1 Samuel 8:11 - Qullan Arunaca

¹¹ saraquïnwa: —Jichhajj acaw suyt'apjjtam cawquïri reyitejj apanakapcätam ucampejja. Yokanacamjja jawsthapiniwa, ucatsti nuwasiñ carronacaruw ucharaquini, yakhepanacarusti caballeriaruw uchani, yakheparusti jupan uñjiripataraqui uchasini.

Aymar Bibliia 1986

¹¹ saraquïnwa: —Jichhajj acaw suyt'apjjtam cawquïri reyitejj apanakapcätam ucampejja. Yokanacamjja jawsthapiniwa, ucatsti nuwasiñ carronacaruw ucharaquini, yakhepanacarusti caballeriaruw uchani, yakheparusti jupan uñjiripataraqui uchasini.

Qullan Arunaka DC

¹¹ sarakïnwa: —Jichhax kawkïr reyitix jumanakar apnaqapkätam ukampix akhamaw suyt'apxtam: Wawanakamar jawsthapisax nuwasiñ carronakaruw uchani, yaqhipanakarusti caballeriaruw uchani, mayninakarusti jupan uñjiripatakiw uchasini.

1 Samuel 8:11 Jak'a apnaqawi uñst'ayäwi

2 Samuel 15:1

Take ucanac pasatatsti Absalonajj guerran nuwasiñ mä carro jicjjataraquïna uqhamaraqui caballonacampi, ucatsti mä guardia jupataqui pheska tunca jakenacwa utt'ayasiraquïna.

1 Reyes 1:5

Uccañcamasti Davidampina, Haguit warmipampina Adonías sat yokapasti, jupa toke sayt'asisinjja sänwa: “Nayaw reyëjjajja” sasa. Ucatsti waquicht'asïnwa nuwasiñ carronaca, caballería carronacsa, uqhamarac pheska tunca guardia jakenacaraqui jupar imapjjañapataqui.

1 Reyes 10:26

Salomonajj tantacht'änwa carronaca, uqhamarac caballor apnakerinaca. Utjänwa waranka pusi patacani carronaca, uqhamarac tunca payan waranka caballor apnaker chachanaca, ucanacsti uchänwa nuwasiñatac carronacani cuartelanacaru, uqhamarac Jerusalenan reyin guardiaparuraqui.

1 Reyes 12:10

Qhaya waynanacajj jupamp chica jilsupcäna ucanacasti sapjjänwa: —Aca jakenacajj mayipctam apakt'añama awquimajj ch'ama lurañanaca jupanacjjaru wayt'awaycäna ucanacarojja, aqham sasaw sañama: ‘Awquejjatejj khorüchïna, nayajj juc'amp khorütwa;

1 Reyes 12:4

—Juman awquimasti nanacampejja wali khorünwa; jichhasti jumajj uca ch'ama sirviñatjja mä juc'a apakt'apjjeta, uqhamarac jupajj wali t'akhesiñampi lurañanaca phokhañanaca churapquitu ucsa, ucatsti nanacajj sirvisipcämawa —sasa.

1 Reyes 14:27

Roboam reyisti ucanac lantjja broncetwa escudonaca lurayjjäna, ucatsti catuyänwa uñjapjjañapataqui reyina palacioparu mantañäqui uca guardianacan oficialanacaparu.

1 Reyes 18:46

Ucampis Eliasarojja Tatituw ch'am churäna, ucatsti isipampi isthapisisinjja, Jezreel chekacamawa jaläna, ucatsti Acab reyitsa nayrwa purïna.

1 Samuel 10:25

Ucjjarusti Samuelojj marcarojj cuna leyinacatejj reino toket utjcani ucanacwa yatiyäna, uca leyinacjja mä libroruw kellksüna, uca librosti Tatitun santuariopan imatäjjaraquïnwa. Ucatsti Samuelojj take jakenacarojj utanacaparuw qhitanucjjäna.

1 Samuel 14:52

Filisteonac contra nuwasiñasti walipunïnwa, Saúl reyin jacañapanjja, uca laycuraquiw Saúl reyejj mä suma ch'amani ejercitonaca sayt'ayaraquïnjja, take ch'amani uqhamarac jan ajjsariri chachanacasti ejercitorcama jawsataraquïnwa.

1 Samuel 22:7

uca oficialanacaparojj sänwa: —Benjamín tribut jutiri jakenaca, ist'apjjeta: ¿Jumanacasti amuyapjjtati, Isaí jaken yokapajj jumanacaru churapjjätamti orakenaca, uva yapunaca, uqhamarac take jumanacarusa comandanteta, uqhamarac capitanata utt'ayañapa?

1 Samuel 8:9

Uqhamajj cuntejj mayipcätam ucarojj jaysascaquim. Ucampisa amtayaraquim, jupanacaru apnakcani uca reyejj cuntejj jupanacat maycani ucjja.”