunans chekap lurasaraqui.

Aymar Bibliia 1986

¹¹ Uca pachparaquiw warminacas respetompi sarnakapjjañapa, jan arunac apnakeriraqui, suma amuyumpi sarnakasa, take cunans chekap lurasaraqui.

Qullan Arunaka DC

¹¹ Warminakasti uka kipkarakiw sum sarnaqañapa, janiw aru apnaqirïñapäkiti, taqi kunan askïñapawa, arsutap phuqhirïñapawa.

1 Timoteo 3:11 Jak'a apnaqawi uñst'ayäwi

Salmos 101:5

Jamasat jake masipjjat parlirirojj amuct'ayäwa; uñch'uquisir jakempiru, jach'a jach'a tucurimpirojj janiw alekac uñcatcäti.

Salmos 15:3

qhititejj jake masipar jan c'arintqui uca, jilaparus ñankha jan lurqui uca, uta jac'a masiparus jan jisc'achqui uca,

Salmos 50:20

Jilamaruw ina ch'usat c'arinttajja, pachpa jilamaruw jisc'achtajja:

Proverbios 10:18

Qhititï uñisirïtapa imt'asqui ucajja, c'ariwa; qhititï ch'ajjwanaca aptqui ucasti, jan amuyt'aniwa.

Proverbios 25:13

Cunjämatï yapu apthapi horasanjja junt'un irnakerirojja qhunu thayajj thayart'ayejja, uqhamawa suma phoker sirvirejja utanipar cusisiyi.

Jeremías 9:4

Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje.

Ezequiel 44:22

janiraquiw mä ijma warmimpisa ni chachampi jaljtata warmimpisa casarasiñapäquiti, jan ucasti Israelanquiri mä jan chacha uñt'iri tawakompiw casarasiñapa, jan ucajj yakha sacerdoten ijmapampisa.

Levítico 21:7

“Janiraquiw walja chachanacampi sarnaker warminacampisa casarasipjjañapäquiti, ni mä ch'amampi warmisita warmimpisa ni jaljtata warmimpisa, uca sacerdotenacajj Diosataqui yakhachatäpjjatap laycu.

Mateo 4:1

Uca khepatsti Ajayuw Jesusarojj wasararu irpäna, ucan supayan yant'atäñapataqui.

Juan 6:70

Jesusasti ucjjarojj saraquïnwa: —¿Janit jumanaca tunca payaniru ajllipcsma? Ucampis jumanacat maynïriwa supayajja —sasa.

Romanos 1:29

Cunayman jan chekap lurañanacampi phokhantatäpjjaraquiwa [k'añu lurañanacampi,] ñankha amtañampi, mich'asiñampi, jan wali amtañampi, envidiasiñampi, jak jiwayañampi, uñisisiñampi, sallkjasiñampi, maynit mayni contra parlañanacampi phokhantatäpjjewa.

1 Timoteo 1:12

Tatit Jesucristosarojj yuspagartwa, jupasti acataquiw ch'am churitu, ucatsti nayarojj chekat uñt'itu, Jupan sirviripat uscusitu.

1 Timoteo 3:2

Ucatpï cawquïritejj obispöchi ucajja, jan qhitins camscayaw jacañapa. Mä sapa warmini, mä suma jacañan jacañapawa, take amuyt'ampi uqhamarac respetompi. Utapar sart'irinac catokañataquejja waquicht'atäñapawa, yatichañataquis asquïñaparaqui.

1 Timoteo 6:2

Mayninacatejj iyawsir uywirinacanïchejja, janiw iyawsirïtap laycuquiti juc'ac ajjsaratañapäquejja, jan ucasti uywatanacajj juc'amp suma uñjañampiw sirvipjjañapajja, qhitinacatejj jumanacan asqui luräwinacam catokapctam ucanacajj iyawsir uywirinacawa, munat jilatanacaraquiwa.

2 Timoteo 3:3

Jan munasiñanïpjjaniwa uqhamarac jan qhuyapayasiñani, arunac apnakerinaca, jan wali luräwinacapjja janiw apanucupcaniti, wali khorunacäpjjaniwa, asqui luräwinacan uñisirinacaparaquïniwa.

2 Timoteo 4:5

Ucampis jumajj take amuyt'añampipuni saram, t'akhesiñanac mutusina, khespiyasiñ arunac parlañaru uchasiraquim, lurañanacamjja sumrac phokham.

Tito 2:3

Uqhamaraqui jilïri warminacajj suma sarnakerïpjjpan. Janiraqui aru apnakerïpjjpati ni machirïpjjpasa. Mayninacataquisti mä sumar uñtatäpjjañapawa.

Tito 3:2

Janiraqui qhiti toksa jan waljja parlapjjpati, jan ucasti sumanquirïpjjpan, uqhamarac munasiñani llamp'u chuyma takenirusa uñacht'ayasa.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.