1 Samuel 9:5 - Qullan Arunaca

⁵ Zuf sisqui uca chekaru purisinsti Saúl waynajj cawquïri uywatatejj jupampi chica sarcäna ucarojj saraquïnwa: —Cuttjjaquiñäni, inas awquejjajj jiwasat llaquisiscchi, kachu asnonacat sipansa —sasa.

Aymar Bibliia 1986

⁵ Zuf sisqui uca chekaru purisinsti Saúl waynajj cawquïri uywatatejj jupampi chica sarcäna ucarojj saraquïnwa: —Cuttjjaquiñäni, inas awquejjajj jiwasat llaquisiscchi, kachu asnonacat sipansa —sasa.

Qullan Arunaka DC

⁵ Suf chiqar purisinsti, Saúl waynax jupamp chik sarir uywataruw säna: —Kuttxakiñäni, inas awkixax qachu asnonakat sipan jiwasat wal llakisiskchi —sasa.

1 Samuel 9:5 Jak'a apnaqawi uñst'ayäwi

Mateo 6:25

“Sapjjaracsmawa, jan llaquisipjjamti, cuntejj mank'apcäta, umapcaraquïta, isisipcäta ucanacatjja. ¿Janiti jacañajj mank'at sipansa juc'ampi sumäqui, janchisti isitsa juc'ampïcaraquejja?

Mateo 6:28

“¿Cunatsa jumanacajj isinacamat wal llaquisipjjtajja? Uñjapjjam cunjämtï pampan pankaranacajj jilasqui uca, jupanacajj janiw kapupquisa ni cuns lurapcaraquiti.

Mateo 6:34

Jan llaquisipjjamti cunatï kharürojj pascani ucatjja, kharürusti take uca llaquisiñanacapampi phokt'ataraquïniwa, sapüruraquiw uqham llaquinacan phokhantatäsqui.

Lucas 12:11

“Cunapachatï sinagoganacar apapjjätam, jan ucajj juezanac nayrakatarusa, uqhamarac autoridadanac nayrakatarusa ucqhajja, jan llaquisipjjamti ucan cunjäm arsuñanacamatsa;

Lucas 12:22

Ucjjarusti Jesusajj discipulonacaparojj siwa: “Sapjjsmawa, jan llaquisipjjamti cuna mank'añatsa ni cunamp isisiñatsa.

1 Samuel 1:1

Efraín kollunac tokena Ramá sat chekana, mä chachaw jacäna, Zuf sisqui uca familianquiriraqui, sutipasti Elcana satänwa. Jeroham chachan yokapänwa, Eliú sat jaken allchhiparaqui. Achachilapan awquipasti Tohu satänwa, ucasti Zuf sisqui ucan yokaparaqui, Efraín tribunquirinacaraquïnwa.

1 Samuel 10:2

Jichhajj acat sarjjasinsti, Raquelan sepulturap jac'ana pani chachanac jicjjatäta, Selsa sisqui uca chekana, Benjamín tribun orakepana. Jupanacasti kachu asnonacar jicjjatjjatapatwa yatiyapjjätam, awquimasti janiw uca kachu asnonacat llaquiscjjeti jan ucasti, jumanacat llaquisejja, uqhamarac: ‘¿Cuns camachä wawajjata?’ sasaw awquimajj jisct'asisqui sasaw saraquïtam.