1 Samuel 9:17 - Qullan Arunaca

¹⁷ Cunapachatejj Samuelojj Saúl waynar uñjcän ucqhajj Tatitojj sänwa: “Acajjay cawquïri jakettejj parlcäyäsma ucajja. Jupaw jichhajj marcajjarojj apnakani.”

Aymar Bibliia 1986

¹⁷ Cunapachatejj Samuelojj Saúl waynar uñjcän ucqhajj Tatitojj sänwa: “Acajjay cawquïri jakettejj parlcäyäsma ucajja. Jupaw jichhajj marcajjarojj apnakani.”

Qullan Arunaka DC

¹⁷ Kunapachatix Samuelux Saúl waynar uñjkäna ukkhaxa, Tatitux jupar sänwa: “Akaxay kawkïri jaqittix parlksma ukaxa. Jupaw markaxarux apnaqani” sasa.

1 Samuel 9:17 Jak'a apnaqawi uñst'ayäwi

Nehemías 13:19

Ucatsti saractwa inti jalantat samarañ urojj kalltjjani, uqhamarac Jerusalenan puncunacapas jist'antatäjjaraquini, ucatsti janiraquiw jist'aratäcaniti samarañ uru phokhasiñapcama. Ucjjarusti puncunacarojja ucharactwa yakhep uywatanacajja, samarañ uruna jan cuna aljañanacas mantaniñapataqui.

Nehemías 13:25

Ucatsti jupanacarojj tokenokaraquictwa, uqhamarac maldiciractwa. Yakhepanacarusti nuwjtwa, uqhamarac ñic'utanacapsa jiq'iraractwa, ucatsti wayt'aractwa Dios laycu juramento lurapjjañapataqui janipuni casarapjjañapataqui yokanacaparusa ni phuchhanacaparusa yakha marcat jutir jakenacampi, ni iyawsapjjañapäquisa yokanacapan warminacapataquejja, ni jupanac pachpa yokanacapataquis iyawsapjjañapäquiti jupanacan phuchanacapa. Ucjjarusti saractwa:

Jeremías 32:8

Cunjämatejj Tatitojj sitänjja, uqhamarjamapuniw Hanameel primo jilajjajj, reyin guardiapan patiopar jutasin, cuna orakepatejj Anatot sisqui uca chekan utjqui uca orake alasiñajjataqui parljjayitu, uca orakesti Benjamín tribun orakepanquiwa, uca orake alasiñataquisti nayaruraquiw wact'itänjja jac'a familiätajj laycu. Ucajj Tatitun munañapätapa amuyasinsti,

Oseas 13:11

Jumampi coleratäsinwa reyinacjja churayäsma, ucatsti coleratäsinracwa jumatjja apakjjsma.

Hechos 13:21

Ucapachasti jupanacajj mä rey mayipjje jupanacar apnakañapataqui. Diosasti iyawsasaw jupanacarojj mä rey churi, pusi tunca mara jupanacar apnakañapataqui. Uca reyisti Cis sat chachan Saúl yokapänwa. Jupasti Benjaminan familiap castaraquïnwa.

1 Samuel 3:13

Niyaw juparojj yatiyaracta familiapar wiñayatac mutuyañ toketjja, jupasti yatiraquiwa cuna jan walinactejj familiapajj lurqui ucanacjja. Wawanacapajj janiw nayarojj yäkapquituti, jupasti ucanacjja sumwa yatiraqui, janiw ucatjja camscaraquisa.

1 Samuel 9:18

Marcar mantañ puncuru jac'achcasinsti Saúl waynajj Samueloruw jicjjati, ucatsti saraquïnwa: —Tata, avist'ita, ¿cawqhas uñjirin utapajja? —sasa.